Jɔn 20:1 - JAM DE NHIALIC 2011

¹ Na wën, ë kööl tueŋ ë akööl kadhorou yiic, ke Meri Magdalene rial ɣɔn amiäk, të ŋootë piny ke col, le të nu raŋ, le ku tïŋ kuur acï nyaai ë raŋ thok.

Jɔn 20:1 ပူးပေါင်းရင်းမြစ်များ

Math 27:56

Diëër de yiic Meri Magdalene, ku Meri man Jakop kekë Jothep, ku man wɛ̈ɛ̈t ke Dhebedayo.

Math 27:60

ku le tɔ̈ɔ̈u ë raŋ de yenguöp, raŋ ë piɛc wec ë kuur lɔ giliu yic, go kuur dït tök lɔɔr tɛ̈ɛ̈u ë raŋ thok, ku jɔ jäl.

Math 27:64

Jɔ kɔc thɔn ënɔɔnë, bïk raŋ aa tiit apiɛth, aɣët kööl ee kek diäk, ke kɔckɛn ë piööcë ke ke cïï bï bɛ̈n, bïk bɛ̈n kual, ku yöökkï kɔc, an, “Ë rɔt jɔt ë kɔc cï thou yiic, ke mɛnh ciëën abï mɛth tueŋ wään wuöör.”

Math 27:66

Gokï lɔ, lek raŋ tɔ cök ë dötëye, ku botkï kuur thok, ku tɛ̈ɛ̈ukï kɔc ee tïït ëtɛ̈ɛ̈n aya.

Math 28:1

Na wën, aacï akööl ë Thabath guɔ thök, të kɔɔrë piny ruu ëkööl tueŋ wën aa kööl dhorou, ke Meri Magdalene bɔ̈ kekë Meri däŋ, bïk raŋ bɛ̈n tïŋ.

Math 28:2

Na wën, ke piny nieŋ rɔt arëët, ku bɔ̈ tunynhial ë Bɛ̈nydït piny paannhial, bï ku lɔɔr kuur wei ë raŋ thok, ku jɔ rëër ë yenɔm.

Mak 15:46

Go lupɔ linɔn ɣɔɔc, ku bïï piny, ku deer guöp ë linɔn, ku jɔ tääu ë raŋic raŋ cï wec ë kuur lɔ giliu yic, go kuur tök laar ë raŋ thok.

Mak 16:9

Na wën, aacï Yecu rɔt jɔt miäk ëtɛ̈ɛ̈n ëkööl tueŋ wën ee akööl dhorou, ke kɔn tuöl tëde Meri Magdalene, tiiŋ wään cï en jɔɔk rac kadhorou cieec ë yeguöp.

Jɔn 11:38

Go Yecu bɛ̈n ë raŋ nɔm, aa be keŋ ë yeyic. Raŋë ee kök, ku tɔ̈u kuur ë yenɔm.

Jɔn 11:41

Gokï kuur nyaai, të wën cï raan cï thou thiɔ̈k. Go Yecu enyin jat nhial, ku lueel an, “Wäär, thieithieei, nɔn cï yïn këdï piŋ.

Jɔn 19:25

Ku kääc man ë tim de Yecu lɔ̈ɔ̈m tim cï rïïu nɔm, kekë nyankënë ë man, yen aye Meri tiiŋ de Klopath, ku Meri Magdalene.

Jɔn 20:26

Na wën, aacï nïn aa bɛ̈t, ke kɔckɛn ë piööcë ke ke be guëër ɣöt, ku nu Thoma kekë keek. Na wën, ke Yecu bɔ̈, ku ɣöt acï gäär, bïï ku kɛ̈ɛ̈c ë ciɛɛlic, lueel an, “Ë mät tɔ̈u ke week.”

Luɔi 20:7

Na wën, ë kööl töŋ wën ee akööl dhorou, të cï kɔcpiööcë guëër bïk kuïn bɛ̈n wökic, ke ke jɔ Paulo guiëër wël, akɔɔr jäl bï en jäl miäk, go cool ë jam adïïtë piny.

1 Kor 16:2

Ëkööl tueŋ ee kek dhorou ëbɛ̈n, week wedhie, ë ŋɛk ë ye käŋ tɔ̈ɔ̈u abï ke kueet, acït man cï Nhialic e tɔ yök käŋ, ku miäk të cän bɛ̈n, ka cïn juɛ̈ɛ̈rëkäŋ bï nu.

Nyuuth 1:10

Yɛn aa cath wo Wëidït ëkööl ë Bɛ̈nydït, na wën, ke ya piŋ röldïït cït röl ë kaaŋ ë yakɔ̈u ciëën,