Jɔn 21:15 - JAM DE NHIALIC 2011

¹⁵ Na wën, aa cïk thök ë cäm, ke Yecu thiëc Thimon Petero an, “Thimon, wën e Jona, nhiaar ɛn awär kɔckë?” Go gam an, “Ɣɛɛ, Bɛ̈nydït, aŋic nɔn nhiaar ɛn yïn.” Go yɔ̈ɔ̈k an, “Nyuääthë amithöökkiën amɛ̈l.”

Jɔn 21:15 ပူးပေါင်းရင်းမြစ်များ

Cäk 33:13

Go Jakop puɔ̈k nɔm en an, “Aŋic bɛ̈ny nɔn cï mïth dak në cäth, ayï amithöök, ayï akɛ̈ɛ̈l kedhie acïk dak. Na lok bɛ ŋoot ke wo cath, na cakaa kööl tök tei, ke luny aduëër thou ëbɛ̈n.

2 Tham 7:20

Eeŋö däŋ duɛ̈ɛ̈r lɛ̈k Yïn! Yïn ŋic awundu Bɛ̈nydït.

2 Mel 20:3

“Tak Yïnɔm Bɛ̈nydït në luɔi aa yan e them anandï, bä aa raan adöt, ku bä aa raan ee këde piɔ̈ndu looi, ku luɔi këpiɛth ë Yïnɔm.” Go Ɣedhekia dhiau në dhiën dït arëët.

Yith 40:11

Ee lunyde tiit, cï raan ee thök tiit, abï amɛ̈lke määt yiic, 2 ku boom keek në ye kök ku abï märken wat apiɛth.

Jeremia 23:4

Yɛn bï bäny bï keek tit lɔc. Kɔckï acïkï bï riɔ̈ɔ̈c ku cïkkï pɛ̈u wei, ku acä ke bï bɛ luöi këtuc. Acä lueel, Yɛn Bɛ̈nydït.”

Jeremia 3:15

Wek bä gäm bäny bï ya riëëu, ku abïk we mac në pɛlënɔm ku yöŋ de käŋiic.

Edhekiɛl 34:23

Abä ke gäm melik cït awundiën Debid bï ya tïndɛn tök, ku abï ke gël.

Edhekiɛl 46:24

Go raan lɛ̈k yɛn an, “Kake ayek ɣööt ke thät, të ye awuut ee lui Luaŋdït miɔ̈c cï kɔc nɔ̈k thaal.”

Math 10:37

Raan nhiaar wun ayï man awär nhiëër nhiɛɛr en en, ka cïï rɔ̈ŋ kekë yɛn, ku raan nhiaar wënde ayï nyande awär nhiëër nhiɛɛr en ɛn, ka cïï rɔ̈ŋ kekë yɛn.

Math 16:17

Go Yecu bɛ̈ɛ̈r, yöök, an, “Thieithieei, yïn Thimon Bar-Jona, acie raan cath kekë rïïŋ ku riɛm en ë nyuth yïn ee kënë ee Wäär nu paannhial.

Math 18:10

Tiëŋkï röt, ke we cïï mɛnh tök ë mïththiikë yiic bï kuöc theek, wek yɔ̈ɔ̈k an, “Tuuckɛn nhial ayek wäär woi nyin ëcaŋɣɔn wäär nu paannhial.

Math 26:33

Go Petero puk nɔm, lueel an, “Na cak kɔc nïïm mum kedhie në baŋdu, ke yɛn cïï nɔm bï mum anandï!”

Math 26:35

Go Petero lueel an, “Na ya cak dhil thou wokë yïn ëtök, ke yïn cä bï jai ë taiwei!” Ku yen aa lueel kɔcpiööcë kɔ̈kkë kedhie ayadäŋ.

Mak 14:29

Go Petero lueel an, “Na cak kɔc nïïm mum kedhie, ke yɛn cïï nɔm bï mum!”

Luk 12:32

“Du riɔ̈c, yïn luny koor: anu ë Wuöördun piɔ̈u luɔi bï en we miɔɔc ë ciɛɛŋ.

Luk 22:32

ku yɛn cï lɔ̈ŋ në biäkdu, ke gämdu cïï bï dak: ku yïn, të cï yïn yïpiɔ̈u guɔ puk, ke yï rit mïthëkɔckun piɔ̈ɔ̈th.”

Jɔn 1:42

Go bɛ̈ɛ̈i tëde Yecu. Go Yecu woi guöp, ku lueel an, “Yïn Thimon, wën ë Jona: yïn bï cɔɔl Kepath.” (Yen aye Petero, ku ye “kuur” në thoŋda.)

Jɔn 13:37

Go Petero lueel an, “Bɛ̈nydït, eeŋö cän yï duëër kuany cök ënɔɔnë? Yɛn bï wëikï gaam ë biäkdu!”

Jɔn 16:27

Wäär guöp anhiaar week, luɔi nhiaar wek ɛn, ku luɔi cä wek a gam nɔn ë bä yɛn tëde Nhialic.

Jɔn 21:12

Go Yecu ke cɔɔl an, “Bäk cämkï.” Ku acïn raan töŋ ë kɔcpiööcë duëër e thiëëc an, “Ee yïn ŋa?” Aŋickï nɔn ee yen Bɛ̈nydït.

Jɔn 21:7

Go raanpiööcë raan nhiɛɛr Yecu go Petero yɔ̈ɔ̈k an, “Bɛ̈nydït ka!” Na wën, a piŋ Thimon Petero yen nɔn ee yen Bɛ̈nydït, ke jɔ alulutde tääu ë yekɔ̈u (wënthɛɛr aa cïn kɔ̈u lupɔ), go rɔt cuat wïïr.

Jɔn 8:42

Go Yecu ke yɔ̈ɔ̈k an, “Tëë ye Nhialic yen ee Wuöördun, adï yak a nhiaar: nɔn ë bä yɛn tëde Nhialic bä eenë, ku yɛn ë cïï bɔ̈ në këde yenhdï, yen aa toc ɛn.

Luɔi 20:28

Yen tiëŋ wek röt, ku tiɛtkï luny de thök ëbɛ̈n, luny cïï Wëidït ɣer tääu ë wecin an bäk tiit, bäk ɣön ë Nhialic aa cääm, ɣön cï ɣɔɔc ë riɛmde guöp.

Luɔi 20:29

Aŋiɛc nɔn bï aŋuööth rac lɔ̈ɔ̈k bɛ̈n ë weyiic, të cän jäl, aŋuööth cïï luny bï pɔ̈l.

Romai 14:1

Raan dɛk ë gäm, ke damkï, ku duökï wël ë tɛɛr në yen.

Romai 15:1

Wok kɔc ril, wo bï kɔc dhil aa muk në kɔ̈c kɔ̈ɔ̈c kek, ku cuku ee luui në këde piɔ̈nda.

1 Kor 8:11

Ku në ŋïnyduön ë käŋ, bï mɛnhkui kɔ̈c määr, mɛnh cï Kërtho thou në baŋde?

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

Epethiei 4:14

Ke wo cïï bï bɛ aa mïth thiiakäŋ, mïth ee yom miaŋ ëbɛ̈n, leer ke tɛ̈ɛ̈n ku leer ke tɛ̈ɛ̈n, yom de wëët ë kɔc, në math mɛthë kɔc kɔc ë ruëëny, ku cäp kithic ee kek kɔc math.

Epethiei 6:24

Ë dhuëëŋdepiɔ̈u tɔ̈u ke kɔc kedhie kɔc nhiaar Bɛ̈nydan Yecu Kërtho në piɔ̈n agɔk. Amiin.

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

Ɣeberuu 4:13

Acïn kë kuöm nɔm në Nhialic nyin, awoi këriëëc ëbɛ̈n, yen ye wok En lɛ̈k yic, në luɔi ee Yen Raan bï wook luɔp.

1 Pet 1:8

Ee raan nhiaar, na cakaa yen ë kɛ̈nkï tïŋ: ku ye raan cäk gam, na cakaa yen ë cäkï woi guöp ënɔɔnë, aguɔkï piɔ̈ɔ̈th miɛt në miɛt cïï themë thok, ku de yic dhuëëŋ dït,

1 Pet 2:2

Takkï röt cït mïth cï piac dhiëëth, aguɔkï cɛk ke jam ë Nhialic aa kɔɔr, cɛk awai, ke we bï dït ë keek akonyë we wëi.

1 Pet 2:25

Wään wek ë cït thök ee tai, ku ënɔɔnë we cï wenïïm pɔ̈k Tïndun Raan ee wëikun tiit.

1 Jɔn 4:19

Nhiëër cï en wo kɔn nhiaar, en a nhiɛɛr wok en.

1 Jɔn 5:1

Raan ëbɛ̈n raan ë Yecu gam, an, ee Kërtho, ka ye dhiëëth Nhialic, ku raan ëbɛ̈n raan nhiaar raan ë dhiëth meth ke nhiaar mɛnh ë dhiëëth aya.

Nyuuth 2:23

Ku mïthke abä ke nɔ̈k abïk thou, ku abï ɣööt ke Nhialic ŋic kedhie, nɔn aa yɛn raan ee kɔc caath piɔ̈ɔ̈th, ku wɔi kë nu ee kɔc yiic thïn: ku yɛn bï raan ëbɛ̈n gäm kë rɔ̈ŋ ke luɔide week wedhie.