Jɔn 4:9 - JAM DE NHIALIC 2011

⁹ Go tiiŋ ë Thamaria puk nɔm an, “Ee käŋö ke lip yïn ɛn ë pïïu, ku ye Judai, ku ya tiiŋ ë Thamaria?” (Judai kekë kɔc ke Thamaria acïkï raan.)

Jɔn 4:9 ပူးပေါင်းရင်းမြစ်များ

Math 10:5

Kɔckë kathiëër ku rou acï Yecu ke tooc, ku yöök keek an, “Duökï röt yiɛl ë kueer ë Juöör, ayï pänydïït ë Thamaria ëbɛ̈n duökï lɔ thïn,

Luk 10:33

Na wën, ke raan töŋ ë Thamaria keny ëtɛ̈ɛ̈n, ku jɔ bɛ̈n të nu raanë, na wën, aacï e tïŋ, ke jɔ piɔ̈u kok ke yen,

Jɔn 4:27

Na wën, ke kɔckɛn ë piööcë ë ke bɔ̈, gokï gäi ë kë jiɛɛm en kekë tik, ku acïn raan cï e thiëëc an, “Eeŋö kɔɔr?” Ku an, “Eeŋö jiɛɛm yïn wekë yen?”

Jɔn 8:48

Ago Judai bɛ̈ɛ̈r, luelkï an, “Cie yic en luelku an, Yïn ee Thamaritan, ku de ye guöp jɔŋ rac?”

Luɔi 1:8

Ku we bï riɛl yök, të cï Wëidït ɣer bɛ̈n ë wegup, ku we bï aa cäätɔɔkï ë Jeruthalem, ku Juda ëbɛ̈n, ku Thamaria, ku aɣet të guutë piny thar.”

Luɔi 10:28

Go keek yɔ̈ɔ̈k an, “Aŋiɛckï nɔn rɛɛc en, të mɛ̈të raan ë Judai kekë raan ë jur däŋ, ayï të neem en en, ku yɛn cïï Nhialic nyuööth an, cä raan däŋ bï tɔ rac ku ta nhiany.

Luɔi 10:32

Yen tooc yïn kɔc Jopa, lek Thimon cɔɔl ee tënë, rinkɛn kɔ̈k acɔlke Petero, arɛ̈ɛ̈r ɣön e Thimon atën ee biök coŋ në wɛ̈ɛ̈r yɔu, të cï en bɛ̈n, ka bï jam ke yïn.’