Jɔn 5:30 - JAM DE NHIALIC 2011

³⁰ Yɛn cïn kën aa lëu yatök: kën aa piŋ, yen aya yɛn löŋ guiir: ku piɛth guiëërdï, në kë cän këde piɔ̈ndï ee kɔɔr, ee këde piɔ̈n ë Wäär, raan ë toc ɛn, yen aya kɔɔr.

Jɔn 5:30 ပူးပေါင်းရင်းမြစ်များ

Cäk 18:25

Aŋiɛc ëgɔk nɔn cïn kɔc cïn gup awäc bï nɔ̈k në kɔc de gup awɛ̈ɛ̈c. Acïï rɔt duëër lëu! Yïn cï kë cït ee kënë duëër looi. Ku na lɔ looi, ke kɔc cïn gup awɛ̈ɛ̈c, abï keek jɔ kuum në kɔc de gup awɛ̈ɛ̈c ëtök. Ku kënë acïï rɔt duëër lëu. Raan ee löŋ guiir ë pinynɔm ëbɛ̈n cï bï looi në yith?”

Diɛt 96:13

Të le Bɛ̈nydït bɛ̈n bïï pinynɔm bɛ̈n ceŋ. Abï kɔc ke pinynɔm ceŋ, në piathëpiɔ̈u ku yic.

Yith 28:6

Abï ŋiëc guiëër ë löŋ gäm kɔc ee löŋ guiir, ku gëm kɔc ee pänydït gël riët de piɔ̈u bï kek pänydït gël në kɔc bï ye mak.

Dhep 3:15

Bɛ̈nydït acï luɔi lui En yïn këtuc pɔ̈l, acï kɔckuön ke ater nyaai ëbɛ̈n, Bɛ̈nydït, Meliŋ de Yithriɛl atɔ̈u ke week, ka cïn kë bï we bɛ riääc ënɔɔnë.

Math 26:39

Go rɔt cuɔt tueŋ ëmääth, ku gut enɔm piny, ku lɛ̈ŋ an, “Yïn wäär, na lëu rɔt, tɔ bïnyë waan ɛn! Ku acie këde piɔ̈ndï, ee këde piɔ̈ndu.”

Jɔn 14:10

Kɛ̈në ya gam nɔn nuö yɛn ë wääda yic, ku nɔn nu Wääda ë yayic? Wël lɛ̈k week, acä ke ye lueel ë këde yenhdï, ee Wääda raan rɛ̈ɛ̈r ë yayic yen aye luɔi looi.

Jɔn 17:4

Yïn cä tɔ yök dhuëëŋ ë piny nɔm, luɔi cï gäm ɛn, an, bä looi, acä thöl.

Jɔn 18:11

Go Yecu Petero yɔ̈ɔ̈k an, “Tääuwë abätäu ë thiönhde yic: bïny cïï Wäär gäm ɛn, cä bï dek ë ye?”

Jɔn 4:34

Go Yecu ke yɔ̈ɔ̈k an, “Luɔi luɔi ɛn këde piɔ̈n ë raan ë toc ɛn, ayï thöl bän luɔide thöl, yen aye këcamdï.

Jɔn 5:19

Go Yecu bɛ̈ɛ̈r, yöök keek an, “Wek yɔ̈ɔ̈k ëyic, an, Wënde acïn kën ee lëu etök, ee kë cï tïŋ aye Wääda looi, yen aye looi: käŋ kedhie kak ee Wääda looi, kek aye Wënde ke looi ayadäŋ.

Jɔn 6:38

Yɛn ëcïï bɔ̈ piny paannhial, bä këde piɔ̈ndï bɛ̈n aa looi, yɛn ë bɔ̈ bä këde piɔ̈n ë raan ë toc ɛn bɛ̈n aa looi.

Jɔn 8:28

Go Yecu ke yɔ̈ɔ̈k an, “Të cä wek Wën ë Raan tääu nhial, yen abä wek e ŋic nɔn aa Yɛn En, ku nɔn cïn en kë cä looi në këde yenhdï, ku wëët cïï Wäär a wɛ̈ɛ̈t, yen aa luɛɛl ɛn kakë.

Jɔn 8:42

Go Yecu ke yɔ̈ɔ̈k an, “Tëë ye Nhialic yen ee Wuöördun, adï yak a nhiaar: nɔn ë bä yɛn tëde Nhialic bä eenë, ku yɛn ë cïï bɔ̈ në këde yenhdï, yen aa toc ɛn.

Jɔn 8:50

Ku yɛn cïï lɛcdï kɔɔr: raan tök anu raan kɔɔr lɛc bï a leec, ku yen aye löŋ guiir.

Romai 15:3

Acakaa Kërtho guöp, aacïï këde yenpiɔ̈u ee looi, ku, acït man cï e gɔ̈ɔ̈r an, “Lɛ̈ɛ̈t lɛ̈ɛ̈të kɔc yïn acï lööny ë yayeth.”

Romai 2:2

Ku aŋicku jäny ee Nhialic kɔc jɔ̈ɔ̈ny, kɔc ë ka cït ee kakë looi, nɔn ee yen jäny yic.

Romai 2:5

Ku yïn, në riɛl ril yïn piɔ̈u, ku në luɔi reec yïn puŋ de yïn piɔ̈u, yïn ë rɔt kuɛ̈t agönhdïït ɣet ë kööl ë agɔ̈th, akööl ë nyuöth bï löŋ piɛth cï Nhialic guiir rɔt nyuɔɔth.