Jɔn 3:29 - JAM DE NHIALIC 2011

²⁹ Raan thiak nyan lueelë thiëëkë, yen aye monythiëk: ku mɛ̈thë monythiëk, raan kääc ëtɛ̈ɛ̈n ku piŋ jamde, ee piɔ̈u miɛt aläl ë röl ë monythiëk: miɛt miɛt ɛn piɔ̈u kï, acï guɔ aa yic.

Jɔn 3:29 ပူးပေါင်းရင်းမြစ်များ

Diɛt ke 3:11

Diëër ke Dhiɔn, bäkï tiëŋkï melik Tholomon. Aceŋ göl cïï ë man tääu në yenɔm, në kööl ɣɔn thiëëk en, kööl ɣɔn de miɛt ë piɔ̈nde kekë ayum de yen piɔ̈u.

Diɛt ke 5:1

Yɛn cï lɔ domdï, nyan mit ë yapiɔ̈u, nyandiën thiaak. Yɛn mɛ̈ɛ̈t walkiën ŋïr yiic kekë mer. Yɛn cam miökdiën ë kiëc, kekë athïn de kiëc. Yɛn dek mɔ̈ndï kekë ca. Cämë, monydiën nhiaar, ku dɛ̈kkë arëk abä wiɛɛt ë nhiëër!

Yith 54:5

Aciëŋdu abï ciët moc tëde yïn, Bɛ̈nydït de rɛm kek aye rinke. Nhialic Ɣeric de Yithriɛl abï we kony, Yen ee Bɛ̈nydïït mac pinynɔm ëbɛ̈n.

Yith 66:11

Wek bï kuɛthde cam, cït mɛnh thuat thin ke man.

Jeremia 2:2

bä ee jamë lɔ lɛ̈k raan ëbɛ̈n raan tɔ̈u në Jeruthalem. An, “Yɛn ee täuduön adöt wään ee yïn meth tak, nhiëër dïït ë nhiɛɛr yïn Ɛn ɣɔn tueŋ thiɛɛk wok röt, yïn aaye Ya kuany cök në jɔ̈ɔ̈ric, piny kënë com.”

Edhekiɛl 16:8

“Na wën aa bɛ tëëk nyɔk, ke ya tïŋ luɔi cï kööl bïï yïn nhiëër looi bɛ̈n. Guɔ guöpduön cïn lupɔ kum në lupɔdiën ya cieŋ, ku lɛ̈k yïn gutguut luɔi bän yïn nhiaar. Ɣɛɛ, yïn cï löŋ de thiëëc mak wo yïn yïn, ago jɔ aa këdï.” Yen kë lueel ë Bɛ̈nydït Awärjäŋ ka.

Ɣodh 2:19

“Ku yïn bä lɔ̈c rɔt aɣet athɛɛr, Yithriɛl. Yïn bä lɔc në piathëpiɔ̈u ku yic, ku nyuöth yïn nhiëër agɔk ku kokëpiɔ̈u, ku ta yïn ee këdï aɣet athɛɛr.

Math 22:2

“Ciɛɛŋ de paannhial, acït melik tök, melik cï thiëŋ de wënde lueel,

Math 25:1

“Ee köölë, ciɛɛŋ de paannhial abï jɔ thɔ̈ɔ̈ŋ ke dhueec kathiëër dhueec cï mɛ̈ckɛnkealath nööm, ku lekï biic lek monythiëk loor.

Math 9:15

Go Yecu ke yɔ̈ɔ̈k an, “Duëër wɛ̈ɛ̈t riëëc ë monythiëk aa dhiau, të ŋootë monythiëk ke tɔ̈u ke keek? Akööl abïk bɛ̈n, akööl bï monythiëk jɔt ë keyiic, yen abï kek cäm rɛɛc.

Luk 15:6

Ku na cï ɣet bei, ke jɔ määthke cɔɔl ku kɔc rɛ̈ɛ̈r ë yen ëtök, ku lëk keek an, ‘Jakï piɔ̈ɔ̈th miɛt në yɛn ëtök, yɛn ë thɔ̈ɔ̈kdiën wën cï määr yök!’

Jɔn 15:11

Kakë acä ke lɛ̈k wek, ke miɛt ë yɛnpiɔ̈u bï rëër ë weyiic, aguɔkï piɔ̈ɔ̈th miɛt abäk piɔ̈ɔ̈th ayum.

Jɔn 16:24

Aɣet cï ënɔɔnë acïn kë cäk lip në rinkï: yak lip, ke we bï aa miɔɔc, aguɔkï piɔ̈ɔ̈th miɛt abäk piɔ̈ɔ̈th a yum.

Jɔn 17:13

Ku ënɔɔnë, yɛn lɔ tëde yïn, ku yɛn luel kakë ë piny nɔm, ë luɔi bï kek cath ë miɛt de yɛnpiɔ̈u, abïk piɔ̈ɔ̈th a yum.

Jɔn 3:30

Yen abï rɔt dhil aa ŋuak, ku yɛn bï dhil aa lɔ ciëën.”

2 Kor 11:2

Yɛn de yic tiɛɛl ë biäkdun, tiɛɛl ë Nhialic: luɔi cän week tɔ thiak ë mony tök, luɔi bän week gäm Kërtho cït man ë dhueny awai.

Pilipoi 2:2

Ke we bï miɛt de yɛnpiɔ̈u tɔ ye yic, në luɛl aa wek jam tök lueel, ku dɛkï nhiëër töŋë, ku yak löŋ tök mat, ku cathkï në piɔ̈n tök.

1 Jɔn 1:4

ku kakë kek agäärku, ke wo bï piɔ̈ɔ̈th miɛt abuk piɔ̈ɔ̈th ayum.

2 Jɔn 1:12

Yɛn de kajuëc duɛ̈ɛ̈r gäär week, ku yɛn cïn piɔ̈u gäär bän awerek gɔ̈ɔ̈r në miök ë gäär: ee bɛ̈n bän bɛ̈n tëde week, yen ŋääth, agoku jam ke wo tuum wonïïm, ke wo bï piɔ̈ɔ̈th a yum ë miɛtëpiɔ̈u.

Nyuuth 21:9

Na wën, ke tunynhial bɔ̈ tunynhial tök në tuuc kadhorou yiic tuuc wën cath ë guöl kadhorou, guöl cï thiäŋ ë ka ye piny riɔ̈ɔ̈k kadhorou ka bɔ̈ ciëën, bï ku jiɛɛm ke yɛn, lueel, an, “Bä eenë, yïn bä nyuöth nyan thiak, tiiŋ de Nyɔŋamääl.”