Jɔn 16:14 - JAM DE NHIALIC 2011

¹⁴ Abï ya tɔ yök dhuëëŋ: abï këdï nööm, ku jɔ nyuöth week.

Jɔn 16:14 ပူးပေါင်းရင်းမြစ်များ

Dhek 12:10

“Ku yɛn bï wëi ke kokdepiɔ̈u, ku lɔ̈ŋ luööŋ në käu de Debid guöp, ku kɔc cieŋ Jeruthalem. Ka abïk raan cïk nɔ̈k aa dhiëëu cït ka dhiëëu mɛnh tök në man nɔm. Abïk aa dhiëëu në jiɛthëpiɔ̈u cït ka dhiëëu wën kɛ̈iden.

Jɔn 14:21

“Raan gam lööŋ cï ke thɔ̈n ɛn, ku muk keek, yen aye raan nhiaar ɛn: ku raan nhiaar ɛn abïï Wäär nhiaar, ku abä nhiaar aya, aguɔ rɔt nyuöth en.”

Jɔn 15:26

Ku Raan ë kɔc riit piɔ̈ɔ̈th, Raan bä tuöc week në Wäär lɔ̈ɔ̈m, yen aye Wëi yic, Wëi ë bɔ̈ bei ë Wäär lɔ̈ɔ̈m, të cï en bɛ̈n, ka bï aa cäätɔdï.

Jɔn 7:39

Aa luel ee kënë në këde Wëidït, Wëi bïï kɔc gam en lɔ̈ɔ̈k nööm, Wëidït aake ŋoot ke ke kënë guɔ gam, luɔi ŋootë Yecu ke kënë guɔ gäm dhuëëŋ.

1 Kor 12:3

En ata yɛn we ŋic cöökë, yen acïn raan jam ke cath ke Wëndït ɣer ke Nhialic raan bï e lueel an, “Yecu ade guöp aciɛɛn!” Ku acïn raan duëër e lueel an, “Yecu ee Bɛ̈nydït,” të cïï en cath ke Wëidït.

2 Kor 4:6

Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.

Galatai 5:5

Ku wook, aŋäth ë piathëpiɔ̈u wën bɔ̈ në gäm en ayok tiit në Wëidït.

1 Pet 2:7

Yen a de en naamde tëde week, wek kɔc cï gam: ku tëde kɔc reec gäm, “Kuur ɣɔn reecë yïk, Yen guöp acï tɔ ye kuur dïït nu ë aguk de pänyic.”

1 Jɔn 3:23

Ku löŋde kï, gäm bï wo rin ke Wëndɛn Yecu Kërtho gam, ku nhiëër bï wok röt aa nhiaar, cït man cï en wo yiɛ̈n löŋ.

1 Jɔn 5:20

Ku aŋicku nɔn cï wën ë Nhialic bɛ̈n, bï ku gɛ̈m wook ŋïnydekäŋ, buk raan yic ŋic, ku wok tɔ̈u ë raan yicic, yen aye Wëndɛn Yecu Kërtho. Nhialic yic kï, ku pïïr athɛɛr ka.

1 Jɔn 5:6

Kënë ee raan ë bɔ̈ në pïïu kekë riɛm, yen aye Yecu Kërtho, aa cïï bɔ̈ në pïïu kapäc, ee pïïu ku riɛm.

Nyuuth 19:10

Guɔ rɔt cuat piny ë yecök, an, ja lam. Go ya yɔ̈ɔ̈k, an, “Acie yen! Yɛn ee lïm wo yïn ëtök, ku ya lïm wokë mïthëkɔckun ëtök kɔc ee ya cäätɔɔ ee jam de Yecu döt: ye Nhialic lam!” Wëi ke guiëërëwël kek aye cäätɔ luel këde Yecu.