Jɔn 17:8 - JAM DE NHIALIC 2011

⁸ Ku wël wään gämë yɛn acä ke gäm keek, ku acïk ke dɔm, agokï ŋic ëgɔk nɔn ë bä yɛn tëde yïn, ku gamkï nɔn ee yïn ë toc ɛn.

Jɔn 17:8 ပူးပေါင်းရင်းမြစ်များ

Kɛ̈ŋ 1:23

Piɛŋkï nɛɛn nɛn ɛn week apiɛth, ee jam piɛth yen lɛ̈k week, ku wek gäm kë ŋiɛc.

Kɛ̈ŋ 1:3

Abïk kɔc aa wɛ̈ɛ̈t në ŋiëc rëër, ago dɛ piathëpiɔ̈u, ku yic, ku kïït ë kɔc nïïm.

Kɛ̈ŋ 2:1

Ye kë ya lɛ̈k yïn piŋ apiɛth mɛnhdï, ku du nɔm ee kɔn määr në lööŋ cä thɔ̈n yïn.

Kɛ̈ŋ 4:10

Piŋ kë lɛ̈k yïn mɛnhdï. Döt kë lɛ̈k yïn ëgɔk, ke yï bï pïïr abä dhiɔp.

Kɛ̈ŋ 8:10

Dɔm jamdï awär ateek, ku dɔm ŋïnydekäŋ awär adhäm awai.

Math 13:11

Go pɔ̈k nɔm keek an, “Week, acï gäm week luɔi bä wek kacïthiaan ŋic ka ke ciɛɛŋ de paannhial, ku akënë gäm keek.

Jɔn 12:49

Yɛn acïï jam në këde yenhdï, ku Wäär raan ë toc ɛn, yen aa lëk ɛn kë bä lueel, ku jam bän jam.

Jɔn 14:10

Kɛ̈në ya gam nɔn nuö yɛn ë wääda yic, ku nɔn nu Wääda ë yayic? Wël lɛ̈k week, acä ke ye lueel ë këde yenhdï, ee Wääda raan rɛ̈ɛ̈r ë yayic yen aye luɔi looi.

Jɔn 15:15

We cä bï bɛ tɔ ye lïïm, lïm akuc kë looi bɛ̈nyde: ku we cä tɔ ye määthkï, luɔi cän we tɔ ŋic këriëëc ëbɛ̈n ka cä piŋ tëde Wäär.

Jɔn 16:27

Wäär guöp anhiaar week, luɔi nhiaar wek ɛn, ku luɔi cä wek a gam nɔn ë bä yɛn tëde Nhialic.

Jɔn 16:30

Ënɔɔnë aŋicku ëgɔk nɔn ŋic yïn käŋ kedhie, ku acïn kë bï raan bɛ thiëc yïn: kënë yen a gɛm wok yïn nɔn ë bï yïn tëde Nhialic.”

Jɔn 17:14

Acä ke gäm jamdu, ku acï kɔc ke piny nɔm ke maan gup, luɔi cïï kek ee ka ke piny nɔm, cït man ë yɛn, yɛn cie këde piny nɔm.

Jɔn 17:18

Acït man cï yïn a tuɔɔc ë piny nɔm, yen aa tuɔɔc ɛn keek ë piny nɔm aya.

Jɔn 17:21

ke ke bï aa raan tök kedhie, acït man nu yïn ë yayic, Wäär, ku nuö ë yïyic, ke ke bï aa raan tök në woyiic ayadäŋ: ago kɔc ke piny nɔm gam nɔn ee yïn ë toc ɛn.

Jɔn 17:23

yɛn ë keyiic, ku yïn ë yayic, ke ke bï dikëdik abïk aa tök, ago kɔc ke piny nɔm e ŋic nɔn ee yïn ë toc ɛn, ku nɔn cï yïn keek nhiaar, acït man nhiɛɛr yïn ɛn.

Jɔn 17:3

Ku kënë yen aye pïïr athɛɛr an, Ŋïny bï kek yïn ŋic, yïn Nhialic yic, yïn yïtök, ku ŋickï Yecu Kërtho raan ë yïn ë toc en.

Jɔn 3:17

Nhialic aacïï Wënde tuuc ë piny nɔm, bï kɔc ke piny nɔm yiëk yiëth gääk, ee luɔi bï kɔc ke piny nɔm kony wëi, en ë tuuc en en.

Jɔn 3:33

Raan ë këde gam, acï gɔ̈ɔ̈r ë katimde an, Nhialic yen aye yic.

Jɔn 6:68

Go Thimon Petero puk nɔm an, “Bɛ̈nydït, buk lɔ tëde ŋa? Yïn cath wekë wël ke pïïr athɛɛr.

Jɔn 8:42

Go Yecu ke yɔ̈ɔ̈k an, “Tëë ye Nhialic yen ee Wuöördun, adï yak a nhiaar: nɔn ë bä yɛn tëde Nhialic bä eenë, ku yɛn ë cïï bɔ̈ në këde yenhdï, yen aa toc ɛn.

1 Kor 11:23

Ku yɛn ë löŋ yök tëde Bɛ̈nydït, löŋ cä gäm week aya an: Bɛ̈nydït Yecu, wɛ̈ɛ̈rwakɔ̈u bï e nyiɛɛn thïnë, ke nöm kuïn cï pam,

1 Kor 15:1

Ku week, mïthëkɔckuɔ, wek aa tɔ ŋic wëlpiɛth cä kɔn guiëër week, wël wään cäk dɔm ayadäŋ, ku yek we tɔ kääc aya.

Nyöŋ 18:18

Abä keek tuöc tiët de Nhialic cït yïn raan de kɔcken yiic, abä lëk kë bïï lueel, ku abï kɔc lëk këriëëc cä lɛ̈k en ëbɛ̈n.

1 Theth 2:13

Yen a ye wok cool ë lec Nhialic acïn pëk, luɔi kɛ̈n wek jam gam cït nɔn ee yen jam de kɔc tei, wään gam wek jam cäk piŋ tëde wook, ku acäk tɔ ye jam ë Nhialic, ku ye jam ë Nhialic ëgɔk, jam ë cool ë lui ë weyiic ayadäŋ wek kɔc gäm.

1 Theth 4:1

Cöök ciëën, wek mïthëkɔckuɔ, wek läŋku, ku lëkku week në Bɛ̈nydït Yecu an, Acït man cä wek jam yök tëde wook, jam de rëër bä wek dhil rëër, ke we bï Nhialic tɔ mit piɔ̈u, wek läŋku, ke rëërduön piɛth bï aa cool ë ŋuak e nyin.

1 Jɔn 4:14

Ku acuk tïŋ ku yok cäätɔɔ në tuöc cï Wääda Wënde tuööc bï aa Kony bï kɔc ke piny nɔm kony wëi.

Nyuuth 1:1

NYUUTH de Yecu Kërtho, nyuuth cïï Nhialic gäm en, bï lïïmke bɛ̈n nyuöth ka bï dhil dap tïc: go tunydɛnnhial tuööc le lïmdɛn Jɔn lɛ̈k: