Jɔn 18:33 - JAM DE NHIALIC 2011

³³ Go Pilato bɛ lɔ ë aloocic, alooc de gɔny, le ku cɔɔl Yecu, ku thiëëc an, “Ye melik de Judai?”

Jɔn 18:33 ပူးပေါင်းရင်းမြစ်များ

Jeremia 23:5

Aye Bɛ̈nydït lueel an, “Akööl abïkï, akööl bän mɛnh piɛthpiɔ̈u ë dhiën ë Debid kuany ke ee melik. Melik abï käŋ ë pɛlënɔm, ku looi yic ku piathëpiɔ̈u ë piny yic ëbɛ̈n.

Dhep 3:15

Bɛ̈nydït acï luɔi lui En yïn këtuc pɔ̈l, acï kɔckuön ke ater nyaai ëbɛ̈n, Bɛ̈nydït, Meliŋ de Yithriɛl atɔ̈u ke week, ka cïn kë bï we bɛ riääc ënɔɔnë.

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Math 27:11

Na wën, ke Yecu ë kääc ë bɛ̈ny nɔm, go bɛ̈ny thiëëc an, “Ye melik de Judai?” Go Yecu lueel an, “Yen ka kë cï lueelë.”

Math 27:27

Go alathkëër ke bɛ̈ny Yecu dɔm, ku leerkï ë alooc nu ë kal ë bɛ̈ny yic, ku kutkï rem de alathkëër ëbɛ̈n ë yenɔm.

Mak 15:2

Go Pilato thiëëc, an, “Ye melik de Judai?” Go bɛ̈ɛ̈r, lueel an, “Ee yɛn.”

Luk 23:2

Ku jɔkï gaany an, “Wo ë raanë yök, ee jurda thöi nɔm, ee kɔc pɛ̈n luɔi yïn kek Kaithar athölbö, ku ye lueel nɔn ee yen Kërtho melik.”

Jɔn 1:49

Go Nathanyel bɛ̈ɛ̈r, lueel an, “Rabi, yïn ee Wën ë Nhialic! Ku yïn ee Melik de Yithriɛl!”

Jɔn 12:13

Ke ke jɔ kër ke akööt nööm, ku lek biic lek loor, ke ke cöt an, “Ɣothana! Thieithieei në raan bɔ̈ në rin ke Bɛ̈nydït, yen Melik de Yithriɛl!”

Jɔn 12:15

“Du riɔ̈c, nyan de Dhiɔn: Melikdu ka bɔ̈yë, ke cath ë mɛnh ë muul kɔ̈u.”

Jɔn 18:34

Go Yecu bɛ̈ɛ̈r an, “Ë yï luel ee kënë në këdu yïtök, ku de kɔc kɔ̈k cï e lɛ̈k yïn në këdï?”

Jɔn 18:37

Go Pilato thiëëc an, “Ka jɔ ya melik?” Go Yecu bɛ̈ɛ̈r an, “Ee yic yen luel, yɛn ee melik? Yen aa dhiëëthë yɛn, ku yen aa bä yɛn ë piny nɔm, luɔi bän aa cäätɔ de yic. Raan ëbɛ̈n raan cath ke yic ka piŋ röldï.”

Jɔn 18:38

Go Pilato thiëëc an, “Yic eeŋö?” Na wën, aacï kënë lueel, ke lɔ biic le të nu Judai, ku lëk keek an, “Acïn awäny cä yök tëde yen.

Jɔn 19:12

Na wën, aacï jamë wan, ke Pilato ade piɔ̈u luɔi bï en e lony: go Judai cööt, luelkï an, “Të lony yïn raanë, ke we cïï määth we Kaithar! Raan ëbɛ̈n raan ee rɔt tɔ ye melik ee ater lueel kekë Kaithar!”

Jɔn 19:3

agokï bɛ̈n të nu yen, bïk ku luelkï an, “Thieithieei, yïn Melik de Judai!” Ku biëëkkï ë kecin.

Jɔn 19:4

Go Pilato bɛ lɔ biic, le lɛ̈k keek an, “Wɔikï acä bɛ̈ɛ̈i bei bɛ̈ɛ̈i të nuö wek, ke bäk ŋic nɔn cïn en awäny cä yök tëde yen.”

Jɔn 19:9

Go bɛ lɔ ë alooc de gɔny yic, le ku thiëëc Yecu an, “Ee tënou ë bï yïn thïn?” Ku acïn bëër cïï Yecu ye bɛ̈ɛ̈r.

1 Tim 6:13

Yïn than ë Nhialic nɔm, Raan ee käŋ tɔ pïïr kedhie, ku than yïn ë Kërtho Yecu nɔm, raan ee rɔt tɔ ye cäätɔ ë Pontio Pilato nɔm, në gäm piɛth cï gam ë yethok.