Jɔn 16:28 - JAM DE NHIALIC 2011

²⁸ Yɛn ë bɔ̈ tëde Wäär, bä ë piny nɔm: ku ënɔɔnë, yɛn be piny nɔm nyääŋ piny, la tëde Wäär.

Jɔn 16:28 ပူးပေါင်းရင်းမြစ်များ

Luk 24:51

Na wën, aa ŋoot ke ke thieei, ke jël ë keyiic, ku jɔ jɔt leerë paannhial.

Luk 9:51

Na ɣɔn, aacï nïn thiɔ̈k nïn ke leer bï ye lɛɛr nhial, ke jɔ enɔm wɛ̈l të lɔ Jeruthalem an, bï dhil lɔ.

Jɔn 13:1

Na wën, aŋoot Dhuëëŋ ë Winythok wei, ke ŋic Yecu nɔn cï köölde bɛ̈n, kööl bï en jäl piny le tëde Wun, ku nhiëër nhiɛɛr en kɔckɛn nu ë piny nɔm, yen aa nhiɛɛr en keek athöökë käŋ.

Jɔn 13:3

Ku ŋic Yecu nɔn cï Wun käŋ tääu ë yecin kedhie, ku ŋic nɔn ë bïï yen tëde Nhialic, ku nɔn le yen tëde Nhialic.

Jɔn 14:28

Acäk piŋ nɔn cän e lɛ̈k week an, ‘Yɛn jël, ku yɛn bï lɔ bɛ̈n tëde week.’ Tëë we nhiaar ɛn, adï cäk piɔ̈ɔ̈th miɛt, nɔn cän e lueel an, ‘Yɛn lɔ tëde Wäär.’ Wäär awär ɛn e dït.

Jɔn 16:10

në këde piathëpiɔ̈u, luɔi jäl ɛn la tëde Wäär, ke we cïï a bï bɛ tïŋ,

Jɔn 16:16

“Tëthiinakäŋ, ke we cïï ya bï tïŋ, ku na ëlë tëthiinakäŋ, ke we bï ya tïŋ, luɔi jäl ɛn la tëde Wäär.”

Jɔn 16:30

Ënɔɔnë aŋicku ëgɔk nɔn ŋic yïn käŋ kedhie, ku acïn kë bï raan bɛ thiëc yïn: kënë yen a gɛm wok yïn nɔn ë bï yïn tëde Nhialic.”

Jɔn 16:5

Ku ënɔɔnë, yɛn jël la të nu raan ë toc ɛn, ku acïn raan tök ë weyiic raan thiëc ɛn an, ee tënou le yïn thïn?

Jɔn 17:11

Ku ënɔɔnë, yɛn cïï be nu ë piny nɔm, ku nu kɔckë ë piny nɔm, ku la tëde yïn. Wäär, Raan ɣeric, muk kɔc në rinku, kɔc cï gäm ɛn, ke ke bï aa raan tök, cït man ë wok wo yïn.

Jɔn 17:13

Ku ënɔɔnë, yɛn lɔ tëde yïn, ku yɛn luel kakë ë piny nɔm, ë luɔi bï kek cath ë miɛt de yɛnpiɔ̈u, abïk piɔ̈ɔ̈th a yum.

Jɔn 17:5

Ku ënɔɔnë, yïn Wäär, tɔ ya yök dhuëëŋ wokë yïn ëtök, në dhuëëŋ ɣɔn cath ke yɛn wokë yïn ëtök ɣɔn ŋootë piny ke liu.

Jɔn 8:14

Go Yecu pɔ̈k nɔm keek an, “Na ya cak käŋ lueel në këde yenhde, ke këdï ee yic, yɛn ŋic të ë bä yɛn thïn ayï të la yɛn thïn, ku week, we kuc të ë bä yɛn thïn, ku kuöckï të la yɛn thïn.

Jɔn 8:42

Go Yecu ke yɔ̈ɔ̈k an, “Tëë ye Nhialic yen ee Wuöördun, adï yak a nhiaar: nɔn ë bä yɛn tëde Nhialic bä eenë, ku yɛn ë cïï bɔ̈ në këde yenhdï, yen aa toc ɛn.