Jɔn 5:23 - JAM DE NHIALIC 2011

²³ Ke kɔc ë ke bï Wënde aa riëëu kedhie, cït man ee kek Wääda riëëu aya, raan ë toc e.

Jɔn 5:23 ပူးပေါင်းရင်းမြစ်များ

Diɛt 2:12

ku guötkï wenïïm piny në yenɔm. Ku na cie yen, ke agönhde abï rɔt dap looi, ka wek bï dap thou ëthiäu. Thieithieei në kɔc ee lɔ tëde Yen le ke gël.

Yith 42:8

“Ee Yɛn Yatök, Yɛn aye Bɛ̈nydït Nhialicdun. Acïn yanh däŋ rɔm ɛn ke dhuëëŋ wo yen, Yɛn cïï lɛcdï duëër rɔm wo yiëth.

Yith 44:6

Kë lueel ë Bɛ̈nydït melik de Yithriɛl, ku ye konyde, Bɛ̈nydït de rɛm kï: “Yɛn ee tueŋ, ku Ya ciëën, ku Yɛn ee Nhialic a tök, acïn yanh däŋ ee Yɛn a tök.

Yith 45:15

Nhialic de Yithriɛl, ee kɔcke kony, yen ee Nhialic ee rɔt thiaan?

Yith 45:21

Bäk bɛ̈ɛ̈ikï göönydun në luk nɔm, takï kɔc bï kɔ̈ɔ̈c në week ye röt kɔn luɔp. Eeŋa cï kë bï tuöl wadäŋ kɔn caar ɣɔn thɛɛr? Ë cie Yɛn, Yɛn Bɛ̈nydït, Nhialic ee kɔcke kony? Acïn yanh däŋ.

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Math 10:37

Raan nhiaar wun ayï man awär nhiëër nhiɛɛr en en, ka cïï rɔ̈ŋ kekë yɛn, ku raan nhiaar wënde ayï nyande awär nhiëër nhiɛɛr en ɛn, ka cïï rɔ̈ŋ kekë yɛn.

Math 11:27

Käŋ kedhie acï Wäär ke tääu ë yacin, ku acïn raan ŋic Wënde, ee Wäär etök, ayï Wäär acïn raan ŋic en, ee Wënde etök, ku raan nu ë Wënde piɔ̈u nɔn bï en ë nyuöth en.

Math 12:21

Ku rinke abï juöör ke aa ŋɔ̈ɔ̈th.”

Math 15:8

“Jurë ee rɔt cuöt tëthiɔ̈k ke yɛn në keliëp, ku yek a riëëu ë kethook, Ku piɔ̈nden amec kek yɛn.

Math 28:19

Yen la wek, lak juöör aa wɛ̈ɛ̈t kedhie, abïk a kɔcpiööcë, ku luöikï keek baptith në rin ke Wäärda, ku Wënde, ku Wëidït ɣer,

Luk 10:16

Go Yecu kɔckɛn ë piööcë yɔ̈ɔ̈k an, “Raan piŋ këdun, ka piŋ këdï, ku raan reec week, ka reec ɛn, ku raan reec ɛn, ka reec raan ë toc ɛn.”

Jɔn 14:1

Go Yecu lɛ̈k keek an, “Duökï wepiɔ̈ɔ̈th tɔ jeth, we ye Nhialic gam, gamkï yɛn ayadäŋ.

Jɔn 16:14

Abï ya tɔ yök dhuëëŋ: abï këdï nööm, ku jɔ nyuöth week.

Jɔn 17:10

Ku kakï kedhie ee kaku, ku kaku ee kakï: ku yɛn ee dhuëëŋ yök ë keyiic.

Romai 1:7

Wek kɔc nu Roma wedhie, kɔc nhiɛɛr Nhialic, ku cï we cɔɔl, bäk aa kɔc ɣerpiɔ̈ɔ̈th. Ë dhuëëŋdepiɔ̈u tɔ̈u ë weyiic kekë mät, ë ke bɔ̈ tëde Nhialic Wääda kekë Bɛ̈nydït Yecu Kërtho.

Romai 15:12

Ku be Yithaya luel an, “Abï dɛ meei de Jethe, Ku bï dɛ raan bï rɔt jɔ le Juöör cieŋ, Yen abï Juöör aa ŋɔ̈ɔ̈th.”

Romai 6:22

Ku ënɔɔnë, nɔn cï we luöny bei ë kërac cin, aguɔkï aa lïïm ke Nhialic, ke we de kakuön cï luɔk ënɔɔnë ka ke ɣɛɛrëpiɔ̈u, ku thök bï en thök ee pïïr athɛɛr.

Romai 8:9

Ku week, wek cie tɔ̈u ë täu de guöp, ee täu de wëi yen täu wek, të rëërë Wëi ke Nhialic ë weyiic ëyic. Ku na de raan nu raan cïï cath ke Wëi ke Kërtho, ka cie këde.

1 Kor 1:3

Ë dhuëëŋdepiɔ̈u tɔ̈u ë weyiic ayï mät, ë ke bɔ̈ tëde Nhialic Wääda kekë Bɛ̈nydït Yecu Kërtho.

1 Kor 10:31

Yen na yak cam, ku yak dek, ayï të de yen kë bäk aa looi, yak käŋ looi kedhie ke Nhialic bï dhuëëŋ yök.

1 Kor 16:22

Na de raan cïï Bɛ̈nydït Yecu Kërtho nhiaar, ka bï guöp dɛ aciɛɛn! Bɛ̈nydïïtda ka bɔ̈yë!

1 Kor 6:19

Ku kuöckï guöpdun nɔn ee yen luaŋdïït ë Wëidït ɣer nu ë weyiic, Wëi cäk yök tëde Nhialic, ku wek cie cath ë naamdun?

2 Kor 1:9

Ee yic, wok aa rɛ̈ɛ̈r ë wo ye kɔc ë röt ŋiëc thuɔɔu, luɔi cïï wo röt ee ŋɔ̈ɔ̈th, ee Nhialic en abuk dhil aa ŋɔ̈ɔ̈th, Raan ee kɔc cï thou jat nhial.

2 Kor 13:14

Dhuëëŋ de Bɛ̈nydan Yecu Kërtho piɔ̈u, ku nhiëër ë Nhialic, ku määth de Wëidït ɣer, ë ye tɔ̈u kekë week wedhie. Amiin.

2 Kor 5:14

Nhiëër ë Kërtho ee wo cieŋ, ayok lueel alë an, thon ë thuowë raan tök në biäk de raan ëbɛ̈n, ka yen thon cï raan thou ëbɛ̈n ka.

2 Kor 5:19

Luɔi ë nu Nhialic ë Kërtho yic, ee piny nɔm tɔ mät në yen, ku luɔi cïï en ka cïï kɔc wööc ee mac ë keyiëth, ago jam de mät tääu ë wocin.

Epethiei 6:24

Ë dhuëëŋdepiɔ̈u tɔ̈u ke kɔc kedhie kɔc nhiaar Bɛ̈nydan Yecu Kërtho në piɔ̈n agɔk. Amiin.

2Tim 1:12

En aa guööm ɛn ee kakë aya: ku acä keek guum, ke yɛn kën yäär, në biäk ŋiɛc yɛn raan cä gam, ku aŋiɛc ëgɔk nɔn duëër en këdäŋ ŋiëc tiit kë cä kuɛ̈i yen aɣet kööl bï bɛ̈n.

Ɣeberuu 1:6

Ɣɔn tuuc ë Nhialic wën kɛ̈ide ë piny nɔm, ke jɔ lueel an, “Ë lɛm ë tuucnhial kedhie.”

2 Pet 1:1

Yɛn Thimon Petero, lïm de Yecu Kërtho ku ya tunyde, wek gäär awerek wek kɔc cï gäm de naamde yök, gäm kït ke gämda në piathëpiɔ̈u ë Nhialic kekë Konydan Yecu Kërtho:

2 Pet 3:18

Yak lɔ ke we lɔ tueŋ në dhuëëŋ de wepiɔ̈ɔ̈th ku në ŋïny ŋiɛc wek Bɛ̈nydïïtdan Yecu Kërtho, yen aye Konydan ë wëi. Ë dhuëëŋ ë ye tɔ̈u ke ye këde ayï ënɔɔnë aɣet athɛɛr. Amiin.

1 Jɔn 2:23

Raan ëbɛ̈n raan jai ë Wënde, ka Wääda acïï cath ke yen aya: ku raan gam Wënde, ka cath ke Wääda aya.

2 Jɔn 1:9

Raan ëbɛ̈n raan ë löŋ wööc, ku reec rëër ë wëët de Kërthoyic, ka cïn nɔm Nhialic: ku raan ee rëër ë wëët de Kërthoyic, yen ade nɔm Wääda ku Wënde aya.