Jɔn 19:28 - JAM DE NHIALIC 2011

²⁸ Na wën, aacï kakë wan, luɔi ŋicë Yecu nɔn cï käŋ guɔ thök kedhie, ke këcïgɔ̈ɔ̈r bï aa yic, ke jɔ lueel an, “Yɛn cï yal.”

Jɔn 19:28 ပူးပေါင်းရင်းမြစ်များ

Diɛt 22:15

Riɛldï ë koth cï tööny ë tiɔp, ku nuɛt liemdï rɔt ë dai yic nhial. Yïn cï ya nyääŋ piny në abuui de thuɔɔuwic.

Diɛt 69:21

Wään de yɛn guöp cɔk, gokï ya gäm wurïï, wään de yɛn guöp rou, gokï ya gäm kuɔɔt.

Luk 12:50

Ku yɛn de baptith bï a dhil baptith ë ye, ku yɛn cï piɔ̈u jiɛth aläl të ŋoot en ke kën kɔn thök!

Luk 18:31

Na wën, ke cɔl kɔcke kathiëër ku rou, ku yöök keek an, “Tiëŋkï! Wo lɔ Jeruthalem, ku käŋ kedhie ka cï gɔ̈ɔ̈r ë tït në këde Wën ë Raan abï ke thöl ë luɔi.

Luk 22:37

Wek yɔ̈ɔ̈k an, cöökë, cöök cï gɔ̈ɔ̈r në këdï, aŋoot ke bï dhil thök ë yaguöp, cöök cï lueel an, ‘Acï mat kekë kɔc ee löŋ dhɔ̈ŋic ëtök,’ kakï yɛn adekï thökden aya, thök bï kek thök.”

Luk 9:31

acïk tuöl në dhuëëŋ ke ke jam në këde jäl bï en jäl në piny nɔm ë Jeruthalem.

Jɔn 13:1

Na wën, aŋoot Dhuëëŋ ë Winythok wei, ke ŋic Yecu nɔn cï köölde bɛ̈n, kööl bï en jäl piny le tëde Wun, ku nhiëër nhiɛɛr en kɔckɛn nu ë piny nɔm, yen aa nhiɛɛr en keek athöökë käŋ.

Jɔn 17:4

Yïn cä tɔ yök dhuëëŋ ë piny nɔm, luɔi cï gäm ɛn, an, bä looi, acä thöl.

Jɔn 18:4

Go Yecu, në ŋïny ŋic en käŋ kedhie ka bï yök, go lɔ biic tëde keek, le ku thiëëc keek an, “Eeŋa kaarkï?”

Jɔn 19:24

Gokï röt yɔ̈ɔ̈k kapäc an, “Duku retic deenyku gɛk në këde, nɔn eeŋa bï yen nööm.” Kënë aa loi rɔt në luɔi bï jam cï këcïgɔ̈ɔ̈r lueel aa yic an, “Acïk lupɔɔkï tɛ̈k röt, Ku deenykï gɛk në këde alulutdï.” Kakë acï alathkëër ke jɔ looi.

Jɔn 19:30

Na wën, aacï Yecu mɔ̈n cï wac nööm, ke jɔ lueel an, “Ë jɔ thök!” Go enɔm guöt piny, ku jɔ thöök.

Jɔn 19:36

Kakë acï ke looi, luɔi bï këcïgɔ̈ɔ̈r aa yic an, “Acïn yuɔɔmdɛn töŋ bï dhoŋ.”

Jɔn 4:34

Go Yecu ke yɔ̈ɔ̈k an, “Luɔi luɔi ɛn këde piɔ̈n ë raan ë toc ɛn, ayï thöl bän luɔide thöl, yen aye këcamdï.

Luɔi 13:29

Na wën, aa cïk käŋ thöl kedhie ka cï gɔ̈ɔ̈r në këde, ke jɔkï bɛ̈ɛ̈i bei ë tim kɔ̈u, tɛ̈ɛ̈ukï ë raŋic.