Jɔn 15:16 - JAM DE NHIALIC 2011

¹⁶ Acie week ë lɔc ɛn, ee yɛn ë lɔc week, ku tääu week tëdun an, bäk lɔ luɔk, ago mïthkun tɔ̈u: ago na de kë bäk lip tëde wäär në rinkï, ka bï gäm week.

Jɔn 15:16 ပူးပေါင်းရင်းမြစ်များ

Cäk 18:18

Ku Abraɣam abï ya jur dïït ril. Ku juöör ke piny nɔm kedhie abä keek thieei në këde.

Diɛt 145:4

Kë cï looi abïï aa leec ë rem tɔ̈u ënɔɔnë ayï rɛm bï lɔ̈ɔ̈k bɛ̈n, abïk kadït cï looi aa luɛɛl.

Diɛt 71:18

Ënɔɔnë yɛn cï dhiɔp ku yɛn cï nɔm lou, du ya nyiëëŋ piny Nhialic! Rɛ̈ɛ̈rë we yɛn të luɛɛl ɛn riɛldu kekë dhuëëŋdu, lëk rɛm bï lɔ̈ɔ̈k bɛ̈n kedhie.

Kɛ̈ŋ 11:30

Luɔi de piathëpiɔ̈u ee pïïr bɛ̈ɛ̈i, ku akuöörkuöör ee näk.

Yith 27:6

Në akööl bɔ̈ kɔc ke Yithriɛl, kuat ë Jakop abïk mei nööm cït man ë tim, ku abïk nyok ku mockï gaak. Piny nɔm abï thiɔ̈ɔ̈ŋ në mïth bïk keek bɛ̈ɛ̈i.

Maika 5:7

Ku kɔc lik ke Yithriɛl cï döŋ apïr, abïk aa thiɛɛi tëde kɔc juëc rëër kek në keyiic ka bïk ciët thäny ë bɔ̈ tëde Bɛ̈nydït, ku cïtkï deŋ tëde wal. Abïk röt aa kan në Bɛ̈nydït ke cie raan yen kɛn kek röt.

Math 21:22

Ku na de kë bäk lïm të läŋ wek ku gamkï, abäk keek aa yök.”

Math 7:7

Yak lip, ke we bï miɔɔc, yak köör, ku abäk yök, yak ɣöt tɔɔŋ thok, ku abï liëp week.

Luk 6:13

Na wën, aacï piny jɔ ruu, ke jɔ kɔckɛn ë piööcë cɔɔl, go kɔc kathiëër ku rou lɔc ë keyiic, ku ciëk keek an, tuuc aya,

Jɔn 13:18

“Yɛn cïï jam ë këdun wedhie: yɛn ŋic kɔc cä lɔc: ku këcïgɔ̈ɔ̈r abï dhil aa yic an, ‘Raan cam kuïn ke yɛn ëtök yen aa luui yɛn ater.’

Jɔn 15:19

Tëë we ye kɔckɛn ë kɔc ke piny nɔm, ke kɔc ke piny nɔm adï nhiaarkï kɔcken: ku ënɔɔnë, ë luɔi cä wek ee kɔckɛn ë kɔc ke piny nɔm, ku we cä lɔ̈c bei ë piny nɔm, yen amɛɛnë kɔc ke piny nɔm week.

Jɔn 15:5

“Yɛn ee tim de enap, wek ee kër: raan rɛ̈ɛ̈r e yayic, ku rɛ̈ɛ̈r ë yeyic, yen aye raan ee luɔk arëët: ku të cïn en ɛn, ka cïn kë duɛ̈ɛ̈rkï looi.

Jɔn 6:70

Go Yecu pɔ̈k nɔm keek an, “Kɛ̈n week lɔc wathiëër ku rou, ku raan tök ë weyiic ee jɔŋdït rac!”

Luɔi 1:24

Agokï lɔ̈ŋ an, “Yïn Bɛ̈nydït, yïn ŋic piɔ̈n ë kɔc kedhie, nyuöthë wook raan cï lɔc ë kɔckë kaarou yiic,

Luɔi 1:8

Ku we bï riɛl yök, të cï Wëidït ɣer bɛ̈n ë wegup, ku we bï aa cäätɔɔkï ë Jeruthalem, ku Juda ëbɛ̈n, ku Thamaria, ku aɣet të guutë piny thar.”

Luɔi 10:41

ku acie tëde kɔc kedhie, yen ë tïc en, ee tëde cäätɔɔ cïï Nhialic kɔn lɔc, kek wook, kɔc wën ee cam në yen ku dëkkï, të cï en rɔt jɔt ë kɔc cï thou yiic.

Luɔi 22:14

Go lueel an, ‘Nhialic de wärkuɔ acï yï lɔc, bä këde piɔ̈nde bɛ̈n ŋic, ago Raan piɛthpiɔ̈uwë tïŋ, ku jɔ jam ë yenthok piŋ.

Luɔi 9:15

Go Bɛ̈nydït yɔ̈ɔ̈k an, “Lɔɔr, raanë ee raandiën cä lɔc, bï rinkï lɛɛr ë Juöör nïïm, ku meliik nïïm, ku kɔc ke Yithriɛl nïïm.

Romai 1:13

Ku yɛn de piɔ̈u luɔi ŋiɛc en week, wek mïthëkɔckuɔ, nɔn cän e lueel ë yapiɔ̈u raanjuëc në bɛ̈n bän bɛ̈n tëde week, ku yɛn cï pëën aɣet cï ënɔɔnë, yɛn kɔɔr kë bï luɔk ë weyiic ayadäŋ, acït man cän e yök ë juöör kɔ̈k yiic.

Romai 1:5

raan cï wo tɔ yök dhuëëŋdepiɔ̈u, ku yökku tuöc cï wo tooc, në luɔi bï kɔc wël aa piŋ ku gamkï keek ë juöör yiic kedhie, në baŋ de rinke.

Romai 15:4

Ku ka cï gɔ̈ɔ̈r ɣɔn thɛɛr kedhie aake gäär ë wëët bï wo wëët, ke wo bï dɛ aŋäth ŋäthku në guömdekäŋ ayï muŋdepiɔ̈u kak ë bïïyë kacïgɔ̈ɔ̈r.

Romai 9:21

Ku cuëny ë töny, cïï cath ke riɛl bï en töny cuëëc kaarou në tiɔɔm töŋë, ee tööny tök këde dhuëëŋ, ku cïï tööny tök ee këde dhuëëŋ?

1 Kor 10:11

Ku ënɔɔnë, kakë kedhie aake yök keek, ke ke bï aa ka bï wo wɛ̈ɛ̈t, ku acï ke gɔ̈ɔ̈r në nën bï wo nen, wok kɔc cï thök de piny guɔ ɣëët tëde wook.

Galatai 1:15

Ku Nhialic, Raan cï a tɔ̈ɔ̈u pei në maar yäc, go ya cɔɔl në dhuëëŋ de yenpiɔ̈u, të cï en piɔ̈u miɛt,

Epethiei 2:10

Wok ee cuɛ̈cde, në cäŋ cï wo cak ë Kërtho Yecu yic në këde luɔi piɛth cïï Nhialic kɔn lueel, an, buk aa cool ë looi wo keek.

Kolothai 1:23

të ya wek cool ë rëër ë gämdunic, abäk kɔ̈ɔ̈c aril ku cäkï ee dap wïïk, ku të kɛ̈n wek röt rat wei ë aŋäthic aŋäth ë wëlpiɛth cäk piŋ, wël cï guiëër kɔc cï cak kedhie ë pinynɔm ëbɛ̈n, kek wëlpiɛth ë ya yɛn kake looi yɛn Paulo.

Kolothai 1:6

wëlpiɛth cï ɣëët tëde week, acït man cï kek thiëi ë piny nɔm ëbɛ̈n aya, ku lokkï abïk juëc. Ku acïk luɔk ë weyiic ayadäŋ, gɔl ëkööl ɣɔn piɛŋ wek dhuëëŋ de Nhialic piɔ̈u ku jakï yökic ëgɔk.

1 Tim 2:7

ku yɛn cï dɔm aye raan bï këde guiir, ku ya tuc (yic en aa luɛɛl ë Kërthoyic, yɛn cïï lueth tör), ku ya raan ee Juöör wɛ̈ɛ̈t në gäm ku në yic!

2Tim 1:11

Ku në biäk de wëlpiɛth, yen aa dɔmë ya, kë bän aa raan ee ke guiir, ku ya tuc, ku ya raan ee Juöör wɛ̈ɛ̈t.

2Tim 2:2

Ku ka cï piŋ tëde yɛn ë cäätɔɔ juëc nïïm, jɔ ke yiɛ̈n kɔc adööt, kɔc bï kɔc kɔ̈k lëu në wëët aya.

Tito 1:5

En aa nyääŋ ɛn yïn piny ë Kerete wään, luɔi bï yïn käŋ kiɛm piny ka ŋoot ke ke de të dak, ku jɔ röördït ke ɣön ë Nhialic dɔm kɔc bï tɔ̈u ë kɔc nïïm ë pɛ̈ɛ̈nydït yiic ëbɛ̈n, acït man cän e kɔn lɛ̈k yïn.

Ɣeberuu 11:4

Në biäk de Abel nɔm gäm de yic aŋäth, go Nhialic miɔɔc në miɔ̈c ŋuän awär miɔ̈c ë Kain. Abel acï Nhialic bɛ̈n gam kekë miɔ̈cde, ku gämde aŋoot ke cɔɔl rinke, na cakaa nɔn cïï yen thouwë.

Jakop 3:18

Ku kɔ̈th ke piathëpiɔ̈u aye ke com në mät në këde kɔc ee kɔc määt.

1 Pet 3:15

Ku yak Kërtho theek ë wepiɔ̈ɔ̈th takï ë Bɛ̈nydït. Yak cool ë cuɔc wek röt, ke we bï löŋ de raan ëbɛ̈n ŋiëc aa bɛ̈ɛ̈r, raan ee we thiëëc në këde aŋäth ŋäthkï, abäk aa bɛ̈ɛ̈r në piɔ̈nlir ku riëëu,

1 Pet 3:2

të ye kek täudun ɣeric ëgɔk woi täuduön deyic riëëu.

1 Jɔn 4:10

Nhiëër kï ee kënë, acie luɔi ë nhiɛɛr wo Nhialic, ee luɔi nhiɛɛr en wook, ago Wënde tuööc abï aa kë bï Nhialic luk në karɛc cuk looi.

1 Jɔn 4:19

Nhiëër cï en wo kɔn nhiaar, en a nhiɛɛr wok en.