Jɔn 4:34 - JAM DE NHIALIC 2011

³⁴ Go Yecu ke yɔ̈ɔ̈k an, “Luɔi luɔi ɛn këde piɔ̈n ë raan ë toc ɛn, ayï thöl bän luɔide thöl, yen aye këcamdï.

Jɔn 4:34 ပူးပေါင်းရင်းမြစ်များ

Jop 23:12

Yɛn kën jäl në lööŋke yiic, ee këde piɔ̈nde yen aya kuanyic, ke cie kë kɔɔr ë piɔ̈ndï.

Diɛt 40:8

Aa nhiaar bä këde yïn piɔ̈u looi Nhialicdï, wëëtdu aya muk në yapiɔ̈u thïn.”

Math 26:39

Go rɔt cuɔt tueŋ ëmääth, ku gut enɔm piny, ku lɛ̈ŋ an, “Yïn wäär, na lëu rɔt, tɔ bïnyë waan ɛn! Ku acie këde piɔ̈ndï, ee këde piɔ̈ndu.”

Math 3:15

Go Yecu puk nɔm an, “Päl ënɔɔnë, apiɛth alë, luɔi bï wok luɔi de piathëpiɔ̈u thöl ëbɛ̈n.” Go gam.

Math 9:19

Go Yecu rɔt jɔt, ku kuɛny cök, ayï kɔckɛn ëpiööcë aya.

Luk 15:10

Wek yɔ̈ɔ̈k an, “Yen abï ciët miɛt ee kɔc piɔ̈ɔ̈th miɛt ë tuuc ke Nhialic nïïm në biäk de raan tök raan ee kërac looi, ku be yepiɔ̈u puk.”

Luk 19:10

Wën ë Raan aa bɔ̈ bï kë cï määr bɛ̈n kɔɔr, ku bï bɛ̈n kony wëi.”

Luk 2:49

Go ke yɔ̈ɔ̈k an, “Ee käŋö ë kaar wek ɛn? Kuöckï nɔn duëër ɛn dhil tɔ̈u baai de wäär?”

Jɔn 17:4

Yïn cä tɔ yök dhuëëŋ ë piny nɔm, luɔi cï gäm ɛn, an, bä looi, acä thöl.

Jɔn 19:28

Na wën, aacï kakë wan, luɔi ŋicë Yecu nɔn cï käŋ guɔ thök kedhie, ke këcïgɔ̈ɔ̈r bï aa yic, ke jɔ lueel an, “Yɛn cï yal.”

Jɔn 19:30

Na wën, aacï Yecu mɔ̈n cï wac nööm, ke jɔ lueel an, “Ë jɔ thök!” Go enɔm guöt piny, ku jɔ thöök.

Jɔn 4:32

Go lueel an, “Yɛn de mïïth cam mïïth kuöckï.”

Jɔn 5:30

Yɛn cïn kën aa lëu yatök: kën aa piŋ, yen aya yɛn löŋ guiir: ku piɛth guiëërdï, në kë cän këde piɔ̈ndï ee kɔɔr, ee këde piɔ̈n ë Wäär, raan ë toc ɛn, yen aya kɔɔr.

Jɔn 5:36

Ku yɛn cath wo cäätɔ wär Jɔn: luɔi cï Wääda yiɛ̈n ɛn, bä ke bɛ̈n thöl, luɔi luɔɔiyë, kek aye cäätɔɔkï, lueel en, an, ee yen Wääda yen ë toc ɛn.

Jɔn 6:33

Kuïn ë Nhialic ee kë bɔ̈ piny paannhial, ku ye piny nɔm gäm pïïr.”

Jɔn 6:38

Yɛn ëcïï bɔ̈ piny paannhial, bä këde piɔ̈ndï bɛ̈n aa looi, yɛn ë bɔ̈ bä këde piɔ̈n ë raan ë toc ɛn bɛ̈n aa looi.

Jɔn 8:29

Ku raan ë toc ɛn, yen arëër wok ëtök, Wäär akën a nyääŋ piny atök, luɔi aa yɛn cool ë loi kamit në yepiɔ̈u.”

Luɔi 20:35

We cä nyuöth këriëëc ëbɛ̈n, luɔi bä wek aa luui aya, aguɔkï kɔc kuanynyïïn dhil aa muk, ku yak wenïïm tak në wël ke Bɛ̈nydït Yecu, wään lueel en en an, ‘Raan yïn raan däŋ käŋ, yen aye thieei awär raan ë yïnë käŋ.”’

Ɣeberuu 12:2

Ku yok wonyïïn tääu në Yecu guöp, Yen woiku Bɛ̈ny cï gämda gɔl ku thöl. Aa cï gam në Yepiɔ̈u ëbɛ̈n luɔi bï Yen thou në thon ayäär, në tim cï rïïu nɔm kɔ̈u në biäk de miɛtëpiɔ̈u ŋic bï yök në thökde. Ku Yen ënɔɔnë arɛ̈ɛ̈r në ciin cuëëny de thööny de Nhialic nu nhial.