Jɔn 16:21 - JAM DE NHIALIC 2011

²¹ Tik, të kɔɔr en dhiëth, ee piɔ̈u dhiau nɔn cï köölde bɛ̈n: ku të cï en däk, ka cïï tuöcdepiɔ̈u wën be tak, në biäk de miɛt cï en piɔ̈u miɛt luɔi cï raan dhiëëth ë piny nɔm.

Jɔn 16:21 ပူးပေါင်းရင်းမြစ်များ

Cäk 3:16

Ku lëk ë Bɛ̈nydït Nhialic tik an, “Yɛn bï arɛɛmdu ŋuak nyin të dhiëëth yïn. Yïn bï ya dhiëth ke yï rem guöp, ku yïn bï ya ŋoot ke yï kɔɔr monydu, ku abï yïn aa cieŋ.”

Jop 11:16

Nuandu ëbɛ̈n abï yïn nɔm määr në yen, cït man cïn en raan ee pïïu riŋ wïïr bɛ tak.

Diɛt 113:9

Ee tiiŋ cïn nɔm meth gäm riëëu paande, ku tɔ mit piɔ̈u në luɔi yen en gäm mïth. Lɛckï Bɛ̈nydït!

Yith 13:8

Keek kedhie abïk riɔ̈ɔ̈c ku abïï arɛɛm ke tiaam, cït arɛɛm de tiiŋ dhiëth. Abïk röt aa liec ë ŋäny ŋäny në riɔ̈ɔ̈c, ku dëpkï nyïïn ë liapliap në ayäär.

Yith 21:3

Kë cä tïŋ ku piɛŋ në nyuuth yic ë ya thiɔ̈ɔ̈ŋ në arɛɛm ku riɔ̈ɔ̈c, cït arɛɛm de tiiŋ kɔɔr dhiëth.

Yith 66:7

“Pänydiën dïït ɣeric acït tiiŋ cïï dhiëth mook ke kënë rɔ̈ɔ̈p.

Maika 4:10

Dhiaukï arëët wek kɔc ke nyan de Dhiɔn, cït man ë tiiŋ cïï arɛɛm ë dhiëth nuaan, në biäk bïï ë we jat wei ë pänydït yic ënɔɔnë, ku lak rëër roor baaŋ të cïn ɣööt. Wek bïï lɛɛr Babilon, yen të bï we lɔ luök thïn ka. Bɛ̈nydït abï we lɔ wɛ̈ɛ̈r bei ëtɛ̈ɛ̈n në kɔckuön ke ater cin.

Maika 4:9

Ku ënɔɔnë, eeŋö tɔ we dhiau arëët aya abäk ciët ka cïn nïïm melik? Cï raan ee we riit piɔ̈ɔ̈th thou? Eeŋö tɔ we dëŋ aya, abäk ciët tiiŋ rɔ̈p?

Galatai 4:27

Luɔi cï e gɔ̈ɔ̈r an, “Mit piɔ̈u, yïn tiiŋ rol, tiiŋ cie dhiëth! Ɣɔ̈ɔ̈rë yïröl piny, cöt arëët, yïn tiiŋ cie rɔ̈ɔ̈p! Mïth ke tiiŋ thuööm awärkï mïth ke tiiŋ de monyde aläl.”

1 Theth 5:3

Ku të lueel kek en an, “Piny arɛ̈ɛ̈r ëdïu, ku acïn riɔ̈ɔ̈c nu,” en a bï riääk ë kegup ëthiäu, cït man ë kɛ̈c cï tik käc, ku acïn kë duëër kek poth.