Jɔn 3:18 - JAM DE NHIALIC 2011

¹⁸ Raan gam en acïn gääk nu ë yeyeth: ku raan reec gäm, ë guɔ yiëk yeth gääk ënɔɔnë, luɔi reec en gäm në rin ke Wën ë Nhialic, wën cï dhiëëth etök.

Jɔn 3:18 ပူးပေါင်းရင်းမြစ်များ

Mak 16:16

Raan gäm ku baptith abï kony wëi, ku raan reec gäm abï yiëk yeth gääk.

Jɔn 1:12

Ku kɔc cï gam, kek aa miɔc ë riɛl bïk aa mïth ke Nhialic, kek kɔc gam rinke:

Jɔn 1:18

Acïn raan cï Nhialic kɔn tïŋ ëkööl tök, ee Wën töŋdɛn cï dhiëëth etök, Wën nu ë Wun yɔu, yen aa nyuuth en.

Jɔn 20:31

Ku kakë acï ke gɔ̈ɔ̈r në luɔi bä wek Yecu gam, nɔn ee yen Kërtho, Wën ë Nhialic, ku gäm gäm wek, yen abä wek dɛ pïïr në rinke.

Jɔn 3:16

Nhialic ë piny nɔm nhiaar aläl, arëk abï miɔɔc ë Wëndɛn cï dhiëëth etök, ke raan gam en cïï bï määr, raan ëbɛ̈n, ku bï dɛ pïïr athɛɛr.

Jɔn 3:36

Raan gam Wënde ee cath ke pïïr athɛɛr, ku raan reec Wënde gam, acïï pïïr bï tïŋ, agönh ë Nhialic ee rëër ë yeyeth.

Jɔn 5:24

“Wek yɔ̈ɔ̈k ëyic an, Raan piŋ wëlkï, ku gɛm raan ë toc ɛn, ka cath ke pïïr athɛɛr, ku acïn gääk bï tääu ë yeyeth, acï bɛ̈n bei ë thuɔɔuwic, le të nu pïïr.

Jɔn 6:40

Këde piɔ̈n ë Wäär kï, an, bï raan ëbɛ̈n raan tïŋ Wënde, ku gɛm, ka bï bɛ pïïr athɛɛr, ku abä jat nhial ëkööl rial wadäŋ.”

Jɔn 6:47

Wek yɔ̈ɔ̈k ëyic: an raan gam ɛn acath ke pïïr athɛɛr.

Romai 5:1

Ku ënɔɔnë, nɔn cï wo tɔ piɛthpiɔ̈ɔ̈th në gäm, wok cï mat ë Nhialic në Bɛ̈nydan Yecu Kërtho.

Romai 8:1

Yen ka, acïn gääk be nu ë kɔc yiëth kɔc nu ë Kërtho Yecuyic, kek kɔc cie tɔ̈u ë täu de guöp, ayek tɔ̈u ë täu de wëi.

Romai 8:34

Eeŋa bï wo yiëk yiëth gääk? Ee Kërtho raan wään cï thou, yeka, aŋuän bï wok e lueel, an, raan cï bɛ jat nhial, raan nu ë baŋ cuëny de Nhialic, yen aye raan ee lɔ̈ŋ në biäkda aya.

Ɣeberuu 12:25

Ënɔɔnë yak röt jɔ tiit ke we cïï bï jäi të jiëëm ë Nhialic week. Na kën kɔc wään piŋ rölde, ɣɔn jiëëm En keek ë Mothe thok ë piny nɔm eenë poth taitai! Yak tak duɛ̈ɛ̈rkï poth të rɛɛc wek Yecu raan jiëëm week paannhial!

Ɣeberuu 2:3

Ka buk poth adï, të kën wok wonïïm riët kuɔɔnydïït de wëiyë. Ku Bɛ̈nydït guöpde Yen aa kɔn ee jamë luɛɛl, ku jɔ kɔc ɣɔn cï ye piŋ nyuöth wook nɔn yen yic.

Ɣeberuu 3:19

Ku ënɔɔnë acuk jɔ tïŋ nɔn ë kën kek bɛ̈n thïn lëu, në biäk cïn kek gäm.

1 Jɔn 3:23

Ku löŋde kï, gäm bï wo rin ke Wëndɛn Yecu Kërtho gam, ku nhiëër bï wok röt aa nhiaar, cït man cï en wo yiɛ̈n löŋ.

1 Jɔn 4:9

Ëcöökë yen aa le nhiëër ë Nhialic dhek tëde wook, tuöc cï Nhialic Wëndɛn töŋ cï dhiëëth tuööc ë piny nɔm, luɔi bï wo pïïr në yen.

1 Jɔn 5:10

Raan gam Wën ë Nhialic ke jam lueel cäätɔɔ acath kekë yen: raan reec Nhialic gam ka ye Nhialic tɔ ye alueeth, luɔi ë reec en jam lueel Nhialic në këde Wënde.

1 Jɔn 5:12

Raan cath ke Wënde ka cath ke pïïr, ku raan cïï cath ke Wën ë Nhialic ka cïï cath ke pïïr.