Jɔn 20:20 - JAM DE NHIALIC 2011

²⁰ Na wën, aacï kënë lueel, ke ke jɔ nyuöth yecin ku yelɔ̈ɔ̈m. Go kɔcpiööcë piɔ̈ɔ̈th miɛt, wën cï kek Bɛ̈nydït tïŋ.

Jɔn 20:20 ပူးပေါင်းရင်းမြစ်များ

Math 28:8

Gokï dap jäl ë raŋ nɔm, ariɔ̈ckï tei, ku amitkï piɔ̈ɔ̈th ayadäŋ, gokï kat lek jam lëk kɔckɛn ë piööcë.

Jɔn 16:20

Wek yɔ̈ɔ̈k ë yic an: We bï dhiau abäk dhuöör, ku kɔc ke pinynɔm abïk piɔ̈ɔ̈th miɛt: ku we bï piɔ̈ɔ̈th rac, ku rac de wepiɔ̈ɔ̈th abï rɔ puk abï aa miɛtëpiɔ̈u.

Jɔn 16:22

Ku week aya, we de dhiën ë wepiɔ̈ɔ̈th ënɔɔnë: ku we bä bɛ tïŋ, aguɔkï piɔ̈ɔ̈th miɛt, ku miɛt ë wepiɔ̈ɔ̈th acïn raan bï e nyaai tëde week.

Jɔn 19:34

Go alathkër tök Yecu gut lɔ̈ɔ̈m ë tɔŋ tei, ago riɛm bɛ̈n bei ënɔnthiinë kekë pïïu.

Jɔn 20:25

Ago kɔc kɔ̈k ë piööcë yɔ̈ɔ̈k an, “Wok ë Bɛ̈nydït tïŋ!” Go keek yɔ̈ɔ̈k an, “Të ŋuɔɔt ɛn ke ya kën tëde wiɛth tïŋ ë yecin, aguɔ yaciin tääu tëde wiɛth, ku të ŋuɔɔt ɛn ke ya kën a ciin luöt ë yelɔ̈ɔ̈m, ka cä bï gam.”

Jɔn 20:27

Go Thoma yɔ̈ɔ̈k an, “Bɛ̈ɛ̈iyë yïciin eenë, ciin thiinë ku woi a cin, ku bɛ̈ɛ̈iyë yïciin, luötë ë yalɔ̈ɔ̈m: ku du gäm reec, gämë!”

1 Jɔn 1:1

Kë ë nu ɣɔn thɛɛr gɔlë käŋ. Kë cuk piŋ, kë cuk tïŋ ë wonyïïn, kë cuk woi, kë cuk dɔm ë wocin, këde jam de pïïr.