Jɔn 17:6 - JAM DE NHIALIC 2011

⁶ Yɛn ë kɔc nyuöth rinku ëgɔk, kɔc wään cï gäm ɛn ë piny nɔm: aake ye kɔcku, ku yïn aa gëm ke yɛn, ku acïk jamdu muk,

Jɔn 17:6 ပူးပေါင်းရင်းမြစ်များ

Diɛt 119:11

Yɛn cï lööŋku muk në yapiɔ̈u, ke ya cïï kërac bï luöi Yïn.

Diɛt 22:22

Ku ëtɛ̈ɛ̈n, këdu abä ja lɛ̈k kɔc ke Yithriɛl. Ku yïn bä leec në akutnɔm yic.

Bɛ̈n 9:16

Yïn aa ta pïïr në baŋ bän riɛldï nyuɔɔth, ke kɔc ke piny nɔm ë ke bï Ya ŋic kedhie.

Kɛ̈ŋ 2:10

Yïn bï pɛlënɔm yök, ku ŋïnydu abï yï tɔ mit piɔ̈u.

Kɛ̈ŋ 23:23

Kɔɔr yic ku pɛlënɔm ku yöŋ de käŋiic abä tuc gïth, du ke be pɔ̈l.

Jɔn 1:18

Acïn raan cï Nhialic kɔn tïŋ ëkööl tök, ee Wën töŋdɛn cï dhiëëth etök, Wën nu ë Wun yɔu, yen aa nyuuth en.

Jɔn 12:28

Wäär, tɔ rinku yök dhuëëŋ!” Na wën, ke röl bɔ̈ paannhial röl luel en an, “Acä ke tɔ yök dhuëëŋ, ku abä ke bɛ tɔ yök dhuëëŋ ayadäŋ.”

Jɔn 15:19

Tëë we ye kɔckɛn ë kɔc ke piny nɔm, ke kɔc ke piny nɔm adï nhiaarkï kɔcken: ku ënɔɔnë, ë luɔi cä wek ee kɔckɛn ë kɔc ke piny nɔm, ku we cä lɔ̈c bei ë piny nɔm, yen amɛɛnë kɔc ke piny nɔm week.

Jɔn 15:3

Ku week we cï guɔ piath në jam cä lɛ̈k week.

Jɔn 15:7

Të rɛ̈ɛ̈r wek ë yayic, ku rɛ̈ɛ̈r wëlkï ë weyiic, ka kë nu ë wepiɔ̈ɔ̈th ëbɛ̈n aduɛ̈ɛ̈rkï ke lip, ku abï ke luöi week.

Jɔn 17:12

Të wään nuö yɛn wo keek ëtök ë piny nɔm, acä ke muk apiɛth ë rinku: kɔc cï gäm ɛn acä ke tiit, ku acïn raan tök ë keek cï määr, ee wën ë määr ë käŋ ëtök, ke këcïgɔ̈ɔ̈r bï aa yic.

Jɔn 17:14

Acä ke gäm jamdu, ku acï kɔc ke piny nɔm ke maan gup, luɔi cïï kek ee ka ke piny nɔm, cït man ë yɛn, yɛn cie këde piny nɔm.

Jɔn 17:16

Acïkï ee ka ke piny nɔm, cït man ë yɛn, yɛn cie këde piny nɔm.

Jɔn 17:2

Acït man cï yïn e gäm riɛl ë tiɔp nɔm ëbɛ̈n, ke bï kɔc gäm pïïr athɛɛr, kɔc cï gäm en kedhie.

Jɔn 17:24

“Yïn Wäär, kɔc cï gäm ɛn, yɛn de piɔ̈u luɔi bï kek aa tɔ̈u në yɛn ëtök të nuö yɛn thïn, ke ke bï dhuëëŋdï tïŋ, dhuëëŋ cï gäm ɛn, nɔn cï yïn a nhiaar ɣɔn ŋootë piny ke kënë cak.

Jɔn 17:26

Ku acä ke tɔ ŋic rinku, ku abä ke tɔ ŋic, ke nhiëër ee yïn a nhiaar bï nu ë keyiic, ku nuö ë keyiic.”

Jɔn 17:7

ku acïk ŋic ënɔɔnë nɔn ë bï käŋ tëde yïn, ka cï gäm ɛn kedhie.

Jɔn 18:9

(Aa luel ee kënë luɔi bï jam wën cï lueel aa yic an, “Në kɔckë yiic kɔc cï gäm ɛn, acïn töŋ cä tɔ mär.”)

Jɔn 6:37

Kɔc kedhie kɔc cï Wäär gäm ɛn, abïk bɛ̈n tëde yɛn, ku raan bɔ̈ tëde yɛn acä bï cieec anandï.

Jɔn 6:39

Ku kënë ee këde piɔ̈n ë raan ë toc ɛn an, në käŋ kedhie ka cï gäm ɛn, acïn töŋ bä mɔ̈ɔ̈r, ku abä bɛ jat nhial ëkööl rial wadäŋ.

Jɔn 8:51

Wek yɔ̈ɔ̈k ë yic an, të dötë raan wëlkï, ka cïï thuɔɔu bï tïŋ anande.”

Jɔn 8:52

Go yɔ̈ɔ̈k ë Judai an, “Ënɔɔnë aŋicku nɔn de yïn guöp jɔŋ rac. Abraɣam ë thou, ayï tït, ku ye lueel an, të dötë raan wëlkï, ka cïï thuɔɔu bï thiëëp anande.

Luɔi 13:48

Të cï Juöör kënë piŋ, agokï piɔ̈ɔ̈th miɛt, ku leckï jam ë Nhialic, ago kɔc ëbɛ̈n kɔc cï kɔn lɔc an, bïk dɛ pïïr athɛɛr, agokï gam.

Romai 11:2

Nhialic akën kɔcke cuat wei, kɔckɛn cï kɔn lɔc. Kuöckï kë cï këcïgɔ̈ɔ̈r lueel në këde? Läŋ cï Elija Nhialic lɔ̈ŋ në këde Yithriɛl an:

2 Kor 4:6

Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.

Kolothai 3:16

Yak jam de Kërtho tɔ rɛ̈ɛ̈r ë weyiic në pɛlënɔm ëbɛ̈n, abäk kuɛth ë ye, yak röt wɛ̈ɛ̈t wapäc ku yak wenïïm tak në diɛt, ku diɛt ke Nhialic ku diɛt ke Wëidït, ku yak Bɛ̈nydït kɛ̈t në miɛt ë wepiɔ̈ɔ̈th.

2Tim 1:13

Ye täu de wël piɛth muk, wël cï piŋ tëde yɛn, abä keek aa muk në gäm ku nhiëër nu ë Kërtho Yecuyic.

Ɣeberuu 2:12

Ago lueel an, “Rinku abä ke lɛ̈k mïthëkɔckï, në akutnɔmden yic. Ku lɛɛc Yïn në dit.”

Ɣeberuu 3:6

Ku Kërtho ee mɛnh adöt në dhiën de Nhialic nɔm ëbɛ̈n. Ku wok aye dhiënde, të muk wok wopiɔ̈ɔ̈th aril, ku dötku aŋäthdan ye wok röt leec athöökë käŋ.

1 Pet 1:1

Yɛn Petero, tuny ë Yecu Kërtho, awerek en gäär kɔc cï thiëi ë wuöt lei, kɔc ë Ponto, ku Galatia, ku Kapadokia, ku Athia, ku Bithunia.

1 Jɔn 5:20

Ku aŋicku nɔn cï wën ë Nhialic bɛ̈n, bï ku gɛ̈m wook ŋïnydekäŋ, buk raan yic ŋic, ku wok tɔ̈u ë raan yicic, yen aye Wëndɛn Yecu Kërtho. Nhialic yic kï, ku pïïr athɛɛr ka.

Nyuuth 2:13

Yɛn ŋic luɔidu, ku ŋiɛc të tɔ̈u yïn thïn, yen të nu thööny ë Catan, ku yïn ee rinkï döt ë muk, ku kɛ̈në gäm gɛm yïn ɛn jai, acakaa kööl ɣɔn nu Antipa cäätɔdiën adöt, raan cï nɔ̈k ë weyiic, të ye Catan rëër.

Nyuuth 3:10

Luɔi cï yïn jamdï muk jam de ruöt cän apiɔ̈u ruut, ke yïn bä muk aya në thaar ë thëm, thaar bï dap bɛ̈n ë piny nɔm ëbɛ̈n, bï kɔc tɔ̈u ë piny nɔm bɛ̈n them kedhie.

Nyuuth 3:8

Yɛn ŋic luɔidu (tïŋ, ɣön cï liep thok acä tuɛɛl ë yïnɔm tueŋ, ɣön cïn raan duëër e lëu ë thiɔ̈k), luɔi ciɛth yïn we riɛl thiinakäŋ, ku ye jamdï döt, ku kɛ̈në rinkï jai.