Jɔn 17:26 - JAM DE NHIALIC 2011

²⁶ Ku acä ke tɔ ŋic rinku, ku abä ke tɔ ŋic, ke nhiëër ee yïn a nhiaar bï nu ë keyiic, ku nuö ë keyiic.”

Jɔn 17:26 ပူးပေါင်းရင်းမြစ်များ

Diɛt 22:22

Ku ëtɛ̈ɛ̈n, këdu abä ja lɛ̈k kɔc ke Yithriɛl. Ku yïn bä leec në akutnɔm yic.

Jɔn 14:20

Ëköölë abäk ŋic nɔn nuö yɛn ë wääric, ku nɔn nuö wek ë yayic, ku nuö ë weyiic.

Jɔn 14:23

Go Yecu bɛ̈ɛ̈r, yöök an, “Të nhiɛɛrë raan ɛn, ka bï wëlkï muk: go Wäär nhiaar, agoku bɛ̈n të nu yen, rëërku në yen ëtök.

Jɔn 15:15

We cä bï bɛ tɔ ye lïïm, lïm akuc kë looi bɛ̈nyde: ku we cä tɔ ye määthkï, luɔi cän we tɔ ŋic këriëëc ëbɛ̈n ka cä piŋ tëde Wäär.

Jɔn 15:4

Rɛ̈ɛ̈rkï ë yayic, ku yɛn ë weyiic. Acït man cïï këër duëër luɔk etök, të cïï en rɛ̈ɛ̈r ë timic, yen acït week aya, we cïï duëër luɔk, të kɛ̈n wek rëër ë yayic.

Jɔn 15:9

Acït man cï Wäär a nhiaar, en acän we nhiaar aya: rɛ̈ɛ̈rkï ë nhiëërdï yic.

Jɔn 17:23

yɛn ë keyiic, ku yïn ë yayic, ke ke bï dikëdik abïk aa tök, ago kɔc ke piny nɔm e ŋic nɔn ee yïn ë toc ɛn, ku nɔn cï yïn keek nhiaar, acït man nhiɛɛr yïn ɛn.

Jɔn 17:6

Yɛn ë kɔc nyuöth rinku ëgɔk, kɔc wään cï gäm ɛn ë piny nɔm: aake ye kɔcku, ku yïn aa gëm ke yɛn, ku acïk jamdu muk,

Jɔn 17:8

Ku wël wään gämë yɛn acä ke gäm keek, ku acïk ke dɔm, agokï ŋic ëgɔk nɔn ë bä yɛn tëde yïn, ku gamkï nɔn ee yïn ë toc ɛn.

Jɔn 6:56

Raan ee rïïŋdï cuet, ku dek riɛmdï, ka ye rëër ë yayic, ku rɛ̈ɛ̈r ë yeyic.

Jɔn 8:50

Ku yɛn cïï lɛcdï kɔɔr: raan tök anu raan kɔɔr lɛc bï a leec, ku yen aye löŋ guiir.

Romai 8:10

Ku të nu Kërtho ë weyiic, ke guöp ë thou në baŋ de kërac, ku pïïr Wëi në baŋ de piathëpiɔ̈u.

1 Kor 1:30

Ku yen aye week tɔ tɔ̈u ë Kërtho Yecu yic, raan cïï Nhialic tɔ ye pɛlënɔm në baŋda, ku piathëpiɔ̈u, ku ɣɛɛrëpiɔ̈u, ku wëër wëërë wo bei,

1 Kor 12:12

Acït man ee guöp de raan tök, ku ka nu thïn ajuëckï, ku ka nu ë guöp töŋë yic, na cakaa kek ë juëc, keek ayek guöp tök tei, yen acït Kërtho aya.

Galatai 2:20

Yɛn cï piäät ë tim cï rïïu nɔm kɔ̈u wokë Kërtho ëtök, ku yɛn ŋoot ke ya pïïr, ku acïï be aa yɛn, ee Kërtho en apïïr ë yaguöp. Ku pïïr piëër ɛn ë guöpic ënɔɔnë, ee gäm en a piëër ɛn, gäm aa yɛn Wën ë Nhialic gam, raan ë nhiaar ɛn, ago rɔt gaam në biäkdï.

Epethiei 1:6

në lɛc bï dhuëëŋ de yenpiɔ̈u aa leec dhuëëŋ cï läkëläk, dhuëëŋ cï gäm wook ëdhuëëŋ në biäk de Raan Nhiɛɛr!

Epethiei 3:17

ke Kërtho bï rëër ë wepiɔ̈ɔ̈th në gäm gäm wek, ago meikun ku këërkëërdun ɣet piny ë nhiëëric,

Epethiei 5:30

ë luɔi ee wok ka ke yenguöp, ka ke rïïŋde, ku ka ke yomke.

Epethiei 5:32

Kënë ee këcïmoony ë kɔc dhal arëët: ku ye jam në këde Kërtho kekë ɣön ë Nhialic.

Kolothai 1:27

Acï miɛt ë Nhialic piɔ̈u luɔi bï en keek tɔ ŋic dït de dhuëëŋ de këcïmoonyë ë Juööriic, yen aye täu tɔ̈uwë Kërtho ë weyiic, ku ye aŋäth de dhuëëŋ.

Kolothai 2:10

Ku we cï kuɛth ë yen, raan nu ë bäny nïïm kedhie ku nu ë riɛl nɔm ëbɛ̈n.

Kolothai 3:11

Ku tɛ̈ɛ̈n acïn Girikii nu ku cïn Judai, ku cïn aŋuɛl nu ku cïn raan cie aŋuɛl, ayï Jur rɛɛc ë ciɛɛŋde, ayï Thekuka, ayï lïm, ayï raan lääu nɔm, abï ciën këdäŋ, ku Kërtho yen aye këriëëc ëbɛ̈n, ku nu ë käŋ yiic kedhie.

2 Theth 2:16

Ku ënɔɔnë, Bɛ̈nydan Yecu Kërtho guöp, ku Nhialic Wääda, Raan cï wo nhiaar, Raan cï wo gäm muŋdepiɔ̈u bï ɣet athɛɛr, ku gɛm aŋäth piɛth në dhuëëŋ de yenpiɔ̈u,

Ɣeberuu 2:12

Ago lueel an, “Rinku abä ke lɛ̈k mïthëkɔckï, në akutnɔmden yic. Ku lɛɛc Yïn në dit.”

1 Jɔn 3:24

Ku raan ë lööŋke döt, ka ye rëër ë yeyic, ku yen ë yeyic. Ku Wëidït cï gäm wook, yen aŋic wok en nɔn rëër en ë woyiic.