Jɔn 15:1 - JAM DE NHIALIC 2011

¹ “Yɛn aye tim yic tim de enap, ku Wäär yen aye raan tit dom.

Jɔn 15:1 ပူးပေါင်းရင်းမြစ်များ

Diɛt ke 7:12

Wok bï röt dap jɔt miäk rial ku tïŋku enap, buk ke tïŋ na cïk luɔk gɔl, na moc gaak rɔt, ku nɔn cï tiim ke pomegraneet nyok. Ku yïn bä gäm nhiëërdï ëtɛ̈ɛ̈n.

Yith 4:2

Ade kööl bɔ̈, kööl bï Bɛ̈nydït tiim ee luɔk ë mïth piath ëbɛ̈n piny thiɔ̈ɔ̈ŋ tëdïït lääu, ku bïk yïth piath. Kɔc ke Yithriɛl cï döŋ apïr kedhie, abïk piɔ̈ɔ̈th miɛt ku yek kepiɔ̈ɔ̈th biɔ̈ɔ̈k në kɔ̈thiic kɔ̈th cï luɔk pinyden.

Yith 60:21

Kɔcku abïk këpiɛth aa looi, Ku abïk piny cieŋ aɣet athɛɛr, acä ke com, acä ke cak, bïk dïtdï nyuöth raan ëbɛ̈n.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Jeremia 12:10

Bäny juëc ke juöör kɔ̈k acïk domdï riɔ̈ɔ̈k, acïk duumkï duöm piny, acïk pinydiën piɛth tɔ ee jɔ̈ɔ̈r.

Jeremia 2:21

Yïn aa cä com ke yï ye enap cä lɔc, në kɔ̈th piɛth yiic. Ku tïŋ luɔi cï yïn tɔ̈u! Yïn cï ciët kë cï dhiäth, enap cïn naamde.

Edhekiɛl 19:10

Moor aa cït tim de enap cï com në nyin nɔm. Në biäk de yen pïïu juëc tim de enap acïï yïth ku mïth cï luɔk kuöm piny.

Ɣodh 10:1

Go Ɣodhiya lueel an, “Kɔc ke Yithriɛl aake cït tim de enap cï cuaar, ee mïth juëc bɛ̈ɛ̈i. Të cïï mïthke juëc, ayek yïïk juëc yïk. Ku të cïï pinyden luɔk arëët, ayek mën ke kurkɛn yaath yek lam jäm.

Dhek 3:8

Piŋ apiɛth Jocua, yïn bɛ̈nydïït ë kake Nhialic. Ku tɔ piŋ ë kɔc lui në yïn aya, kɔc cï ke tɔ nyooth ka bï bɛ̈n. Yɛn bï lïmdï bɛ̈ɛ̈i, lïm cɔl Këër.

Math 15:13

Go bɛ̈ɛ̈r an, “Wäl ëbɛ̈n wɛ̈ɛ̈l kënë piith ë wäär nu paannhial abï wöth bei kekë meeide.

Math 20:1

Ciɛɛŋ de paannhial athöŋ ke raan ee bɛ̈ny de baai, raan cï riɛɛl biic miäk ëtɛ̈ɛ̈n, le kɔc kɔɔr, kɔc bï luui ë wëu ë domde yic, dom ë tim cɔl enap.

Math 21:33

Piɛŋkï kääŋ däŋ an, “Raan anu ke ye bɛ̈ny de baai, na wën, ke pith dom ë tim cɔl enap, go geeu ë kal, ku wec të bï mɔ̈u aa dhiim thïn, ku yïk aloocdïït bäär, go kuɛ̈i kɔc bï en aa tiit, ku jɔ keny paan mec.

Mak 12:1

Go jam gɔl ke keek ë kääŋ: an, “Raan ë dom piith ë tim cɔl enap tim de mïth mit, go geeu ë rɔk, ku wec të bï mɔ̈u dhiim thïn, ku yïk aloocdïït bäär, go tääu ë kɔc cin kɔc bï dom aa tiit, ku jɔ keny paan mec.

Luk 13:6

Na wën, ke luel kääŋë aya an: “Ŋadï ade ŋaap cï com domde, na wën, ke bɔ̈ bï mïthke bɛ̈n kɔɔr, ku acïn kë cï yök.

Jɔn 1:17

Löŋ aa gëmë Mothe, ku dhuëëŋdepiɔ̈u ku yic aake bɔ̈ në Yecu Kërtho.

Jɔn 1:9

Ɣɛɛrëpiny yic ka, ɣɛɛrëpiny ë raan riaau ëbɛ̈n, raan ëbɛ̈n ë piny nɔm.

Jɔn 15:2

Këër nu ë yayic ëbɛ̈n këër reec luɔk, ka bïïyë bei: ku këër ëbɛ̈n këër ee luɔk, ka looi abï kɔ̈u piath, ke bï luɔk aläl.

Jɔn 6:32

Go Yecu ke yɔ̈ɔ̈k an, “Acie Mothe yen ë ye week gäm kuïnë, kuïn bɔ̈ paannhial, ee Wäär yen ee we miɔɔc ë kuïn yic bɔ̈ paannhial.

Jɔn 6:55

Rïïŋdï yen aye këcam yic, ku riɛmdï yen aye këdek yic.

Romai 11:17

Ku na cï këër kɔ̈k cak dhuöŋ bei, ku yïn, yïn ee këër ë olip ë cil roor, na cï yï cak tuɛɛl ë keyiic, abä cil we keek ëtök, ago rɔm we keek ëtök në cuai de tim de olip, kë bɔ̈ në meei yic.

1 Kor 3:9

Wok ee kɔc ë luui në Nhialic ëtök: wek ee dom ë Nhialic. Ku yak alooc de Nhialic.

1 Jɔn 2:8

Ku ye löŋ ë piac cak ayadäŋ en gäär week, löŋ yic ë yeyic ku weyiic, luɔi kɔɔr cuɔlëpiny jäl, ku jɔ ɣɛɛr yic de piny guɔ riau.