Jɔn 17:11 - JAM DE NHIALIC 2011

¹¹ Ku ënɔɔnë, yɛn cïï be nu ë piny nɔm, ku nu kɔckë ë piny nɔm, ku la tëde yïn. Wäär, Raan ɣeric, muk kɔc në rinku, kɔc cï gäm ɛn, ke ke bï aa raan tök, cït man ë wok wo yïn.

Jɔn 17:11 ပူးပေါင်းရင်းမြစ်များ

Diɛt 79:9

Kony wook Nhialic, ku luäk wook, luäk ë wo bei në biäk de dhuëëŋ ë rinku, ku päl ë wo karɛckuɔ në biäk de rinku.

Kɛ̈ŋ 18:10

Rin ke Bɛ̈nydït acïtkï alooc bäär, ye raan piɛthpiɔ̈u kɔt thïn ku yök kuɔɔny.

Yith 27:3

“Aya tiit ku piaak anande. Aya gël wakɔ̈u ku aköl ke cïn raan bï ye luöi tëtök.

Yith 64:2

Aduëër ë ke lath cït pïïu cïï ë maany tuc tɔ piäär. Bä nyuöthë riɛldu kɔc ke aterdu ku tɔ juöör lɛthë ëbɛ̈n në yïnɔm!

Jeremia 14:21

Tak gutguutdu ku du wook biɔn gup, du ayäär bïï Jeruthalem, të de thöönyduön ë dhuëëŋ. Du löŋduön cï mac we wook dhoŋ kɔ̈u.

Jeremia 14:7

Kɔckï ayek Yɛn lɔ̈ŋ an, ‘Cakaa nɔn cï karɛckuɔ wo gaany, Bɛ̈nydït kony wook, cït man cïn gutguut lueel. Wok cï röt wɛl wei ë Yïlɔ̈ɔ̈m raan juëc, wok cï kërac wäc yïn.

Edhekiɛl 20:22

Ku akɛ̈n looi, në biäk bï ee kënë rinkï yiɛ̈n ayäär në juöör yiic, juöör cï yɛn tïŋ ke ya bïï Yithriɛl bei në Rip.

Edhekiɛl 20:44

Të lan lɔ lui ke ya gël dhuëëŋdï, abäk ŋic wek baai de Yithriɛl nɔn aa yɛn Bɛ̈nydït, në biäk cän bï lui wo week cït man ë kë röŋ ke karɛc, ku kanhiany yak looi.” Bɛ̈nydït Awärjäŋ yen aa jam.

Edhekiɛl 20:9

Ku akɛ̈n looi, në luɔi duëër ee kënë ayäär yiɛ̈n rinkï, në biäk cän en lɛ̈k kɔc ke Yithriɛl rɛ̈ɛ̈r në juöör ceŋ kek piny an, wek bä bɛ̈ɛ̈i bei piny de Rip.

Math 10:16

Tiëŋkï, wek tuɔɔc abäk ciët man ë amɛ̈l cï lɔ ë aŋuööth yiic, yen aa wek pɛl cït man ë karɛc, ku yak gup ciën akɔ̈ɔ̈k cït man ë guk.

Math 5:48

Yak aa kɔc cï piɔ̈ɔ̈th dikëdik, acït man ë wuöörduön nu paannhial, cï piɔ̈u dikëdik.

Math 6:9

Yen aa wek lɔ̈ŋ wäklë: Wääda nu paannhial, Tɔ rinku riëëuwë.

Jɔn 13:1

Na wën, aŋoot Dhuëëŋ ë Winythok wei, ke ŋic Yecu nɔn cï köölde bɛ̈n, kööl bï en jäl piny le tëde Wun, ku nhiëër nhiɛɛr en kɔckɛn nu ë piny nɔm, yen aa nhiɛɛr en keek athöökë käŋ.

Jɔn 13:3

Ku ŋic Yecu nɔn cï Wun käŋ tääu ë yecin kedhie, ku ŋic nɔn ë bïï yen tëde Nhialic, ku nɔn le yen tëde Nhialic.

Jɔn 14:20

Ëköölë abäk ŋic nɔn nuö yɛn ë wääric, ku nɔn nuö wek ë yayic, ku nuö ë weyiic.

Jɔn 16:28

Yɛn ë bɔ̈ tëde Wäär, bä ë piny nɔm: ku ënɔɔnë, yɛn be piny nɔm nyääŋ piny, la tëde Wäär.

Jɔn 16:33

Kakë acä ke lɛ̈k week, ke we bï dɛ mät ë yayic. Në piny nɔm ke we bï dɛ këtuc ee we dhal: riɛtkï wepiɔ̈ɔ̈th tei! Yɛn ë piny nɔm tiaam.”

Jɔn 17:23

yɛn ë keyiic, ku yïn ë yayic, ke ke bï dikëdik abïk aa tök, ago kɔc ke piny nɔm e ŋic nɔn ee yïn ë toc ɛn, ku nɔn cï yïn keek nhiaar, acït man nhiɛɛr yïn ɛn.

Jɔn 17:25

“Wäär, Raan piɛthpiɔ̈u, yïn kuc kɔc ke piny nɔm, ku yïn ŋiɛc, ku ŋic kɔckë nɔn ee yïn ë toc ɛn.

Jɔn 17:6

Yɛn ë kɔc nyuöth rinku ëgɔk, kɔc wään cï gäm ɛn ë piny nɔm: aake ye kɔcku, ku yïn aa gëm ke yɛn, ku acïk jamdu muk,

Jɔn 7:33

Go Yecu lɛ̈k keek, an, “Ë döŋ ke ye tëthiinakäŋ ke ya rɛ̈ɛ̈r wo week, ku bä jɔ lɔ tëde raan ë toc ɛn.

Luɔi 3:21

raan bï dhil ceŋ paannhial aɣɔ̈l kööl ë puŋ bï käŋ puk nïïm kedhie, kööl cïï Nhialic tɔ luel në thook ke tïtkɛn ɣeriic kedhie, gɔl ɣɔn thɛɛr ciɛkë piny.

Romai 12:5

ayï wook ayadäŋ, wok juëc, ku yok guöp tök ë Kërthoyic, ku wook wodhie wok raan ë röt wapäc.

Romai 9:17

Ku këcïgɔ̈ɔ̈r acï lɛ̈k melik an, “Yen këde ee kënë yen aa jat ɛn yïn nhial, ke ya bï riɛldï nyuɔɔth ë yïyic, ku bï rinkï aa lueel ë piny nɔm ëbɛ̈n.”

1 Kor 1:10

Ku ënɔɔnë, wek läŋ, wek mïthëkɔckuɔ, në rin ke Bɛ̈nydan Yecu Kërtho, an, Yak jam tök lueel wedhie, ku ë cïn tëŋ tɛk wek weyiic, ke we bï weyiic mat ëtök ë piɔ̈n tök ku në löŋ tök, löŋ luɛlkï.

Galatai 3:28

Judai ayï Girikii aliu ee tënë, ayï lïm ayï raan ë cath ë këde yenhde aliukï ayï moc ayï tik aliukï aya: week wedhie wek ee tök në Kërtho Yecu yic.

Epethiei 4:4

Ee guöp tök yen nu, ku Wëidït tök, acït man cï we cɔɔl në aŋäth tök, aŋäth ë cɔ̈t ë cɔɔlë week.

Pilipoi 2:9

Yen aa jɔtë Nhialic en nhial arëët, ago miɔɔc ë rin nu ë rin nïïm kedhie.

Ɣeberuu 1:3

Ku Wën ë Nhialic Yen aa nyooth dhuëëŋ de Nhialic. Ku Yen athöŋ guöp ke Nhialic. Ku ye këriëëc de piny nɔm döt ëbɛ̈n në jamdɛn ril ë tör. Të wään cï Yen karɛc ke mɛnh ë Raan ëbɛ̈n waak wei, ke jɔ nyuc paannhial në ciin cuëny de Nhialic Awärjäŋ.

Ɣeberuu 9:24

Ku Kërtho akën lɔ në tëɣeric yic kë ë yïk ë raan ciin. Ee tëɣeric yic nu paannhial yen aleer En guöpde, ku ënɔɔnë ee tïc ë Nhialic nɔm në nyinda yic.

Jakop 4:4

Wek röör akɔɔrdiäär ku diëër akɔɔrröör, kuöckï määth ë ka ke pinynɔm nɔn ee yen ater lueel kekë Nhialic? Yen na de raan kɔɔr nɔn bï en määth kekë ka ke piny nɔm, ka ye rɔt tɔ ye raan de ater kekë Nhialic.

1 Pet 1:5

wek kɔc cï gël ë riɛl ë Nhialic në gäm, bäk kunydewëi yök, kuny cï thök ë guiɛɛk, ke bï tïc ëkööl rial wadäŋ.

1 Jɔn 3:12

Ku cuku bï ciët Kain, raan ë bɔ̈ tëde jɔŋdïït rɛɛcë, raan cï mɛnhkënë nɔ̈k. Ku eeŋö ë nɛ̈k en? E luɔi rɛɛcë luɔide, ku piɛth luɔi de mɛnhkënë.

1 Jɔn 5:19

Aŋicku nɔn ee wok kɔc ke Nhialic, ku nɔn tɔ̈uwë piny nɔm ëbɛ̈n ë këracic.

Juda 1:1

Yɛn Juda, lïm ë Yecu Kërtho, ku ya mänhë ë Jakop. Awerek en gäär kɔc cï cɔɔl, kɔc nhiɛɛr Nhialic Wääda, ku cïke muk ë Yecu Kërtho yic:

Juda 1:24

Ku ënɔɔnë, Nhialic Raan ŋic week gël ke we cïï bï aa wïïk, ku ŋïc week tääu ë dhuëëŋde nɔm ke cïn kë bï we gɔ̈k, abäk piɔ̈ɔ̈th a yum aläl,

Nyuuth 15:4

Eeŋa cïï duëër riɔ̈ɔ̈c ë yïn, ku cïï rinku e leec, yïn Bɛ̈nydït? Yïn yïtök yïn aɣeric. Juöör abïk bɛ̈n kedhie bïk bɛ̈n lam ë yïnɔm, në tïc cï luɔiduön piɛth guɔ tïc.”

Nyuuth 19:12

Ku acït nyin liem de mac, ku nu gööl juëc ke dhuëëŋ ë yenɔm, ku acath ke rin cï gɔ̈ɔ̈r rin cïn raan ŋic ke, ee yen ŋic ke yetök.

Nyuuth 4:8

Ku läike kaŋuan adekï kɔ̈ɔ̈th wuök kadhetem kedhie, ku acïk thiäŋ ë nyïïn biäk biic ku keyiic thïn, ku acïkï ee lɔ̈ŋ aköl ayï wakɔ̈u, ayek lueel, an, “Aɣeric, Aɣeric, Aɣeric, yen Bɛ̈nydït Nhialic Awärjäŋ, Bɛ̈nydït ë nu, ku nu, ku bï bɛ̈n.”