Jɔn 19:38 - JAM DE NHIALIC 2011

³⁸ Na wën, aacï kakë wan, ke Jothep de Arimathia, raanpiööcë Yecu, ku aaye thiaan në riɔ̈ɔ̈c wään cï en aa riɔ̈ɔ̈c ë Judai, ke jɔ Pilato lɔ̈ŋ an, bï guöp de Yecu jɔt: go Pilato gam. Go bɛ̈n, bï ku jɔt guöp de Yecu.

Jɔn 19:38 ပူးပေါင်းရင်းမြစ်များ

Kɛ̈ŋ 29:25

Riɔ̈ɔ̈c acït wïn ë dɛ̈p, ee raan tɔ diɛɛr në kë bï lueel në biäkde, ku aŋäth ë Bɛ̈nydïtic yen ee kuɔɔny.

Jɔn 12:42

Ku aa de kɔc juëc ë bäny yiic tei, bäny ceŋ piny, kɔc cï këde gam, ku në biäk de Parithai aake kën gam ë kethook, ke ke cïï bï cieec ɣön ë Nhialic:

Jɔn 7:13

Ku acïn raan ee jam ë këde yen ë kɔc yiic, në riɔ̈ɔ̈c wën cï kek riɔ̈ɔ̈c ë Judai.

Jɔn 9:22

Kakë aake lueel wun kekë man, në riɔ̈ɔ̈c riɔ̈ɔ̈c kek ë Judai: Judai aake cï kethook mat an, të de yen raan gam en an, ee Kërtho, ka bï ciɛɛc biic ɣön ë Nhialic.

Luɔi 13:29

Na wën, aa cïk käŋ thöl kedhie ka cï gɔ̈ɔ̈r në këde, ke jɔkï bɛ̈ɛ̈i bei ë tim kɔ̈u, tɛ̈ɛ̈ukï ë raŋic.

Pilipoi 1:14

Ku këdït ë mïthëkɔckuɔ nu ë Bɛ̈nydïtic acïk piɔ̈ɔ̈th riɛl në biäk de mäny mɛcë yɛn, agokï nyïïn riɛl arëët në luɛl ee kek wëlpiɛth lueel ke ke cïï riɔ̈c.