Jɔn 5:19 - JAM DE NHIALIC 2011

¹⁹ Go Yecu bɛ̈ɛ̈r, yöök keek an, “Wek yɔ̈ɔ̈k ëyic, an, Wënde acïn kën ee lëu etök, ee kë cï tïŋ aye Wääda looi, yen aye looi: käŋ kedhie kak ee Wääda looi, kek aye Wënde ke looi ayadäŋ.

Jɔn 5:19 ပူးပေါင်းရင်းမြစ်များ

Cäk 1:1

Të ɣɔn thɛɛr gɔl ë käŋ, Nhialic ë tënhial cak kekë piny.

Cäk 1:26

Ago Nhialic bɛ lueel an, “Loiku raan cït man ë wok, ku abïk dɛ riɛl në rec nïïm ku diɛt nïïm, ku läi, ku piny nɔm ëbɛ̈n, ku ka ye mol piny kedhie.”

Diɛt 138:3

Yïn cï lɔ̈ŋdï piŋ wään caal yɛn Yïn, në riɛldu yïn cï yɛn bɛ̈n të ril ayadäŋ.

Diɛt 27:14

Tit kuɔɔny de Bɛ̈nydït. Rit yïpiɔ̈u ku tɔ rɔt ril, ku tit kuɔɔny de Bɛ̈nydït.

Diɛt 50:6

Paannhial alueel piathëpiɔ̈u de Nhialic, an Yen guöpde ee Bɛ̈nydïït ee löŋ guiir.

Bɛ̈n 4:11

Go Bɛ̈nydït lɛ̈k en an, “Eeŋa ë lui raan thok? Ku eeŋa ee ye tɔ thiek yïth ku tɔ miŋ? Eeŋa ee ye tɔ daai, ku nɔn tɔ yen cɔɔr? Cie Yɛn, Yɛn Bɛ̈nydït?

Kɛ̈ŋ 2:6

Ee Bɛ̈nydït Yen ee pɛlënɔm gam, ku ŋïnydekäŋ ee bɛ̈n tëde Yen, ayï yöŋ de käŋiic.

Yith 44:24

“Yɛn ee Bɛ̈nydït, konydun, Ee Yɛn ee raan ë cak week. Ee Yɛn Bɛ̈nydït, Aciëŋ de këriëëc ëbɛ̈n. Ee Yɛn a tök Yɛn aa thieth paannhial, wään luɔi ɛn piny, acïn raan cï ya kony.

Yith 45:24

“Abïk aa lueel an ee kueerdï yetök, yen aye piathëpiɔ̈u ku riɛl yök, ku raan ëbɛ̈n raan ee yɛn maan abï ayäär guum.

Jeremia 17:10

Yɛn Bɛ̈nydït, Yɛn ee täŋ de kɔc kɔɔriic, ku thɛm kɔc piɔ̈ɔ̈th. Yɛn ee ŋɛk looi, cït man ë kueerdɛn ee yen ceŋ, ku cït man ë këdɛn ee looi.”

Math 26:39

Go rɔt cuɔt tueŋ ëmääth, ku gut enɔm piny, ku lɛ̈ŋ an, “Yïn wäär, na lëu rɔt, tɔ bïnyë waan ɛn! Ku acie këde piɔ̈ndï, ee këde piɔ̈ndu.”

Luk 21:15

we bä gäm thook pɛlënɔm, ke kɔc de ater në week ke ke cïï bëër bëër kek këdun bï lëu, ayï teer teer kek në week aya.

Jɔn 10:18

Acïn raan cï ke nööm tëde yɛn, ee yɛn ë gɛm keek yatök. Yɛn cath wo riɛl bän ke gaam, ku dɛ riɛl bän ke kuany nïïm aya. Thönë aa yɔ̈k tëde wäär.”

Jɔn 12:49

Yɛn acïï jam në këde yenhdï, ku Wäär raan ë toc ɛn, yen aa lëk ɛn kë bä lueel, ku jam bän jam.

Jɔn 12:50

Ku löŋde aŋiɛc nɔn ee yen pïïr athɛɛr: ago ka luɛɛl ënɔɔnë, acït man cï Wäär e lɛ̈k ɛn, yen aa luɛɛl ɛn keek.”

Jɔn 14:10

Kɛ̈në ya gam nɔn nuö yɛn ë wääda yic, ku nɔn nu Wääda ë yayic? Wël lɛ̈k week, acä ke ye lueel ë këde yenhdï, ee Wääda raan rɛ̈ɛ̈r ë yayic yen aye luɔi looi.

Jɔn 2:19

Go Yecu bɛ̈ɛ̈r, lɛ̈k keek an, “Riäkkï luaŋ ë Nhialicë, ku abä bɛ tɔ kääc ë nïn kadiäk.”

Jɔn 3:3

Go Yecu puk nɔm an, “Yïn yɔ̈ɔ̈k ëyic an, të kënë raan bɛ dhiëëth, ka cïï ciɛɛŋ de Nhialic duëër tïŋ.”

Jɔn 5:21

Acït man ee Wääda kɔc cï thou jɔt, tɔ keek pïïr, yen aye këde Wënde aya, ee kɔc tɔ pïïr kɔc nu ë yenpiɔ̈u.

Jɔn 6:38

Yɛn ëcïï bɔ̈ piny paannhial, bä këde piɔ̈ndï bɛ̈n aa looi, yɛn ë bɔ̈ bä këde piɔ̈n ë raan ë toc ɛn bɛ̈n aa looi.

Jɔn 8:28

Go Yecu ke yɔ̈ɔ̈k an, “Të cä wek Wën ë Raan tääu nhial, yen abä wek e ŋic nɔn aa Yɛn En, ku nɔn cïn en kë cä looi në këde yenhdï, ku wëët cïï Wäär a wɛ̈ɛ̈t, yen aa luɛɛl ɛn kakë.

Jɔn 9:4

Yɛn bï luɔi dhil aa looi, luɔi ë raan ë toc ɛn, të ŋootë piny ke ye aköl: wakɔ̈u abɔ̈, të cïn raan duëër luui.

Luɔi 2:24

Yen acïï Nhialic jat nhial, të cï en e luöny bei ë thuɔɔuwic: luɔi dhɛlë thuɔɔu muŋ bï en e muk.

Romai 6:4

Yen ka, wok cï tɔ̈ɔ̈u në yen ëtök ë thuɔɔuwic në baptith cï wo baptith, luɔi bï wok tɔ̈u ë pïïr ë piɛcku yökic aya, cït man ë jön cï Kërtho jat nhial ë kɔc cï thou yiic në dhuëëŋ de Wun.

Romai 8:11

Ku të rëërë Wëi ë weyiic, ke Wëi ke Raan wään cï Yecu jat nhial ë kɔc cï thou yiic, të rëër kek ë weyiic, ke Raan cï Kërtho jat nhial ë kɔc cï thou yiic, yen abï week tɔ pïïr gup gup de yiic thuɔɔu, në riɛl ë Wëikɛn ee rëër ë weyiic.

1 Kor 15:12

Ku të cï e guiëër kɔc ë këde Kërtho nɔn cï en rɔt jɔt ë kɔc cï thou yiic, ku na kɔc kɔ̈k ë weyiic, yek lueel adï, an, cïn jöt nu jön bï kɔc cï thou röt jɔt?

2 Kor 4:14

Në ŋïny ŋic wok cöökë an, Raan wään jɔt Bɛ̈nydït Yecu nhial, en abï wo jat nhial aya në Yecu, ago wo tääu ë yenɔm wokë week ëtök.

2 Kor 5:10

Ku wo bï dhil tïc ë thööny de Kërtho nɔm wodhie, thööny de guiëërëlöŋ, ago raan ëbɛ̈n käŋ yök ka bï röŋ në kë cï looi ë guöpde yic, nɔn ee yen këpiɛth, ku nɔn ee yen kërac.

Epethiei 2:5

acakaa wok ë cï thou ë kakuɔn ee yok wööc yiic, ka cï wo tɔ ɣɔ̈ɔ̈r në Kërtho ëtök, (ee dhuëëŋdepiɔ̈u en acï we kony wëi).

Epethiei 3:16

aguɔ lɔ̈ŋ, ke bï we gäm riɛl në dït ë dhuëëŋ de yenpiɔ̈u, abäk riɛl ë riɛldït në Wëike ë wepiɔ̈ɔ̈th thïn,

Pilipoi 3:21

raan bï wo puk gup, gup cïn naamden, luɔi bï en ke cuëëc abïk kït ë guöpdɛn ë dhuëëŋ, në luɔi de riɛldɛndït riɛl ee yen käŋ ŋiëc tääu ë yecök kedhie.

Pilipoi 4:13

Yɛn ee këriëëc lëu ë luɔi ëbɛ̈n në yen, yen raan ë ya gäm riɛl.

Kolothai 1:11

Yak riɛl ë riɛl ëbɛ̈n, në riɛldïït ë dhuëëŋde, bäk käŋ ŋiëc guum ëbɛ̈n, në liɛɛr ë wopiɔ̈ɔ̈th ku në miɛtëpiɔ̈u,

Kolothai 1:16

Käŋ acï ke cak ë yeyic kedhie, ka nu paannhial ayï ka nu ë piny nɔm, ka duëërë tïŋ ku ka cïï duëërë tïŋ, nɔn ee kek riɛl de meliik, ku nɔn ee kek bäny ceŋ piny, ku nɔn ee kek ciɛɛŋ, ku nɔn ee kek riɛl, käŋ aake cak në yen kedhie, ku aake cak në këde.

1 Theth 4:14

Ku të gɛm wok en nɔn cï Yecu thou, ku be rɔt jɔt, yen acït bïï bï Nhialic kɔc cï lɔ niin ë Yecuyic bɛ̈ɛ̈i në yen ëtök.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,

Nyuuth 2:23

Ku mïthke abä ke nɔ̈k abïk thou, ku abï ɣööt ke Nhialic ŋic kedhie, nɔn aa yɛn raan ee kɔc caath piɔ̈ɔ̈th, ku wɔi kë nu ee kɔc yiic thïn: ku yɛn bï raan ëbɛ̈n gäm kë rɔ̈ŋ ke luɔide week wedhie.