Jɔn 15:5 - JAM DE NHIALIC 2011

⁵ “Yɛn ee tim de enap, wek ee kër: raan rɛ̈ɛ̈r e yayic, ku rɛ̈ɛ̈r ë yeyic, yen aye raan ee luɔk arëët: ku të cïn en ɛn, ka cïn kë duɛ̈ɛ̈rkï looi.

Jɔn 15:5 ပူးပေါင်းရင်းမြစ်များ

Kɛ̈ŋ 11:30

Luɔi de piathëpiɔ̈u ee pïïr bɛ̈ɛ̈i, ku akuöörkuöör ee näk.

Ɣodh 4:8

Acamkï awäny de kɔckï kɔ̈u, ka ayek piɔ̈ɔ̈th miɛt të cïï kɔckï wäc.

Math 13:21

ku acïn meeidɛn nu ë yepiɔ̈u, ee tɔ̈u tëthiinakäŋ tei, na miäk, të cï këril dhal en rɔ cak ayï yöŋ yɔŋ ë ye në biäk de jam, ke jɔ piɔ̈u dap diu.

Jɔn 12:24

Wek yɔ̈ɔ̈k ëyic an, nyin töŋ de rap të kën en lööny piny, thou, ka rɛ̈ɛ̈r etök: ku na thou, ka jɔ luɔk ë mïth juëc.

Jɔn 15:16

Acie week ë lɔc ɛn, ee yɛn ë lɔc week, ku tääu week tëdun an, bäk lɔ luɔk, ago mïthkun tɔ̈u: ago na de kë bäk lip tëde wäär në rinkï, ka bï gäm week.

Jɔn 5:19

Go Yecu bɛ̈ɛ̈r, yöök keek an, “Wek yɔ̈ɔ̈k ëyic, an, Wënde acïn kën ee lëu etök, ee kë cï tïŋ aye Wääda looi, yen aye looi: käŋ kedhie kak ee Wääda looi, kek aye Wënde ke looi ayadäŋ.

Jɔn 9:33

Raanë, tëë cie raan ë bɔ̈ tëde Nhialic, adï cïn kë ye lëu!”

Luɔi 4:12

Ku kunydewëi aliu në raan däŋ: ku acïn rin kɔ̈k ë pinynɔm, rin cï gäm kɔc, rin bï wo dhil kony wëi në keek.”

Romai 12:5

ayï wook ayadäŋ, wok juëc, ku yok guöp tök ë Kërthoyic, ku wook wodhie wok raan ë röt wapäc.

Romai 6:22

Ku ënɔɔnë, nɔn cï we luöny bei ë kërac cin, aguɔkï aa lïïm ke Nhialic, ke we de kakuön cï luɔk ënɔɔnë ka ke ɣɛɛrëpiɔ̈u, ku thök bï en thök ee pïïr athɛɛr.

Romai 7:4

Ku week aya, wek mïthëkɔckuɔ, we cï tɔ thou tëde löŋ, në guöp de Kërtho, luɔi bï raan däŋ we thiaak, yen ee raan wään cï jɔt ë kɔc cï thou yiic, luɔi bï wok luɔk në këde Nhialic.

1 Kor 10:16

Bïny de athiɛɛi, bïny yok thieei, cie män mɛt wok në riɛm de Kërtho? Kuïn cï pam kuïn yok wääkic, cï en ee män mɛt wok në guöp de Kërtho?

1 Kor 12:12

Acït man ee guöp de raan tök, ku ka nu thïn ajuëckï, ku ka nu ë guöp töŋë yic, na cakaa kek ë juëc, keek ayek guöp tök tei, yen acït Kërtho aya.

1 Kor 12:27

Ku wek ee guöp de Kërtho, ku yak ka nu ë guöpde yic, ŋɛk ee kë töŋë ku ŋɛk ee kë töŋë.

2 Kor 13:8

Wok cïn ater duëërku lueel ë yic, ee män mɛt wok ë yic, en anu.

2 Kor 9:10

Ku ënɔɔnë, Raan ee raan cum yiɛ̈n kɔ̈th, ku ye raan cäm yiɛ̈n kuïn, abï we yiɛ̈n kɔ̈thkuön lak com, ku ŋuɛk ke, ago piathëpiɔ̈ndun ŋuak ë luɔk:

Galatai 5:22

Ku ka cï luɔk ë Wëidït, kek aye nhiëër, miɛtëpiɔ̈u, mät, guöm de kajuëc, ŋiëc rëër ëmääth, dhuëëŋ, dön ë käŋ,

Epethiei 5:9

kak ye ɣɛɛrëpiny ke luɔk ayek luɔi de këpiɛth ëbɛ̈n ku piathëpiɔ̈u ku yic.

Pilipoi 1:11

Ke we bï thiɔ̈ɔ̈ŋ piɔ̈ɔ̈th ë kak ee piathëpiɔ̈u ke luɔk, kak ë bɔ̈ tëde Yecu Kërtho, ke Nhialic bï dhuëëŋ yök ayï lɛc.

Pilipoi 4:13

Yɛn ee këriëëc lëu ë luɔi ëbɛ̈n në yen, yen raan ë ya gäm riɛl.

Pilipoi 4:17

Acie miɔ̈c en kaar, ee ka ye luɔk ka bï aa kakun kek akaar, juëc bï kek juëc.

Kolothai 1:10

ke rëërdun bï röŋ kekë rëër ë kɔc ke Bɛ̈nydït, ke Bɛ̈nydït bï piɔ̈u miɛt arëët. Yak luɔk në luɔi piɛth ëbɛ̈n, ku ŋuakkï wenyïïn ë ŋïny ŋiɛc wek Nhialic.

Kolothai 1:6

wëlpiɛth cï ɣëët tëde week, acït man cï kek thiëi ë piny nɔm ëbɛ̈n aya, ku lokkï abïk juëc. Ku acïk luɔk ë weyiic ayadäŋ, gɔl ëkööl ɣɔn piɛŋ wek dhuëëŋ de Nhialic piɔ̈u ku jakï yökic ëgɔk.

Jakop 1:17

Miɔ̈c piɛth ëbɛ̈n, ku miɔ̈c cï dikëdik ëbɛ̈n, abɔ̈ tënhial tëde Nhialic, ke lööny piny tëde Aciëŋ de ɣɛɛrëpiny, Raan cïï yepiɔ̈u ee pɔ̈ɔ̈k, ku cïn atïptïïp de yäl de rɔt.

1 Pet 2:4

Ee kuur pïïr, kuur cïï kɔc rɛɛc ë liŋliŋ ë yic, ku ye kuur ë lɔc Nhialic, aye kuur de naamde, ku na bäkï të nu yen.

2 Pet 3:18

Yak lɔ ke we lɔ tueŋ në dhuëëŋ de wepiɔ̈ɔ̈th ku në ŋïny ŋiɛc wek Bɛ̈nydïïtdan Yecu Kërtho, yen aye Konydan ë wëi. Ë dhuëëŋ ë ye tɔ̈u ke ye këde ayï ënɔɔnë aɣet athɛɛr. Amiin.