Jɔn 4:36 - JAM DE NHIALIC 2011

³⁶ Ku raan ë tem ee ariöp yök, ku ye rap kut nïïm ë këde pïïr athɛɛr, ago raan ee com ayï raan ee tem agokï piɔ̈ɔ̈th miɛt ëtök.

Jɔn 4:36 ပူးပေါင်းရင်းမြစ်များ

Kɛ̈ŋ 11:18

Acïn kë ye raan ee karɛc looi yök në luɔide yic, ku kɔc ee piathëpiɔ̈u com kek ade ariöp yic.

Kɛ̈ŋ 11:30

Luɔi de piathëpiɔ̈u ee pïïr bɛ̈ɛ̈i, ku akuöörkuöör ee näk.

Danyel 12:3

Ku bäny Pelnïïm abïk lɔ riauriau në gëlgël de paannhial ëbɛ̈n, ku kɔc cï kɔc juëc wëët në luöi bï kek piathëpiɔ̈u aa looi, abïk riau cï kuɛl aɣet athɛɛr.”

Math 19:29

Ku raan ëbɛ̈n raan cï ɣööt nyääŋ piny, ku nyiëëŋ mïthëkɔcken piny, ayï nyïïrëkɔcken, ayï wun, ayï man, ayï tiiŋde, ayï mïthke, ayï duumke, në biäk de rinkï, ka bï käŋ yök ka cï ŋuak nyïïn raanbɔt, ku abï pïïr athɛɛr lɔ̈ɔ̈k lak.

Jɔn 3:36

Raan gam Wënde ee cath ke pïïr athɛɛr, ku raan reec Wënde gam, acïï pïïr bï tïŋ, agönh ë Nhialic ee rëër ë yeyeth.

Jɔn 4:14

ku raan ëbɛ̈n raan ë dek ë pïïu bä gäm en acïï bï bɛ aa yal anande, pïïu bä gäm en abïk aa nyin de pïïu ë yeyäc, awaŋ bï aa cool ë tul ɣet pïïr athɛɛr.”

Jɔn 5:24

“Wek yɔ̈ɔ̈k ëyic an, Raan piŋ wëlkï, ku gɛm raan ë toc ɛn, ka cath ke pïïr athɛɛr, ku acïn gääk bï tääu ë yeyeth, acï bɛ̈n bei ë thuɔɔuwic, le të nu pïïr.

Romai 1:13

Ku yɛn de piɔ̈u luɔi ŋiɛc en week, wek mïthëkɔckuɔ, nɔn cän e lueel ë yapiɔ̈u raanjuëc në bɛ̈n bän bɛ̈n tëde week, ku yɛn cï pëën aɣet cï ënɔɔnë, yɛn kɔɔr kë bï luɔk ë weyiic ayadäŋ, acït man cän e yök ë juöör kɔ̈k yiic.

Romai 2:7

Kɔc kɔɔr dhuëëŋ ku riëëu ku luɔi cïï kek bï dhiap, kɔc ë këpiɛth looi në liɛɛr ë kepiɔ̈ɔ̈th, kek abï gäm pïïr thɛɛr.

Romai 6:22

Ku ënɔɔnë, nɔn cï we luöny bei ë kërac cin, aguɔkï aa lïïm ke Nhialic, ke we de kakuön cï luɔk ënɔɔnë ka ke ɣɛɛrëpiɔ̈u, ku thök bï en thök ee pïïr athɛɛr.

Romai 6:23

Ariöp de kërac yen aye thuɔɔu, ku miɔ̈c de Nhialic yen aye pïïr athɛɛr në Bɛ̈nydan Yecu Kërtho.

1 Kor 9:17

Ku të luɔɔi ɛn ee kënë në piɔ̈n mit, ke yɛn cath wo ariöpdï: ku të luɔɔi ɛn en ke ya diu piɔ̈u, ke yɛn cï gäm thön bä döt thön ë wëlpiɛth.

1 Kor 9:18

Ariöpdï jɔ aa ŋö? Ariöpdï kï, an, “Tën aa yɛn wëlpiɛth guiir, ke yɛn bï wëlpiɛth ke Kërtho aa guiir youyou tei, ke yɛn cïï bɛ̈ɛ̈nydï bï kuöc muk, bɛ̈ɛ̈ny cï gäm ɛn ë wëlpiɛth yiic.

1 Theth 2:19

Aŋäth ŋäthku ee käŋö, ayï miɛt ë wopiɔ̈ɔ̈th, ayï göldan ë dhuëëŋ, yek kaŋö? Cïkï ee week, ë Bɛ̈nydan Yecu Kërtho nɔm në bɛ̈n bï en bɛ̈n?

1 Tim 4:16

Ye rɔt tiit apiɛth, ku ye wëët tiit aya. Ye cök ë tɔ̈u yïn ee kakë yiic: tën ee yïn e looi wuya, ke yïn bï rɔt kony ku kony kɔc ee kaku piŋ ayadäŋ.