Jɔn 2:24 - JAM DE NHIALIC 2011

²⁴ Ku Yecu akën rɔt päl keek, luɔi ŋic en kɔc kedhie,

Jɔn 2:24 ပူးပေါင်းရင်းမြစ်များ

1 Mel 8:39

Piŋ lɔ̈ŋden ɣöndu paannhial, pälë keek awɛ̈ɛ̈cken, ku kony ke. Yïn Yïtök, Yïn ŋic kë nu ë mɛnh ë raan piɔ̈u. Ye raan ëbɛ̈n luöi kë rɔ̈ŋ kekë kë cï looi,

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

1 Lëk 29:17

Ku aŋiɛc Nhialicdï nɔn Yïn kɔc them piɔ̈ɔ̈th, ku Yïn ee piɔ̈u miɛt wekë raan lɔ piɔ̈n wai. Në riëëu ku piɔ̈ndiën lɔ wai, yɛn cï ee kakë gäm yïn kedhie ë piɔ̈n mit, ku yɛn cï miɛtëpiɔ̈u de kɔckuön tɔ̈u ee tënë tïŋ, kɔc cï miɔ̈c gäm Yïn ke ke mit piɔ̈ɔ̈th.

Jeremia 17:9

“Eeŋa duëër piɔ̈n ë mɛnh ë raan ŋic? Acïn këdäŋ rac aläl, ade juän dïït cïï bï dem.

Math 9:4

Go Yecu ka luekï ë kepiɔ̈ɔ̈th guɔ ŋic, ago lueel an, “Eeŋö tak wek kërac ë wepiɔ̈ɔ̈th?”

Mak 2:8

Na wën, ke ŋic Yecu ënɔnthiinë nɔn jɛɛm kek aya ë kepiɔ̈ɔ̈th, go ke yɔ̈ɔ̈k an, “Eeŋö tɛɛrkï ë wepiɔ̈ɔ̈th wäkya?”

Jɔn 1:42

Go bɛ̈ɛ̈i tëde Yecu. Go Yecu woi guöp, ku lueel an, “Yïn Thimon, wën ë Jona: yïn bï cɔɔl Kepath.” (Yen aye Petero, ku ye “kuur” në thoŋda.)

Jɔn 16:30

Ënɔɔnë aŋicku ëgɔk nɔn ŋic yïn käŋ kedhie, ku acïn kë bï raan bɛ thiëc yïn: kënë yen a gɛm wok yïn nɔn ë bï yïn tëde Nhialic.”

Jɔn 21:17

Go bɛ thiëëc raandiäk an, “Thimon, wën ë Jona, nhiaar ɛn?” Petero piɔ̈u diu luɔi cï en e thiëëc raandiäk an, “Nhiaar ɛn?” Go lueel an, “Bɛ̈nydït, yïn ŋic këriëëc ëbɛ̈n, aŋic nɔn nhiaar ɛn yïn.” Go Yecu yɔ̈ɔ̈k an, “Nyuääthë amɛ̈lkï.”

Jɔn 4:16

Go Yecu lueel an, “Lɔ, cɔl monydu, ku bäkï eenë.”

Jɔn 5:42

Ku wek ŋiɛc, nɔn liiuwë nhiëër ë Nhialic ë weyiic.

Jɔn 6:15

Të cï Yecu e ŋic nɔn kɔɔr kek luɔi bï kek ë bɛ̈n jɔt, bïk bɛ̈n tɔ ye melik, ke jɔ rɔt kual be lɔ ë kuurdït nɔm etök.

Jɔn 6:64

Ku ade kɔc kɔ̈k ë weyiic kɔc reec gäm.” (Ɣɔn gɔlë käŋ Yecu aa ŋic kɔc bï ye rɛɛc gam, ku ŋic raan bï ye nyiɛɛn.)

Luɔi 1:24

Agokï lɔ̈ŋ an, “Yïn Bɛ̈nydït, yïn ŋic piɔ̈n ë kɔc kedhie, nyuöthë wook raan cï lɔc ë kɔckë kaarou yiic,

Luɔi 15:8

Ku Nhialic, Raan ŋic kɔc piɔ̈ɔ̈th, acï aa cäätɔden, në miɔ̈c cï en keek miɔɔc në Wëidït ɣer, acït man cï en wo miɔɔc.

Nyöŋ 31:21

Ku të le karɛc juëc ku nuɛɛn juëc keek yök, yen ee dinë abï ya cäätɔ gɛɛny keek. Në biäk cïï mïth ke mïthken nïïm bï määr në yen. Yɛn ŋic këdɛn bïk looi, ayï wään ŋuɔɔt ɛn ke ke kɛ̈n bɛ̈ɛ̈i piny ɣɔn cän kuëëŋ an bä gäm keek.

Ɣeberuu 4:13

Acïn kë kuöm nɔm në Nhialic nyin, awoi këriëëc ëbɛ̈n, yen ye wok En lɛ̈k yic, në luɔi ee Yen Raan bï wook luɔp.

Nyuuth 2:23

Ku mïthke abä ke nɔ̈k abïk thou, ku abï ɣööt ke Nhialic ŋic kedhie, nɔn aa yɛn raan ee kɔc caath piɔ̈ɔ̈th, ku wɔi kë nu ee kɔc yiic thïn: ku yɛn bï raan ëbɛ̈n gäm kë rɔ̈ŋ ke luɔide week wedhie.

1 Tham 16:7

Ago Bɛ̈nydït lɛ̈k Thamwɛl an, “Duk rɔt tɔ diir ë läkde, ayï bɛ̈ɛ̈rde, acie yen cä lɔc. Yɛn cie lɔc cït man ye raan lɔc. Raan ee raan woi guöp biic, ku Yɛn ee raan woi piɔ̈u thïn.”