Jɔn 19:13 - JAM DE NHIALIC 2011

¹³ Na wën, aacï Pilato jamë piŋ, ke bïï Yecu bei, ku jɔ nyuc piny ë kën ee bäny ke gɔny rëër ë yenɔm, të cɔl “Kuur cï Yiu.” (Ku cɔl “Gabatha” në thoŋ ë Ɣeberuu.)

Jɔn 19:13 ပူးပေါင်းရင်းမြစ်များ

Kɛ̈ŋ 29:25

Riɔ̈ɔ̈c acït wïn ë dɛ̈p, ee raan tɔ diɛɛr në kë bï lueel në biäkde, ku aŋäth ë Bɛ̈nydïtic yen ee kuɔɔny.

Wɛ̈ɛ̈t 5:8

Të tïŋ yïn piny ayɔŋë kɔc kuanynyïïn thïn ku jɔt yicden në riɛl, ke yï du gäi. Në luɔi ye bɛ̈ny nɔm dɛ raan mät ke yen nu në yenɔm, ku ade bäny dït kɔ̈k mät ë keek nu ë kenïïm.

Yith 57:11

Aye Bɛ̈nydït lueel an, “Kek yiëthkë yek yïŋa, ka ayek week tɔ riɔ̈c, ka wek ee ya lɛ̈k lueth ku määrkï nïïm në Yɛn taitai? Cäk riëëu aa wek a riëëu pɔ̈l, në luɔi cän mim në kaamdït yic?

Jeremia 38:19

Go ë melik bɛ̈ɛ̈r an, “Yɛn riɔ̈c në kɔc ke Judai, kɔc cï röt gäm kɔc ke Babilonia. Yɛn bïï gäm keek ku kurkï yɛn.”

Amoth 4:7

Rɛɛpkun acä keek pɛ̈n deŋ ke ke cïï bï piɔɔk, ku yɛn ee deŋ tɔ tueny wun tök, ku pɛ̈n wun däŋë. Ku ta deŋ tueny dom tök, ku ta dɛ̈ɛ̈k dom däŋë go yom wei.

Math 27:19

Na wën, të rëër en ë thööny de guiëërëlöŋ nɔm, ke thok bɔ̈ tëde tiiŋde an, “Du de kë luöiyë raan piɛthpiɔ̈uwë, yɛn ë kajuëc guum ëköölë në baŋde ke ya nyuöth.”

Luk 12:5

Ku we bä nyuöth raan bä wek aa riɔ̈ɔ̈c ë yen: Yak riɔ̈ɔ̈c në raan ë kɔc kɔn nɔ̈k abïk thou, na ëlë, ke de riɛl bï en ke cuat ë giɛna yic, yeka, wek yɔ̈ɔ̈k an, Yak riɔ̈ɔ̈c në yen!

Jɔn 19:17

Go lɔ biic, ke ɣɛ̈ɛ̈c timdɛn cï rïïu nɔm, le të cɔl Apet, ee të cɔl Golgotha në thoŋ ë Ɣeberuu:

Jɔn 19:20

Go Judai juëc rinke kueen: luɔi thiɔ̈ɔ̈kë të piëëtë Yecu thïn kekë pänydït, ku cï gɔ̈ɔ̈r ë thoŋ ë Ɣeberuu, ku Girikii, ku Roman.

Jɔn 19:8

Të cï Pilato jamë piŋ, ke jɔ riɔ̈ɔ̈c ë riɔ̈ɔ̈c wär wënthɛɛr.

Jɔn 5:2

Ku ade awuöl nu Jeruthalem awuöl thiääk ke kal thok Kal ë Amɛ̈l, awuöl de göl kadhïc, ku acɔl Bethaida në thoŋ de Ɣeberuu.

Luɔi 4:19

Na wën, ke Petero kekë Jɔn ë ke bëër, yöökkï keek an, “Luɛlkï week, nɔn piɛth en tëde Nhialic të piŋ wok këdun awär pïŋ piŋ wok këde Nhialic.