Jɔn 16:19 - JAM DE NHIALIC 2011

¹⁹ Aŋic Yecu nɔn kɔɔr kek luɔi thiëëc kek en, go ke yɔ̈ɔ̈k an, “Week luɔpkï röt wapäc në kë cä lueel an, ‘Tëthiinakäŋ, ke we cïï ya bï tïŋ na ëlë tëthiinakäŋ, ke we bï ya tïŋ?’

Jɔn 16:19 ပူးပေါင်းရင်းမြစ်များ

Math 6:8

Yen duö wek röt ee tɔ cït keek, wuöördun aŋic kë dak week të ŋuɔɔt wek ke we kën en lip.

Math 9:4

Go Yecu ka luekï ë kepiɔ̈ɔ̈th guɔ ŋic, ago lueel an, “Eeŋö tak wek kërac ë wepiɔ̈ɔ̈th?”

Mak 9:32

Ku akënkï jamë yökic, ku acïk riɔ̈ɔ̈c ë thiëc thiëëc kek en.

Jɔn 13:33

Week mïththiikë, ë döŋ ke ye tëthiinakäŋ të rɛ̈ɛ̈r ɛn wo week. We bï a kɔɔr: ku acït man cän e lɛ̈k Judai an, ‘Të la yɛn thïn, ke we cïï duëër bɛ̈n, yen alɛ̈k week ënɔɔnë.’

Jɔn 14:19

Ë döŋ ke ye tëthiinakäŋ, ke kɔc ke piny nɔm ke ke cïï a bï bɛ tïŋ: ku wek ee ya tïŋ: pïïr piëër ɛn, yen abä wek pïïr aya.

Jɔn 16:16

“Tëthiinakäŋ, ke we cïï ya bï tïŋ, ku na ëlë tëthiinakäŋ, ke we bï ya tïŋ, luɔi jäl ɛn la tëde Wäär.”

Jɔn 16:18

Agokï lueel an, ee käŋö kë lueel an, ‘Tëthiinakäŋ? Akucku yen kë lueel!’

Jɔn 16:23

“Ku ëköölë acïn kë bä wek a luɔp. Wek yɔ̈ɔ̈k ë yic an, Të de yen kë bäk lip tëde Wäär në rinkï, ka bï gäm week.

Jɔn 16:26

Ëköölë, ke we bï lip ë rinkï: ku acä lɛ̈k week nɔn bän Wäär lɔ̈ŋ ë biäkdun.

Jɔn 16:30

Ënɔɔnë aŋicku ëgɔk nɔn ŋic yïn käŋ kedhie, ku acïn kë bï raan bɛ thiëc yïn: kënë yen a gɛm wok yïn nɔn ë bï yïn tëde Nhialic.”

Jɔn 21:17

Go bɛ thiëëc raandiäk an, “Thimon, wën ë Jona, nhiaar ɛn?” Petero piɔ̈u diu luɔi cï en e thiëëc raandiäk an, “Nhiaar ɛn?” Go lueel an, “Bɛ̈nydït, yïn ŋic këriëëc ëbɛ̈n, aŋic nɔn nhiaar ɛn yïn.” Go Yecu yɔ̈ɔ̈k an, “Nyuääthë amɛ̈lkï.”

Jɔn 6:61

Na wën, acï Yecu ë ŋic ë yepiɔ̈u nɔn ŋuunë kɔckɛn ë piööcë në jamë, ke ke jɔ thiëëc an, “Cï jamë we tɔ diu piɔ̈ɔ̈th?”

Jɔn 7:33

Go Yecu lɛ̈k keek, an, “Ë döŋ ke ye tëthiinakäŋ ke ya rɛ̈ɛ̈r wo week, ku bä jɔ lɔ tëde raan ë toc ɛn.

Ɣeberuu 4:13

Acïn kë kuöm nɔm në Nhialic nyin, awoi këriëëc ëbɛ̈n, yen ye wok En lɛ̈k yic, në luɔi ee Yen Raan bï wook luɔp.

Nyuuth 2:23

Ku mïthke abä ke nɔ̈k abïk thou, ku abï ɣööt ke Nhialic ŋic kedhie, nɔn aa yɛn raan ee kɔc caath piɔ̈ɔ̈th, ku wɔi kë nu ee kɔc yiic thïn: ku yɛn bï raan ëbɛ̈n gäm kë rɔ̈ŋ ke luɔide week wedhie.