Jɔn 15:7 - JAM DE NHIALIC 2011

⁷ Të rɛ̈ɛ̈r wek ë yayic, ku rɛ̈ɛ̈r wëlkï ë weyiic, ka kë nu ë wepiɔ̈ɔ̈th ëbɛ̈n aduɛ̈ɛ̈rkï ke lip, ku abï ke luöi week.

Jɔn 15:7 ပူးပေါင်းရင်းမြစ်များ

1 Mel 3:5

Na ɣɔn wakɔ̈u go Bɛ̈nydït tuöl tëde Tholomon ë Gibiɔn ke ye nyuöth, lueel an, “Eeŋö bä lip kë bä gäm yïn?”

Jop 22:26

ke yï bï miɛtëpiɔ̈u yök tëde Nhialic Awärjäŋ, ku Yen abä ya ŋɔ̈ɔ̈th anandu

Jop 23:12

Yɛn kën jäl në lööŋke yiic, ee këde piɔ̈nde yen aya kuanyic, ke cie kë kɔɔr ë piɔ̈ndï.

Diɛt 119:11

Yɛn cï lööŋku muk në yapiɔ̈u, ke ya cïï kërac bï luöi Yïn.

Diɛt 37:4

Mitëpiɔ̈u wekë Bɛ̈nydït, ke bï yïn gäm ke kɔɔrë piɔ̈ndu.

Kɛ̈ŋ 10:24

Kë ye raan ee karɛc looi riɔ̈ɔ̈c ee ye cuööp, ku yök raan piɛth piɔ̈u kë ye kɔɔr.

Kɛ̈ŋ 4:4

yɛn cïï wää bɛ̈n wɛ̈ɛ̈t lëk ɛn an, “Piŋ kë lɛ̈k yïn ë gɔk, ku du kɔn tɔ mär yïnɔm. Ye lööŋ lɛ̈k yïn döt ke yï bï pïïr.

Yith 58:8

“Ëtɛ̈ɛ̈n dhuëëŋdï abï riau cï run de piny ë wegup, ku bɔ̈ɔ̈tkun abïk dap waar. Piathëpiɔ̈ndun abï aa tɔ̈u wenïïm tueŋ, ku dhuëëŋ de Bɛ̈nydït abï we gël ë ɣään yiic ëbɛ̈n.

Jeremia 15:16

Yïn cï jam we yɛn guɔ wëlku piŋ kedhie. Yɛn ee këdu Bɛ̈nydït Awärjäŋ, ka wëlku ayek ya thiɔ̈ɔ̈ŋ piɔ̈u në miɛtëpiɔ̈u ku dhuëëŋ.

Math 7:7

Yak lip, ke we bï miɔɔc, yak köör, ku abäk yök, yak ɣöt tɔɔŋ thok, ku abï liëp week.

Jɔn 14:13

Ku të de yen kë bäk lip në rinkï, ka bä looi, ke Wääda bï dhuëëŋ yök në Wënde.

Jɔn 15:16

Acie week ë lɔc ɛn, ee yɛn ë lɔc week, ku tääu week tëdun an, bäk lɔ luɔk, ago mïthkun tɔ̈u: ago na de kë bäk lip tëde wäär në rinkï, ka bï gäm week.

Jɔn 16:23

“Ku ëköölë acïn kë bä wek a luɔp. Wek yɔ̈ɔ̈k ë yic an, Të de yen kë bäk lip tëde Wäär në rinkï, ka bï gäm week.

Jɔn 8:31

Go Yecu Judai wën cï ye gam yɔ̈ɔ̈k an, “Të täu wek ë jamdï yic, ka wek ee kɔckiën ë piööcë në yic,

Jɔn 8:37

Wek ŋiɛc nɔn aa wek kɔ̈th ke Abraɣam, ku wek kɔɔr luɔi näk wek ɛn, luɔi cïn en të bï jamdï rëër ë weyiic.

Galatai 4:2

ku ye rëër ë kɔc cök kɔc ë ye muk ku kɔc cï tääu ë dhiën nɔm, aɣet kööl bïï wun lueel.

Galatai 5:16

Ku aluɛɛl alëyɔ̈ɔ̈ an, cathkï në Wëidït yiic, ke we cïï ka kɔɔr guöp bï aa looi.

Nyöŋ 6:6

Ku Duökï nïïm kɔn määr liŋliŋ në ë lööŋ gäm wek ëköölë.

Kolothai 3:16

Yak jam de Kërtho tɔ rɛ̈ɛ̈r ë weyiic në pɛlënɔm ëbɛ̈n, abäk kuɛth ë ye, yak röt wɛ̈ɛ̈t wapäc ku yak wenïïm tak në diɛt, ku diɛt ke Nhialic ku diɛt ke Wëidït, ku yak Bɛ̈nydït kɛ̈t në miɛt ë wepiɔ̈ɔ̈th.

1 Jɔn 2:14

Acä gäär week, wek wärken ë mïth, ë luɔi ŋiɛc wek Raan ë nu të ɣɔn gɔlë käŋ. Acä gäär week, wek dhuök, luɔi riɛl wek, ku luɔi tɔ̈uwë jam ë Nhialic ë weyiic, ku cäk raan rɛɛcë tiaam.

1 Jɔn 2:27

Ku na week, töny cäk yök tëde yen atɔ̈u ë weyiic, ku acïn raan däŋ kaarkï raan duëër we wɛ̈ɛ̈t, ku acït man ee töny manë we wɛ̈ɛ̈t në këriëëc ëbɛ̈n, ku ye yic, ku cie lueth, ke we bï tɔ̈u ë yeyic, cït man ë wëët en week.

1 Jɔn 3:22

Ku të de en kë lipku, ka yok yök tëde yen, luɔi ee wo lööŋke döt, ku yok kamit ë yepiɔ̈u looi.

1 Jɔn 5:14

Riɛl ee wo nyïïn riɛl ë yenɔm kï, an, Tëde en kë yok lip, kë rɔ̈ŋ ke këde yenpiɔ̈u, ka ye këda piŋ.