Jɔn 16:33 - JAM DE NHIALIC 2011

³³ Kakë acä ke lɛ̈k week, ke we bï dɛ mät ë yayic. Në piny nɔm ke we bï dɛ këtuc ee we dhal: riɛtkï wepiɔ̈ɔ̈th tei! Yɛn ë piny nɔm tiaam.”

Jɔn 16:33 ပူးပေါင်းရင်းမြစ်များ

Diɛt 68:18

Yïn cï lɔ nhial në kuur bäär nɔm ya, ku jɔt kɔc juëc cï peec ku gam miɔ̈c tëde keek, ayï kɔc reec Yïn. Bɛ̈nydït Nhialic abï rɛ̈ɛ̈r ëtɛ̈ɛ̈n.

Maika 5:5

ku abï mät bɛ̈ɛ̈i. Të le Athiriya wo yiɛ̈n tɔŋ, ku lek ɣään riilkuɔ reet yiic, abuk keek kuɛ̈ny bänykuɔn ril arëët kadhorou, lek gɔ̈m në keek.

Math 9:2

Na wën, ke ke bïï raan të nu yen, raan cï duany, adhɔt piny ë agen nɔm, go Yecu gämden tïŋ, ku yöök raan cï duany an, “Pälë yïpiɔ̈u piny, mɛnhdï, karɛcku acï ke päl yïn.”

Luk 19:38

luelkï an, “Thieithieei Melik bɔ̈ në rin ke Bɛ̈nydït! Ë mät tɔ̈u paannhial, ku tɔ̈u dhuëëŋ tënhial ya!”

Luk 2:14

“Ë dhuëëŋ tɔ̈u kekë Nhialic tënhial ya, ku tɔ̈u rëër piɛth ë piny nɔm, ku miɛtëpiɔ̈u ë kɔc yiic!”

Jɔn 12:31

Löŋ ë pinyë nɔm aguiir ënɔɔnë: bɛ̈nydït ë pinyë nɔm abï ciɛɛc biic ënɔɔnë.

Jɔn 14:1

Go Yecu lɛ̈k keek an, “Duökï wepiɔ̈ɔ̈th tɔ jeth, we ye Nhialic gam, gamkï yɛn ayadäŋ.

Jɔn 14:27

“Mät en anyäŋ week, mändï en agäm week: miɔ̈c miaac ɛn week, acïï cït man ë miɔ̈c ee kɔc ke piny nɔm we miɔɔc. Duökï wepiɔ̈ɔ̈th tɔ jeth, ku duökï wepiɔ̈ɔ̈th tɔ riɔ̈c.

Jɔn 16:11

në këde guiëërëlöŋ, luɔi cï löŋ de bɛ̈ny ceŋ pinyë nɔm thök ë guiëër.

Luɔi 14:22

Ku ritkï kɔcpiööcë piɔ̈ɔ̈th, yöökkï keek an, “Bïk aa tɔ̈u ë gämic apiɛth, ku an, në guöm ee wok katuc juëc guum en abï wo dhil lɔ ë ciɛɛŋ de Nhialicic.”

Luɔi 23:11

Na ɣɔnakɔ̈u, ke Bɛ̈nydït jɔ kɔ̈ɔ̈c ë Paulo lɔ̈ɔ̈m, ku lueel an, “Rit yïpiɔ̈u, Paulo, acït man cï yïn aa cäätɔ në këdï ë Jeruthalem, ke yïn bï dhil aa cäätɔ ë Roma aya.”

Luɔi 27:22

Ku wek yɔ̈ɔ̈k ënɔɔnë an, ruɔmkï wepiɔ̈ɔ̈th tei! Acïn määr bï kɔc määr ë weyiic, ee abël tei en abï määr.

Luɔi 27:25

Yen ruɔm wek wepiɔ̈ɔ̈th, bäny! Yɛn gam Nhialic, nɔn bï en aa yic aya, cït man cï en e lɛ̈k ɛn.

Luɔi 9:31

Go ɣööt ke Nhialic jɔ rëër ke ke lɔ dïu ë Juda ëbɛ̈n ku Galili ku Thamaria, gokï jɔ riɛl ë gäm, ku yek cath ë riëëu de Bɛ̈nydït, ku në muŋdepiɔ̈u de Wëidït ɣer, agokï kenyïïn ŋuak.

2 Kor 1:3

Thieithieei Nhialic yen Wun Bɛ̈nydan Yecu Kërtho, Wun kokdepiɔ̈u ku ye Nhialic de muŋdepiɔ̈u ëbɛ̈n!

2 Kor 13:11

Cöök ciëën, mïthëkɔckuɔ, yak piɔ̈ɔ̈th miɛt. Yak piɔ̈ɔ̈th dikëdik, yak wëlpiɛth tiit, yak tɔ̈u në piɔ̈n tök, yak rëër ëdïu: ku Nhialic de nhiëër ku mät abï rëër ke wek.

2 Kor 2:14

Ku thieithieei Nhialic, Raan ë cool ë tɔ wo tiam käŋ ë Kërtho yic, ago atuömde tɔ tiëc në wook ë baai nɔm ëbɛ̈n, atuöm de ŋïny bï kɔc e ŋic.

2 Kor 4:7

Ku wo ee këpiɛthë muk ë ka cï cuëëc ë tiɔp yiic, kë dïït ë riɛl wär këriëëc kë bï aa këde Nhialic, ku cïï bɔ̈ tëde wook.

2 Kor 6:4

Wo ye röt tɔ ye kɔc piɛth në këriëëc ëbɛ̈n, acït man ë kɔc ë ka ke Nhialic looi, në liɛɛr dïït ë wopiɔ̈ɔ̈th, në katuc dhal wook, në ka dak wook, në ka giŋ wook.

2 Kor 7:4

Yɛn cï a nyin riil aläl, të jaam ɛn wo week, ku lɛɛc rɔt aläl në biäkdun: yɛn cï riit piɔ̈u aläl ka cïn däŋ kaar, yɛn mit piɔ̈u arëët awär këriëëc në këtuc dhal wook ëbɛ̈n.

Galatai 1:4

Raan cï rɔt gaam në biäk de karɛc cuk looi, luɔi bï en wo luök në pinyë nɔm ënɔɔnë, piny rɛɛcë, në këde piɔ̈n ë Nhialic Wäärda.

Galatai 6:14

Ku yɛn, lɛc bän rɔt leec aliu ëtaiwei, ee këde tim cï rïïu nɔm etök, tim de Bɛ̈nydan Yecu Kërtho, raan cï ka ke piny nɔm tɔ piëëtë ëtim kɔ̈u tëde yɛn, ku piëëtë ya ë tim kɔ̈u tëde ka ke piny nɔm.

Pilipoi 4:7

Ku män Nhialic, män ee kɔc dhal ë ŋïc kedhie, abï week gël piɔ̈ɔ̈th ku gël ka yak tak ë Kërtho Yecuyic.

Kolothai 1:20

ago käŋ tɔ luukë kedhie në yen, në luɛl cï en mät lueel në riɛm de timdɛn cï rïïu nɔm, nɔn ee kek ka nu ë piny nɔm, ku nɔn ee kek ka nu paannhial, ee Wënde yen aa luuk ke.

1 Theth 3:4

Ayï ɣɔn tɔ̈u wok ë weyiic ayadäŋ, acuk kɔn lɛ̈k week nɔn bï wo kërɛɛc dhal wook guum, acït man cï en guɔ aa yic ënɔɔnë, aŋiɛckï week.

1 Theth 3:7

Yen aa jɔ wook muk piɔ̈ɔ̈th në biäkdun, wek mïthëkɔckuɔ, në këtuc dhal wook ëbɛ̈n ku në dak ee wo dak ë käŋ, ee gämdun yen aa muk wopiɔ̈ɔ̈th:

2 Theth 3:16

Ku ënɔɔnë, Bɛ̈nydïït de mät, yenguöp, ë ye week gäm mät anandun në käŋ yiic kedhie. Ë Bɛ̈nydït ë ye tɔ̈u ke week wedhie.

2Tim 3:12

Yeka, ku kɔc kedhie kɔc ee nyïïn riɛl an, bïk aa rëër ë Kërtho Yecuyic ke ke riëëu Nhialic, kek abï dhil yɔŋ.

Ɣeberuu 11:25

Aa lɔc luɔi bï yen yaaŋ guum ëtök kekë kɔc ke Nhialic, ku pɛ̈l miɛtëpiɔ̈u de luɔi de kërac cï bï tɔ̈u aɣet athɛɛr.

Ɣeberuu 7:2

Abraɣam acï töŋ thiëër ë käŋ kedhie bɛ̈n gäm en, ka wään puk nïïm tɔŋ. Ke lueel ë rin ke Melkidhedek “Ee meliŋ de piathëpiɔ̈u” ku në luɔi yen meliŋ de Thalem, kë lueel rinke Thalem ee mät.

1 Pet 5:9

Yak ŋɛ̈ny, abäk aa kɔc ril në gäm, në ŋïny ŋiɛc wek en an, mïthëkɔckuön nu ë piny nɔm aye katuc manë ke dhal kacït ka dhal week.

1 Jɔn 2:13

Wek gäär, wek wärken ë mïth, luɔi cä wek Raan ŋic Raan ë nu të ɣɔn gɔlë käŋ. Wek gäär, wek dhuök, ë luɔi cä wek raan rɛɛcë tiaam. Acä gäär week, wek mïththiaakäŋ, ë luɔi ŋiɛc wek Wääda.

1 Jɔn 4:4

Wek ee kɔc ke Nhialic, wek mïththiaakäŋ, ku acäk ke tiaam: luɔi dïïtë Raan nu ë weyiic awär raan nu ë piny nɔm.

1 Jɔn 5:4

Ku kë cï dhiëëth ë Nhialic ëbɛ̈n ee ka ke piny nɔm tiaam: ku gämda yen ee tiëm ee ka ke piny nɔm tiaam.

Nyuuth 12:11

Gokï tiaam në riɛm de Nyɔŋamääl, ku në jamdɛn cïk lueel ke ke ye cäätɔɔ, ku kënkï wëiken tak a thou kek.

Nyuuth 3:21

Raan ee tiam, abä tɔ nyuc kekë yɛn ëtök ë thöönydï nɔm, cït man cän tiam aya, aguɔ jɔ nyuc wokë Wäär ëtök ë thöönyde nɔm.

Nyuuth 7:14

Guɔ lueel, an, “Bɛ̈ny, aŋic yïn.” Ago pɔ̈k nɔm ɛn, an, “Kɔckë ee kɔc ë bɔ̈ bei ë këtucdïït ë ke dhalic, ku acïk lupɔɔken waak, tɔkï ke ɣer ë riɛm de Nyɔŋamäälic.

Bäny 3:2

A looi ee kënë tei, në luɔi bï En rem de Yithriɛl wɛ̈ɛ̈t ë tɔɔŋ, kɔc kën tɔŋ kɔn thɔ̈ɔ̈r.