Jɔn 5:25 - JAM DE NHIALIC 2011

²⁵ Wek yɔ̈ɔ̈k ëyic an, kööl abɔ̈, ku anu ënɔɔnë, kööl bï kɔc cï thou röl ë Wën ë Nhialic piŋ, ku kɔc ë pïŋ abïk pïïr.

Jɔn 5:25 ပူးပေါင်းရင်းမြစ်များ

Luk 15:24

Wëndiënë aa cï thou, ku ë bɛ pïïr ënɔɔnë, aa cï määr, ku acï jɔ yök.’ Gokï piɔ̈ɔ̈th jɔ miɛt.

Luk 15:32

Ee këpiɛth yen dɔl dɔl wok ku mitku piɔ̈ɔ̈th: wänmuuthë aacï thou, ku jɔ bɛ pïïr, aacï määr, ku beyë yök.”’

Luk 9:60

Go Yecu yɔ̈ɔ̈k an, “Päl kɔc cï thou ë ke thiäk kɔckɛn cï thou: ku yïn lɔ, guiëërë kɔc ciɛɛŋ de Nhialic.”

Jɔn 13:1

Na wën, aŋoot Dhuëëŋ ë Winythok wei, ke ŋic Yecu nɔn cï köölde bɛ̈n, kööl bï en jäl piny le tëde Wun, ku nhiëër nhiɛɛr en kɔckɛn nu ë piny nɔm, yen aa nhiɛɛr en keek athöökë käŋ.

Jɔn 17:1

Na wën, acï Yecu kakë lueel, ke jɔ enyin jat nhial, ku lueel an, “Wäär, kööl acï bɛ̈n, gämë Wëndu dhuëëŋ, ke Wëndu bï yï tɔ yök dhuëëŋ aya.

Jɔn 4:21

Go Yecu lueel an, “Tiiŋë, gam këdï an, ade kööl bï bɛ̈n kööl bä wek Wääda lam thïn, ku acie kuurë nɔm, ku acie Jeruthalem aya.

Jɔn 4:23

Ku ade kööl bɔ̈, ku anu ënɔɔnë, kööl bïï kɔc wääda lam thïn në wëi ku në yic, kek kɔc ee läm yic kɔɔr: ku Wääda ee kɔc cït keek kɔɔr bïk aa kɔc ë ye lam.

Jɔn 5:21

Acït man ee Wääda kɔc cï thou jɔt, tɔ keek pïïr, yen aye këde Wënde aya, ee kɔc tɔ pïïr kɔc nu ë yenpiɔ̈u.

Jɔn 5:28

Duökï gäi në kënë: kööl abɔ̈, kööl bï kɔc nu ë rɛ̈ŋ yiic rölde piŋ kɔc kedhie,

Jɔn 6:60

Ago kɔc juëc ë kɔckɛn ë piööcë yiic, të cï kek e piŋ, agokï lueel an, “Ee jam ril ee kënë, eeŋa duëër e piŋ?”

Jɔn 8:43

Eeŋö cä wek jamdï ŋic? Ee luɔi cä wek jamdï lëu në pïŋ.

Jɔn 8:47

Raan ë Nhialic ee wël ke Nhialic piŋ: yen acä wek ke piŋ, luɔi cä wek ee kɔc ke Nhialic.”

Jɔn 9:27

Go pɔ̈k nɔm keek an, “Acä kɔn lɛ̈k week wën, ku kɛ̈nkï piŋ: eeŋö kaarkï, kë bäk bɛ piŋ? Kaarkï luɔi bä wek aa kɔckɛn ë piööcë ayadäŋ?”

Romai 6:4

Yen ka, wok cï tɔ̈ɔ̈u në yen ëtök ë thuɔɔuwic në baptith cï wo baptith, luɔi bï wok tɔ̈u ë pïïr ë piɛcku yökic aya, cït man ë jön cï Kërtho jat nhial ë kɔc cï thou yiic në dhuëëŋ de Wun.

Epethiei 2:1

Ku we cïï Nhialic tɔ ɣɔ̈ɔ̈r, wek kɔc ɣɔn cï thou në kakuön ë yak looi.

Epethiei 2:5

acakaa wok ë cï thou ë kakuɔn ee yok wööc yiic, ka cï wo tɔ ɣɔ̈ɔ̈r në Kërtho ëtök, (ee dhuëëŋdepiɔ̈u en acï we kony wëi).

Epethiei 5:14

Yen a lueel en en an, “Jɔ pääc, yïn ë raan ninë, jɔt rɔt ë kɔc cï thou yiic, ke yï bïï Kërtho riaau.”

Kolothai 2:13

Ku week, wek kɔc ɣɔn cï thou në karɛckun, ku në luɔi kënë rïïŋdun cueel, we cï bɛ tɔ pïïr në yen ëtök, të cï en karɛckuɔ päl wook kedhie,

Nyuuth 3:1

Ku gäär tunynhial de ɣön ë Nhialic nu Thardith alë: Kakë aluel raan keek, raan de Wëi ke Nhialic kadhorou, ku kuɛl kadhorou: Yɛn ŋic luɔidu, yïn cath we rin cït man ë kë pïïr, ku yïn cï thou.