Jɔn 17:1 - JAM DE NHIALIC 2011

¹ Na wën, acï Yecu kakë lueel, ke jɔ enyin jat nhial, ku lueel an, “Wäär, kööl acï bɛ̈n, gämë Wëndu dhuëëŋ, ke Wëndu bï yï tɔ yök dhuëëŋ aya.

Jɔn 17:1 ပူးပေါင်းရင်းမြစ်များ

Diɛt 123:1

Bɛ̈nydït ee yïn akaar, yɛn woi tënhial të tɔ̈u ë thöönydu thïn.

Yith 38:14

Yɛn ë röl kuur ku acïï be ë piŋ, ka yɛn aa dhiau cït guuk. Yɛn ë nyin ŋoot në luɔi wɔi yɛn paannhial. Bɛ̈nydït acï a luäk në nuanë yic ëbɛ̈n.

Mak 14:41

Go bɛ bɛ̈n raandiäk, bï ku yöök keek an, “Yɔ̈kkï ke we nin tëthiinakäŋ abäk lɔ̈ŋ? Ë guɔ loi! Thaar acï bɛ̈n! Tiëŋkï, Wën ë Raan anyiinë, ku yïnë kɔc ë kërac looi.

Luk 18:13

Go raan ë athölbö tɔ kut kɔ̈ɔ̈c tëmec, ku reec e nyin jat nhial, ku jɔ yepiɔ̈u biɔ̈ɔ̈k, ku lueel an, ‘Nhialic kok piɔ̈u we yɛn, yɛn ee raan ee kërac looi!’

Luk 22:53

Wään aa yɛn cool ë rëër wokë week Luaŋdïtic, wek ë kën a dɔm: apiɛth, kööldun kï ee kënë, ku ye riɛl ë cuɔlëpiny.”

Jɔn 11:4

Na wën, acï Yecu ye piŋ, ke luel an, “Juänë acie këde thuɔɔu, ee lɛc bïï Nhialic lɛc nɔm, ago wën ë Nhialic dhuëëŋ yök në yen.”

Jɔn 11:41

Gokï kuur nyaai, të wën cï raan cï thou thiɔ̈k. Go Yecu enyin jat nhial, ku lueel an, “Wäär, thieithieei, nɔn cï yïn këdï piŋ.

Jɔn 12:23

Go Yecu pɔ̈k nɔm keek an, “Kööl acï bɛ̈n kööl bï Wën ë Raan dhuëëŋ yök thïn.

Jɔn 13:1

Na wën, aŋoot Dhuëëŋ ë Winythok wei, ke ŋic Yecu nɔn cï köölde bɛ̈n, kööl bï en jäl piny le tëde Wun, ku nhiëër nhiɛɛr en kɔckɛn nu ë piny nɔm, yen aa nhiɛɛr en keek athöökë käŋ.

Jɔn 16:32

Wɔikï, kööl abɔ̈, yeka bɔ̈yë ënɔɔnë, kööl bï we thiäi wei, lɔ ŋɛk tëde ku lɔ ŋɛk tëde, ku nyääŋkï ya piny yatök: ku yɛn cïï tɔ̈u a tök, luɔi nu Wäär kekë ɛn.

Jɔn 7:30

Agokï piɔ̈ɔ̈th dɛ luɔi bï kek e dɔm: ku acïn raan cï yeciin tääu ë yeguöp, luɔi ŋootë köölde ke kën guɔ bɛ̈n.

Jɔn 7:39

Aa luel ee kënë në këde Wëidït, Wëi bïï kɔc gam en lɔ̈ɔ̈k nööm, Wëidït aake ŋoot ke ke kënë guɔ gam, luɔi ŋootë Yecu ke kënë guɔ gäm dhuëëŋ.

Jɔn 8:20

Aa luel wëlke të ye käŋ juaar thïn, të wëët en kɔc ë Luaŋdïtic: ku acïn raan cï yen dɔm, në luɔi ŋootë ë köölde ke kën bɛ̈n.

Luɔi 3:13

Nhialic de Abraɣam ku Yithaak ku Jakop, Nhialic de kuarkuɔ, yen acï wëndɛn Yecu gäm dhuëëŋ, raan wään cäk yiɛ̈n miric, ku cäk rɛɛc ë Pilato nɔm, wään cï en löŋde teem an, pɛ̈l.

1 Pet 1:21

wek kɔc cï Nhialic gam në yen, Nhialic wään jɔt en nhial ë kɔc cï thou yiic, ku jɔ gäm dhuëëŋ, ke gämdun ku aŋäthdun ke ke bï aa tɔ̈u ë Nhialic.