Jɔn 3:32 - JAM DE NHIALIC 2011

³² Go ya cäätɔ në ka cï tïŋ ku në ka cï piŋ, go këde aa lueel, ku acïn raan ë këde gam.

Jɔn 3:32 ပူးပေါင်းရင်းမြစ်များ

Yith 50:2

“Eeŋö ye kɔckï mim ke cïn kë cïk lueel, wään la Yɛn tëden bä keek la ke luök? Eeŋö kën kek cɔ̈tdï puk nɔm wën cɔ̈ɔ̈t Ɛn? Cä guɔ ciën riɛl kuɔny ɛn keek? Yɛn duëër wɛ̈ɛ̈r tɔ dëu abïï yic riɛl të cän e lueel ku pɔ̈k kiɛɛr ke ke ye jɔ̈ɔ̈r, abï rec nu thïn thou në biäk de ciɛ̈n pïïu.

Yith 53:1

Go ë kɔc bɛ̈ɛ̈r an, “Eeŋa ë duëër ye gam yen kë lëkku kɔc ënɔɔnë? Eeŋa duëër Bɛ̈nydït tïŋ cin në ee kënë yic?

Math 7:8

Raan ëbɛ̈n raan ë këdäŋ lip, ke yök, raan ë këdäŋ kɔɔr, ke yök, ku raan tɔŋ ɣöt thok, ke liëpë yen.

Jɔn 1:11

Aa bɔ̈ tëde kɔcke, ago kɔcke ye cuö gam.

Jɔn 15:15

We cä bï bɛ tɔ ye lïïm, lïm akuc kë looi bɛ̈nyde: ku we cä tɔ ye määthkï, luɔi cän we tɔ ŋic këriëëc ëbɛ̈n ka cä piŋ tëde Wäär.

Jɔn 18:37

Go Pilato thiëëc an, “Ka jɔ ya melik?” Go Yecu bɛ̈ɛ̈r an, “Ee yic yen luel, yɛn ee melik? Yen aa dhiëëthë yɛn, ku yen aa bä yɛn ë piny nɔm, luɔi bän aa cäätɔ de yic. Raan ëbɛ̈n raan cath ke yic ka piŋ röldï.”

Jɔn 3:11

Yïn yɔ̈ɔ̈k ëyic an, “Wok ee kë ŋicku lueel ku yok cäätɔɔ në ka cuk tïŋ, ku wek cïï këda ee gam.

Jɔn 3:26

Agokï bɛ̈n tëde Jɔn, bïk ku luelkï an, “Rabi, raan ë rɛ̈ɛ̈r wek ëtök ë Jordan nɔm lɔŋtui, raan cï yïn këde lueel, tïŋ, ee kɔc baptith, go kɔc aa lɔ tëde yen kedhie!”

Jɔn 3:33

Raan ë këde gam, acï gɔ̈ɔ̈r ë katimde an, Nhialic yen aye yic.

Jɔn 5:20

Wääda anhiaar Wënde, go ya nyuöth käŋ kedhie kak ee looi: ku bï nyuöth luɔi dïït wär ee kakë, ke we bï gäi.

Jɔn 8:26

Yɛn de kajuëc bä lueel ë këdun ayï lööŋ juëc bä guiir: ku raan ë toc ɛn ee yic, ku ka cä piŋ tëde yen, kakë aya ke lɛ̈k kɔc ke piny nɔm.”