Jɔn 18:37 - JAM DE NHIALIC 2011

³⁷ Go Pilato thiëëc an, “Ka jɔ ya melik?” Go Yecu bɛ̈ɛ̈r an, “Ee yic yen luel, yɛn ee melik? Yen aa dhiëëthë yɛn, ku yen aa bä yɛn ë piny nɔm, luɔi bän aa cäätɔ de yic. Raan ëbɛ̈n raan cath ke yic ka piŋ röldï.”

Jɔn 18:37 ပူးပေါင်းရင်းမြစ်များ

Yith 55:4

Acä looi ke ye bɛ̈ny, ku ye bɛ̈ny tueŋ de juöör, ku në kueerde yɛn cï riɛldï bɛ̈n nyuöth keek.

Math 26:64

Go Yecu lueel an, “Acï tiiŋic, ku wek yɔ̈ɔ̈k aya an, Ëkööl wadäŋ, ke we bï Wën ë Raan tïŋ arɛ̈ɛ̈r ë baŋ cuëny de Riɛldït, ku bïï ë luäät nïïm luäät nhial!”

Math 27:11

Na wën, ke Yecu ë kääc ë bɛ̈ny nɔm, go bɛ̈ny thiëëc an, “Ye melik de Judai?” Go Yecu lueel an, “Yen ka kë cï lueelë.”

Mak 14:62

Go Yecu lueel an “Ee yɛn: ku we bï Wën ë Raan tïŋ ke rɛ̈ɛ̈r ë baŋ cuëny de riɛl dït, ku bï ë luäät yiic luäät nu nhial!”

Mak 15:2

Go Pilato thiëëc, an, “Ye melik de Judai?” Go bɛ̈ɛ̈r, lueel an, “Ee yɛn.”

Luk 22:70

Gokï thiëëc kedhie an, “Ka yïn jɔ ya Wën ë Nhialic?” Go ke yɔ̈ɔ̈k an, “Ye ka, kë cäk lueelë.”

Luk 23:3

Go Pilato thiëëc an, “Ye melik de Judai?” Go bɛ̈ɛ̈r an, “Yeka, kë cï lueelë.”

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

Jɔn 1:17

Löŋ aa gëmë Mothe, ku dhuëëŋdepiɔ̈u ku yic aake bɔ̈ në Yecu Kërtho.

Jɔn 14:6

Go Yecu lueel an, “Yɛn aye kueer, ku yɛn aye yic, ku yɛn aye pïïr: acïn raan bɔ̈ tëde Wääda, të kën en tëëk tëde yɛn.

Jɔn 3:32

Go ya cäätɔ në ka cï tïŋ ku në ka cï piŋ, go këde aa lueel, ku acïn raan ë këde gam.

Jɔn 7:17

Të kɔɔrë raan nɔn bï en këde piɔ̈nde looi, ka bï këdiën wɛ̈ɛ̈t dhil ŋic, nɔn ë bï yen tëde Nhialic, ku nɔn jaam ɛn në këde yenhdï.

Jɔn 8:14

Go Yecu pɔ̈k nɔm keek an, “Na ya cak käŋ lueel në këde yenhde, ke këdï ee yic, yɛn ŋic të ë bä yɛn thïn ayï të la yɛn thïn, ku week, we kuc të ë bä yɛn thïn, ku kuöckï të la yɛn thïn.

Jɔn 8:45

Ku luɔi luɛɛl ɛn yic, yen a cä wek a gam.

Jɔn 8:46

Eeŋa në weyiic raan duëër a jɔ̈ɔ̈ny në baŋ de kërac? Ku na luɛɛl yic, eeŋö cä wek a gam?

Jɔn 8:47

Raan ë Nhialic ee wël ke Nhialic piŋ: yen acä wek ke piŋ, luɔi cä wek ee kɔc ke Nhialic.”

1 Tim 6:13

Yïn than ë Nhialic nɔm, Raan ee käŋ tɔ pïïr kedhie, ku than yïn ë Kërtho Yecu nɔm, raan ee rɔt tɔ ye cäätɔ ë Pontio Pilato nɔm, në gäm piɛth cï gam ë yethok.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

1 Jɔn 2:21

Acie kuny kuöc wek yic, yen ë gäär ɛn week, ee luɔi ŋiɛc wek yic, ku aŋiɛckï nɔn cïn en luenh ee bɛ̈n tëde yic.

1 Jɔn 3:14

Aŋicku nɔn cï wok bɛ̈n bei ë thuɔɔuwic lok të nu pïïr, në nhiëër nhiɛɛr wok mïthëkɔckuɔ. Raan cïï kɔc ee nhiaar, ka tɔ̈u ë thuɔɔuwic.

1 Jɔn 3:19

Këë ŋic wok en nɔn rɛɛn wok në yic kï, ku yen abï wok wopiɔ̈ɔ̈th päl piny ë yenɔm.

1 Jɔn 4:6

Wok ee kɔc ke Nhialic: raan ŋic Nhialic ka ye këda piŋ, ku raan cie këde Nhialic ka cïï këda ee piŋ. Ŋïny ŋic wok wëi ke yic, ku wëi ke lueth kï.

1 Jɔn 5:20

Ku aŋicku nɔn cï wën ë Nhialic bɛ̈n, bï ku gɛ̈m wook ŋïnydekäŋ, buk raan yic ŋic, ku wok tɔ̈u ë raan yicic, yen aye Wëndɛn Yecu Kërtho. Nhialic yic kï, ku pïïr athɛɛr ka.

Nyuuth 1:4

Yɛn Jɔn, awerek en gäär ɣööt ke Nhialic kadhorou nu Athia: Ë dhuëëŋdepiɔ̈u ë ye tɔ̈u ke week, ku mät, në ke bɔ̈ tëde Raan nu, ku aa nu, ku abï bɛ̈n, ku në kë bɔ̈ tëde Wëi kadhorou Wëi nu ë thöönyde nɔm,

Nyuuth 3:14

Ku gäär tunynhial de ɣööt ke Nhialic nu Laodikia alë: Kakë aluel Amiin keek, en aye cäätɔ adöt ku ye yic, gɔl ë cäŋ ë ciɛkë Nhialic käŋ: