Jɔn 15:8 - JAM DE NHIALIC 2011

⁸ Luɔk luɔk wek aläl, yen aye Wäär tɔ yök dhuëëŋ, yen abä wek aa kɔckiën ë piööcë.

Jɔn 15:8 ပူးပေါင်းရင်းမြစ်များ

Yith 60:21

Kɔcku abïk këpiɛth aa looi, Ku abïk piny cieŋ aɣet athɛɛr, acä ke com, acä ke cak, bïk dïtdï nyuöth raan ëbɛ̈n.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Ɣagai 1:8

Ku ënɔɔnë, lakï ë kur nïïm, lak bɛ̈ɛ̈ikï tiim, bä wek Luaŋdït bɛ̈n nyɔk në yïk. Ke Ya bï piɔ̈u miɛt, ku be ë Yɛn aa lam cït mandï.

Math 5:16

Yak ɣɛɛrdun tɔ riau aya ë kɔc nïïm, abïk luɔiduön piɛth aa tïŋ, agokï Wuöörduön nu paannhial aa lɛc nɔm.

Math 5:44

Ku yɛn alɛ̈k week an, “Yak kɔc dɛ wek ater nhiaar, yak lɔ̈ŋ në biäk de kɔc ë week yɔŋ,

Math 9:8

Na wën, acï kuut ke kɔc e tïŋ, ke ke gäi, ku leckï Nhialic, Raan cï riɛl cït ee kënë gam kɔc.

Luk 6:35

Ku week, yak kɔc de ater në week nhiaar, ku yak ke luööi apiɛth, ku dhɛ̈nkï ke käŋ, ku cïn kë ŋäthkï, ke ariöpdun abï dït, ku we bï aa mïth ke Nhialic Awärjäŋ, ee piɔ̈u adhuɛ̈ŋ kekë kɔc cïn piɔ̈ɔ̈th ayï kɔc racpiɔ̈ɔ̈th.

Jɔn 13:35

Yen abï kɔc e ŋic kedhie nɔn aa wek kɔckiën ë piööcë, të nhiaar wek röt wapäc.”

Jɔn 15:5

“Yɛn ee tim de enap, wek ee kër: raan rɛ̈ɛ̈r e yayic, ku rɛ̈ɛ̈r ë yeyic, yen aye raan ee luɔk arëët: ku të cïn en ɛn, ka cïn kë duɛ̈ɛ̈rkï looi.

Jɔn 8:31

Go Yecu Judai wën cï ye gam yɔ̈ɔ̈k an, “Të täu wek ë jamdï yic, ka wek ee kɔckiën ë piööcë në yic,

1 Kor 10:31

Yen na yak cam, ku yak dek, ayï të de yen kë bäk aa looi, yak käŋ looi kedhie ke Nhialic bï dhuëëŋ yök.

1 Kor 6:20

We cï ɣɔɔc ë ɣööc tuc: yen aa wek Nhialic tɔ yök dhuëëŋ në guöpdunic ayï wëikun yiic, kek ka ke Nhialic ka.

Pilipoi 1:11

Ke we bï thiɔ̈ɔ̈ŋ piɔ̈ɔ̈th ë kak ee piathëpiɔ̈u ke luɔk, kak ë bɔ̈ tëde Yecu Kërtho, ke Nhialic bï dhuëëŋ yök ayï lɛc.

Tito 2:10

ku cïkï käŋ ë nööm ëcuëër, ku bïk käŋ aa döt apiɛth, agokï wëët de Nhialic Konyda aa kiir e këriëëcic ëbɛ̈n.

Tito 2:5

ke ke bï aa diëër ee nïïm tiëër, diëër ɣerpiɔ̈ɔ̈th ëtop, diëër ee tɔ̈u ë dhiënken, diëër piɛth, ee jam de röörken gup piŋ, ke jam ë Nhialic ke cïï bï aa läät.

1 Pet 2:12

Yak ŋiëc rëër apiɛth ë juööriic, ku na cakaa kek ë ye we tum gup, acäk ciët kɔc ee kërac looi, ka bïk Nhialic dhil lɛc nɔm ë kööl bï en kɔc bɛ̈n neem, në luɔiduön piɛth ye tïŋ.

1 Pet 4:11

Raan guiir wël, ke ke guiir cït man ee kek wël ke Nhialic, raan loi ka ke kɔc ë looi në riɛl cïï Nhialic yiɛ̈n en: ke Nhialic bï dhuëëŋ yök në Yecu Kërtho ë këriëëcic ëbɛ̈n, Raan de nɔm dhuëëŋ ku ciɛɛŋ aɣet athɛɛr ya. Amiin.