Jɔn 21:5 - JAM DE NHIALIC 2011

⁵ Go Yecu ke thiëëc an, “Wäthii, de këcam cath ke week?” Gokï bɛ̈ɛ̈r an, “Ei, acïn këdäŋ.”

Jɔn 21:5 ပူးပေါင်းရင်းမြစ်များ

1 Mel 19:6

Go liec, ke tïŋ kuïn cï pam cï nyop ë cool, ku gul ë pïïu ë yenɔm. Go cam ku dëk, ku be lɔ tɔ̈c.

Diɛt 37:3

Ye Bɛ̈nydït ŋɔ̈ɔ̈th ku loi këpiɛth, ceŋ ee pinyë në pialëguöp.

Math 14:15

Na ɣɔn thëën, ke kɔckɛn ë piööcë ë ke bɔ̈ tëde yen, bïk ku luelkï, an, “Ëtënë ee jɔ̈ɔ̈ric, ku akɔ̈l ë guɔ thëi, yɔ̈ɔ̈kë kut ë kɔc, an, bïk jäl, lek ë bɛ̈i yiic, lek rö ɣɔ̈c këcam.”

Mak 8:7

Ku ciɛthkï në rec thii töktöök: na wën, ke ke thieei, ku jɔ ke yɔ̈ɔ̈k an, bïk tääu ë kenïïm ayadäŋ.

Pilipoi 4:19

Ku Nhialicdï abï we tɔ kueth në këdak week ëbɛ̈n në juëc ë kakɛn nu paandɛn ë dhuëëŋ ë Kërtho Yecuyic.

Ɣeberuu 13:5

Duökï piɔ̈ɔ̈th ee dït në nhiëër ë kajuëc kaarkï, yak piɔ̈ɔ̈th miɛt në ka tɔ̈u në week. Në luɔi cïï Nhialic e lueel an, “Yïn cä bï nyääŋ piny aya ku yïn cä bï kɔn pɔ̈l anandï.”

1 Jɔn 2:13

Wek gäär, wek wärken ë mïth, luɔi cä wek Raan ŋic Raan ë nu të ɣɔn gɔlë käŋ. Wek gäär, wek dhuök, ë luɔi cä wek raan rɛɛcë tiaam. Acä gäär week, wek mïththiaakäŋ, ë luɔi ŋiɛc wek Wääda.

1 Jɔn 2:18

Wek mïththiaakäŋ, thaar ë thök de piny kï: ku acït man cä wek e kɔn piŋ nɔn bï raan man Kërtho bɛ̈n, en a cï kɔc juëc man Kërtho röt guɔ yök ënɔɔnë, ku yen a ŋicku ye nɔn ee yen thaar ë thök de piny.