Jɔn 15:11 - JAM DE NHIALIC 2011

¹¹ Kakë acä ke lɛ̈k wek, ke miɛt ë yɛnpiɔ̈u bï rëër ë weyiic, aguɔkï piɔ̈ɔ̈th miɛt abäk piɔ̈ɔ̈th ayum.

Jɔn 15:11 ပူးပေါင်းရင်းမြစ်များ

Yith 53:11

Na cï pïïr de guöm thök, abï piɔ̈u bɛ miɛt, abï ŋic nɔn kën Yen gum në ɣɔ̈ric. Awundiën cï rɔt gam, miɛt ɛn piɔ̈u we yen, abï këtuc de kɔc juëc ɣääc ku në biäkde abä keek päl karɛcken.

Yith 62:4

Yïn cïï bï bɛ aa cɔɔl an, “Raan cï pɔ̈l,” ku nɔn cɔl pinydu an, “Tiiŋ cï pɔ̈l.” Rinkuön cï piac cak abï aa cɔɔl an, “Nhialic amit piɔ̈u ke yen.” Pinydun abï aa cɔɔl an, “Thiëŋ de Miɛtëpiɔ̈u,” në biäk mit ë Bɛ̈nydït piɔ̈u ke yïn, ku abïï ciët mony de tik ke pinydun.

Jeremia 32:41

Yɛn bï piɔ̈u aa miɛt në luɔi de këpiɛth, ku abä keek miɛn piny arëët në ee pinyë yic.

Jeremia 33:9

Jeruthalem abï aa tëde miɛtëpiɔ̈u, ku riëëu, ku lɛcdï, ku juöör ke pinynɔm ëbɛ̈n abïk riɔ̈ɔ̈c ku lɛthë keek, të le kek kapiɛth cä luöi kɔc ke Jeruthalem lɔ piŋ, ku piŋkï kueth cä yiɛ̈n pänydït.”

Dhep 3:17

Bɛ̈nydït Nhialicdun atɔ̈u ke week, ku riɛlde ee we gäm tiëm. Abï piɔ̈u miɛt ke week arëët, ku tɔ week lɔ dïu në nhiëërde. Ku abï kit, ku mitpiɔ̈u ke week,

Luk 15:23

Ku jakï miɔɔr a lɔ jöt bɛ̈ɛ̈i bei miɔɔr cuai, ku näkkï, buk cuet, ku jɔku piɔ̈ɔ̈th miɛt!

Luk 15:32

Ee këpiɛth yen dɔl dɔl wok ku mitku piɔ̈ɔ̈th: wänmuuthë aacï thou, ku jɔ bɛ pïïr, aacï määr, ku beyë yök.”’

Luk 15:5

Na ëlë, të cï en e yök, ke jɔ tääu ë yeyeth, ke cï piɔ̈u miɛt.

Luk 15:9

Na ëlë, të cï en e yök, ke jɔ määthke cɔɔl kekë kɔc rɛ̈ɛ̈r në yen ëtök, ku lueel an, ‘Jakï piɔ̈ɔ̈th miɛt në yɛn ëtök, yɛn ë rial wën cä mɔ̈ɔ̈r yök!’

Jɔn 16:24

Aɣet cï ënɔɔnë acïn kë cäk lip në rinkï: yak lip, ke we bï aa miɔɔc, aguɔkï piɔ̈ɔ̈th miɛt abäk piɔ̈ɔ̈th a yum.

Jɔn 16:33

Kakë acä ke lɛ̈k week, ke we bï dɛ mät ë yayic. Në piny nɔm ke we bï dɛ këtuc ee we dhal: riɛtkï wepiɔ̈ɔ̈th tei! Yɛn ë piny nɔm tiaam.”

Jɔn 17:13

Ku ënɔɔnë, yɛn lɔ tëde yïn, ku yɛn luel kakë ë piny nɔm, ë luɔi bï kek cath ë miɛt de yɛnpiɔ̈u, abïk piɔ̈ɔ̈th a yum.

Jɔn 3:29

Raan thiak nyan lueelë thiëëkë, yen aye monythiëk: ku mɛ̈thë monythiëk, raan kääc ëtɛ̈ɛ̈n ku piŋ jamde, ee piɔ̈u miɛt aläl ë röl ë monythiëk: miɛt miɛt ɛn piɔ̈u kï, acï guɔ aa yic.

Romai 15:13

Ku ënɔɔnë, Nhialic de aŋäth ë week thiɔ̈ɔ̈ŋ piɔ̈ɔ̈th në miɛtëpiɔ̈u ëbɛ̈n kekë mät në gäm gäm wek, ke aŋäth ŋäth wek abï lɔ ke dït, në riɛl ë Wëidït ɣer.

2 Kor 1:24

Ku acie luɔi ee wok week cieŋ, wok ee kɔc ee week kony në miɛt bä we piɔ̈ɔ̈th miɛt: ee gämdun en a kääc wek.

Epethiei 5:18

Ku duökï röt ee tɔ wit mɔ̈u, ee mumënɔm bɛ̈ɛ̈i, yak röt tɔ thiäŋ ë Wëidït.

Pilipoi 1:25

Ku ŋïny ŋiɛc ɛn ee kake ëgɔk, yen a ŋiɛc ɛn en nɔn bän tɔ̈u, ku rɛ̈ɛ̈r wokë week wedhie, ke we bï lɔ tueŋ ku miɛtkï piɔ̈ɔ̈th ë gäm,

1 Theth 5:16

Yak piɔ̈ɔ̈th miɛt anandun,

1 Pet 1:8

Ee raan nhiaar, na cakaa yen ë kɛ̈nkï tïŋ: ku ye raan cäk gam, na cakaa yen ë cäkï woi guöp ënɔɔnë, aguɔkï piɔ̈ɔ̈th miɛt në miɛt cïï themë thok, ku de yic dhuëëŋ dït,

1 Jɔn 1:4

ku kakë kek agäärku, ke wo bï piɔ̈ɔ̈th miɛt abuk piɔ̈ɔ̈th ayum.

2 Jɔn 1:12

Yɛn de kajuëc duɛ̈ɛ̈r gäär week, ku yɛn cïn piɔ̈u gäär bän awerek gɔ̈ɔ̈r në miök ë gäär: ee bɛ̈n bän bɛ̈n tëde week, yen ŋääth, agoku jam ke wo tuum wonïïm, ke wo bï piɔ̈ɔ̈th a yum ë miɛtëpiɔ̈u.