Jɔn 20:16 - JAM DE NHIALIC 2011

¹⁶ Go Yecu lueel an, “Meri!” Go rɔt puk, ku lueel an, “Raboni!” (Yen aye “Bɛ̈nydiën ee wëët.”)

Jɔn 20:16 ပူးပေါင်းရင်းမြစ်များ

Cäk 22:1

Na wën, alɔ aköölkë thök, ke Nhialic ë them Abraɣam, cɔɔl an, “Abraɣam!” Ago Abraɣam gam, lueel an, “Yakï.”

Cäk 22:11

Go tunynhial ë Bɛ̈nydït cööt ke nu nhial, lueel an, “Abraɣam, Abraɣam!” Go Abraɣam gam, ku lueel an, “Yakï eenë.”

Cäk 45:12

Ku be Jothep ŋoot ke jam lueel an, “Ku week wedhie, ayï Benjamin, acäk tïŋ nɔn yan Jothep guöpdï, yɛn jam wo week.

Bɛ̈n 3:4

Na wën, aa tïŋ Bɛ̈nydït Mothe ke bɔ̈ tëthiɔ̈k, ke Nhialic ë cöt në bun dɛ̈pë yic ëtɛ̈ɛ̈n an, “Mothe! Mothe!” Go Mothe gam an, “Woi, yakï.”

Bɛ̈n 33:17

Go Bɛ̈nydït lɛ̈k Mothe an, “Këriëëc ëbɛ̈n abä looi cït man cïn e lueel në luɔi ŋiɛc ɛn yïn apiɛth, ku miɛt piɔ̈u wokë yïn.”

Diɛt ke 3:4

Ku tëthiin wën nyääŋ ɛn keek piny, acä guɔ lɔ yök, guɔ dɔm ku cä be pɔ̈l ajäl, aɣët të bän yen lɛɛr ɣön ë maar, ɣön ɣɔn dhiëëthë ya thïn.

Diɛt ke 5:2

Piɔ̈ndï aa yiɛ̈n, të wën niɛɛn ɛn, Guɔ nyuöth ke monydiën nhiaar ë tɔŋ ɣöt thok. Tɔ ya bɔ̈ ɣöt, raandiën nhiaar, nyandiën cï dikëdik, ku ye guukdï. Yɛn tiɔp nɔm wokë thäc, ku nɔmdï acï lɔ bath kekë ruu.

Yith 43:1

Yithriɛl, Bɛ̈nydït ë cak week alueel, “Duökï riɔ̈c, wek bä ke kony, we cä ke cɔɔl në rin, wek ee kɔckï.

Math 14:27

Go Yecu jam ke keek ënɔnthiinë, lueel an, “Pälkï röt piny, ee yɛn, duökï riɔ̈c!”

Mak 10:51

Go Yecu bɛ̈ɛ̈r, thiëëc an, “Eeŋö kɔɔr kë bä luöi yïn?” Go cɔɔr lueel an, “Raboni, ee luɔi bän yïn, yen akaar.”

Luk 10:41

Go Bɛ̈nydït bɛ̈ɛ̈r, yöök an, “Martha, Martha! Yïn cï piɔ̈u diɛɛr ku cï nuan ë kajuëc,

Jɔn 1:38

Go Yecu liec, ago ke tïŋ akuanykï e cök, ku jɔ ke thiëëc an, “Eeŋö kaarkï?” Gokï lueel an, “Rabi (yen aye Bɛ̈ny ë wëët, në thoŋda) an, “Rɛ̈ɛ̈rë tënou?”

Jɔn 1:49

Go Nathanyel bɛ̈ɛ̈r, lueel an, “Rabi, yïn ee Wën ë Nhialic! Ku yïn ee Melik de Yithriɛl!”

Jɔn 10:3

Raan tit agäu thok ee agäu tuɛ̈ɛ̈r en, go thök rölde piŋ: go thök ke yenguöp cɔɔl në rinken, ku jɔ ke tɔ lɔ biic.

Jɔn 11:28

Të cï en ee kakë lueel, ke jɔ jäl le Meri nyankënë cɔɔl, ke kuc jäŋ, go yɔ̈ɔ̈k an, “Bɛ̈ny ee wëët ë bɛ̈n, ka cɔl yïn.”

Jɔn 13:13

“Wek ee ya tɔ ye Bɛ̈ny ee wëët, ku Bɛ̈nydït, ee yic en luɛlkï, ee kakï.

Jɔn 20:28

Go Thoma bɛ̈ɛ̈r, lueel an, “Bɛ̈nydiëndït, ku Nhialicdï.”

Jɔn 3:2

Ë bɛ̈n tëde Yecu wakɔ̈u, bï ku lueel an, “Rabi, yïn ŋicku nɔn ee yïn raan ee wëët raan ë bɔ̈ tëde Nhialic: acïn raan duëër göök loiyë looi, të cïï Nhialic cath ke yen.”

Jɔn 5:2

Ku ade awuöl nu Jeruthalem awuöl thiääk ke kal thok Kal ë Amɛ̈l, awuöl de göl kadhïc, ku acɔl Bethaida në thoŋ de Ɣeberuu.

Jɔn 6:25

Na wën, acïk e yök lɔŋtui, ke jɔkï thiëëc an, “Rabi, ë yï bɔ̈ eenë nɛn?”

Luɔi 10:3

Na wën, të cït thaar kadhoŋuan aköl, ke tïŋ tunynhial ë Nhialic ke tiëc ëgɔk, ke bɔ̈ tëde yen, bï ku yöök an, “Korunelio!”

Luɔi 9:4

Go wïïk, ku piŋ röl yöök en an, “Thaulo, Thaulo, eeŋö yɔŋ yïn ɛn?”

1 Tham 3:10

Go Bɛ̈nydït bɛ̈n ku kɛ̈ɛ̈c në yelɔ̈ɔ̈m, ku cɔɔl cït man awën an, “Thamwɛl, Thamwɛl!” Go Thamwɛl bɛ̈ɛ̈r an, “Jam, lïmdu apïŋ.”

1 Tham 3:6

Go Bɛ̈nydït Thamwɛl bɛ cɔɔl. Aa kuc ë meth nɔn yen Bɛ̈nydït, në luɔi kën ë Bɛ̈nydït kɔn jam ke yen. Go rɔt jɔt ku lee tëde Eli ku lueel an, “Yïn cï ya cɔɔl, ku yakï eenë.” Go Eli bɛ̈ɛ̈r an, “Yïn kɛ̈n cɔɔl mɛnhdï, lɔ ciëën në agen nɔm.”