Jɔn 18:20 - JAM DE NHIALIC 2011

²⁰ Go Yecu bɛ̈ɛ̈r an, “Yɛn aaye jam ë kɔc nïïm kɔc ke piny nɔm, yɛn aaye cool ë wëët ë ɣööt ke Nhialic yiic, ayï Luaŋdïtic, të ye Judai cool ë guëër thïn, ku acïn kë cä lueel athiaan.

Jɔn 18:20 ပူးပေါင်းရင်းမြစ်များ

Diɛt 22:22

Ku ëtɛ̈ɛ̈n, këdu abä ja lɛ̈k kɔc ke Yithriɛl. Ku yïn bä leec në akutnɔm yic.

Diɛt 40:9

Luɔi cï yïn a kony, acä lɛ̈k akutnɔm dïït de kɔc juëc Bɛ̈nydït, acä ke guiëër wëlpiɛth. Aŋic nɔn cän bï kɔ̈ɔ̈c në guiɛɛr ë wëlpiɛth.

Yith 45:19

Yɛn kën kɔn jam ke Ya thiaan, ku mɔ̈k këdiën kaar bä looi ke thiaan. Yɛn kën kɔc ke Yithriɛl thiëëc bïk A kɔɔr të cïn yic kɔc. Yɛn ee Bɛ̈nydït, ku Yɛn jam në yic, Yɛn ee yic tɔ ŋic.”

Yith 48:16

“Ënɔɔnë bäär tëthiɔ̈k ku piŋ kë luɛɛl. Të ɣɔn gɔlë käŋ yɛn aacï jam në kɔc nïïm, ku ta wël cä ke lueel ee yith.” (Ënɔɔnë Bɛ̈nydït Awärjäŋ acï ya gäm riɛl ku tooc ɛn.)

Math 24:26

Ku ënɔɔnë, të lëk kek e week an, “Tiëŋkï ye ka, ë jɔ̈ɔ̈ric, ke we duökï lɔ, ku na luelkï an, ‘Tiëŋkï ye ka, ë ɣötic thïn ya,’ ke duökï gam.

Math 26:55

Ee thaar manë guöp, ke Yecu yöök kuut ke kɔc, an, “Ë we bɔ̈ biic cït man ë ka yïn raan tɔŋ, raan ë käŋ rum, ke we muk abätɛ̈ɛ̈u ku thieec, bäk a bɛ̈n dɔm? Ë aköölnyïïn kedhie yɛn ë rëër wo week ëtök Luaŋdït, ke ya wɛ̈ɛ̈t, ku wek kën a dɔm.

Math 26:65

Na wën, ke bɛ̈nydïït ë kake Nhialic ke ret lupɔɔke yiic, ku lueel an, “Acï Nhialic lat! Eeŋö däŋ köörku cäätɔɔ kɔ̈k! Tiëŋkï, wek cï lɛ̈tde piŋ, lɛ̈t lɛ̈ɛ̈t en Nhialic!

Math 4:23

Go Yecu piny ë Galili caath ëbɛ̈n, aye kɔc wɛ̈ɛ̈t ë ɣöötkɛn ë Nhialic yiic, ke ye ke guiëër wëlpiɛth ke ciɛɛŋ, ku tɔ juäi waar ë kɔc gup juäi ëbɛ̈n, ayï tëtök ëbɛ̈n tëtök nu ë kɔc gup.

Math 9:35

Go Yecu pɛ̈ɛ̈nydït lɔ caath yiic kedhie ayï bɛ̈i kedhie, aye kɔc wɛ̈ɛ̈t ë ɣöötkɛn ke Nhialic yiic, ku ye wëlpiɛth ke ciɛɛŋ guiir, ku ye juäi tɔ dem ë kɔc yiic ëbɛ̈n, ayï jɔɔk nu ë kɔc gup ëbɛ̈n.

Mak 8:32

Ë jamë lueel a piŋ raan ëbɛ̈n. Na wën, ke Petero dɔm Bɛ̈ny cin, ku jɔ jɔ̈ɔ̈ny.

Luk 21:37

Ku ye kɔc wɛ̈ɛ̈t Luaŋdïtic aköl, na thëën, ke ye lɔ biic le niin në kuur ë Olip nɔm.

Luk 4:15

Go lɔ wëët ë ɣöötkɛn ë Nhialic yiic, ke leec ë kɔc kedhie.

Jɔn 18:21

Eeŋö lop yïn ɛn? Luɔpë kɔc wään cï ka cä lɛ̈k keek piŋ? Tïŋ, keek aŋickï kë cä lueel.”

Jɔn 6:59

Kakë aake lueel ɣön ë Nhialic, të wään wëët en ë Kapernaum.

Jɔn 7:14

Na wën, të cït dhuëëŋic cil, ke Yecu lɔ ë Luaŋdïtic, le kɔc wɛ̈ɛ̈t.

Jɔn 7:26

Wɔikï! Ajam ë kɔc yiic, ku acïn kë lëkkï yen. Cï bäny ceŋ piny dhil ŋic nɔn ee yen Kërtho ëyic?

Jɔn 7:28

Go Yecu cööt ë Luaŋdïtic, të wën wëët en kɔc an, “Wek ŋic ɛn ayï të ë bä yɛn thïn aya aŋiɛckï, ku yɛn aacïï bɔ̈ në këde yenhdï, ku raan ë toc ɛn, yen aye raan yic, raan kuöckï.

Jɔn 7:4

Acïn raan ë käŋ looi athiɛɛn, të kɔɔr en luɔi bï ye ŋic ë kɔc. Të looi yïn ee kakë, ke yï nyuth rɔt kɔc ke piny nɔm!”

Jɔn 8:2

Na wën, aruu piny, ke be bɛ̈n ë Luaŋdïtic, ku bɔ̈ kɔc të nu yen kedhie, go nyuc, wëët keek.

Jɔn 8:26

Yɛn de kajuëc bä lueel ë këdun ayï lööŋ juëc bä guiir: ku raan ë toc ɛn ee yic, ku ka cä piŋ tëde yen, kakë aya ke lɛ̈k kɔc ke piny nɔm.”

Luɔi 26:26

Kakë aŋic melik keek, yɛn ë käŋ lueel ë yenɔm ke ya ril nyin: aŋiɛc ëgɔk an, cïn tök ë kakë yiic kë cï thiën en, kënë akënë looi athiaan.