Jɔn 14:6 - JAM DE NHIALIC 2011

⁶ Go Yecu lueel an, “Yɛn aye kueer, ku yɛn aye yic, ku yɛn aye pïïr: acïn raan bɔ̈ tëde Wääda, të kën en tëëk tëde yɛn.

Jɔn 14:6 ပူးပေါင်းရင်းမြစ်များ

Math 11:27

Käŋ kedhie acï Wäär ke tääu ë yacin, ku acïn raan ŋic Wënde, ee Wäär etök, ayï Wäär acïn raan ŋic en, ee Wënde etök, ku raan nu ë Wënde piɔ̈u nɔn bï en ë nyuöth en.

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

Jɔn 1:17

Löŋ aa gëmë Mothe, ku dhuëëŋdepiɔ̈u ku yic aake bɔ̈ në Yecu Kërtho.

Jɔn 1:4

Yen aa de yic pïïr, ku pïïrë aaye ɣɛɛrëpiny ë kɔc.

Jɔn 10:28

aguɔ ke miɔɔc në pïïr athɛɛr, ku acïkï bï määr athɛɛr, ku acïn raan bï kek gɔ̈p bei ë yaciin.

Jɔn 10:7

Go Yecu ke bɛ yɔ̈ɔ̈k an, “Wek yɔ̈ɔ̈k ëyic an, Yɛn ee agäu thok, agäu ë thök.

Jɔn 10:9

Yɛn ee agäu thok: raan tëk le thïn në yɛn, ka bï kony wëi, go ya lɔ thïn ku le biic, ago wal aa yök.

Jɔn 14:19

Ë döŋ ke ye tëthiinakäŋ, ke kɔc ke piny nɔm ke ke cïï a bï bɛ tïŋ: ku wek ee ya tïŋ: pïïr piëër ɛn, yen abä wek pïïr aya.

Jɔn 15:1

“Yɛn aye tim yic tim de enap, ku Wäär yen aye raan tit dom.

Jɔn 18:37

Go Pilato thiëëc an, “Ka jɔ ya melik?” Go Yecu bɛ̈ɛ̈r an, “Ee yic yen luel, yɛn ee melik? Yen aa dhiëëthë yɛn, ku yen aa bä yɛn ë piny nɔm, luɔi bän aa cäätɔ de yic. Raan ëbɛ̈n raan cath ke yic ka piŋ röldï.”

Jɔn 5:21

Acït man ee Wääda kɔc cï thou jɔt, tɔ keek pïïr, yen aye këde Wënde aya, ee kɔc tɔ pïïr kɔc nu ë yenpiɔ̈u.

Jɔn 6:33

Kuïn ë Nhialic ee kë bɔ̈ piny paannhial, ku ye piny nɔm gäm pïïr.”

Jɔn 6:51

Yɛn ee kuïn ë pïïr kuïn ë bɔ̈ piny paannhial: të ciɛmë raan ee kuïnë, ka bï pïïr athɛɛr: yeka, kuïn bä gam en ee rïïŋdï, rïïŋ bä gaam në këde pïïr bï kɔc pïïr kɔc ke piny nɔm.”

Jɔn 6:57

Acït Wääda, Raan pïïr, acït man cï en a tooc, ku ya pïïr në Wääda, yen acït pïïr ee raan ë ya cam pïïr ë yen aya.

Jɔn 6:68

Go Thimon Petero puk nɔm an, “Bɛ̈nydït, buk lɔ tëde ŋa? Yïn cath wekë wël ke pïïr athɛɛr.

Jɔn 8:32

ku we bï yic ŋic, ku yic abï we lony.”

Jɔn 8:51

Wek yɔ̈ɔ̈k ë yic an, të dötë raan wëlkï, ka cïï thuɔɔu bï tïŋ anande.”

Luɔi 3:15

Bɛ̈nydït ë Wëi acäk nɔ̈k, raan cïï Nhialic jɔ̈t bei ë kɔc cï thou yiic, ku wok ee cäätɔɔ në cöökë.

Luɔi 4:12

Ku kunydewëi aliu në raan däŋ: ku acïn rin kɔ̈k ë pinynɔm, rin cï gäm kɔc, rin bï wo dhil kony wëi në keek.”

Luɔi 9:2

le ku kɔɔr awereek tëde yen awereek bï gäär kɔc ke ɣööt ke Nhialic ë Damathko an, të de yen kɔc cï yök kɔc cath ee Kueerë, nɔn ee kek röör, ku nɔn ee kek diäär an, bï ke bɛ̈ɛ̈i Jeruthalem, ke ke mac.

Romai 15:16

Ke yɛn bï aa raan ë Yecu Kërtho luööi ë Juöör yiic, raan ë wëlpiɛth ke Nhialic luöi keek, ke gäm cï Juöör gäm Nhialic ke bï aa läm mit ë Nhialic piɔ̈u, läm cï tɔ piɛth në Wëidït ɣer.

Romai 5:2

Raan cï wo liëp kueer le wook ë dhuëëŋic dhuëëŋ tɔ̈u wok thïn ënɔɔnë, në gäm cï wok gam, agoku piɔ̈ɔ̈th miɛt në ŋäth ŋɛ̈ɛ̈th wok dhuëëŋ de Nhialic.

Romai 5:21

luɔi bï dhuëëŋdepiɔ̈u piny cieŋ ayadäŋ në piathëpiɔ̈u aɣet pïïr athɛɛr në Yecu Kërtho Bɛ̈nydïïtda, cït man cï ciɛɛŋ cieŋë kërac piny aɣet thuɔɔu.

1 Kor 15:45

Yen aa gɛ̈ɛ̈rë ë yen aya an, “Adam raan tueŋ acï aa piɔ̈n pïïr.” Ku Adam raan ciëën acï aa wëi, wëi ë kɔc tɔ pïïr.

Epethiei 2:18

ku në yen, wook waarou wo duëër röt cuöt Wääda në Wëi tök.

Kolothai 2:17

Kakë ayek atiëp de ka bï bɛ̈n, ku guöp ee këde Kërtho.

Kolothai 2:9

Yen aye raan rëërë kuɛth ë Nhialic ëbɛ̈n ë yeguöp.

Kolothai 3:4

Miäk, të tïcë Kërtho pïïrda, ke we bï tïc aya në yen ëtök ë dhuëëŋic.

Ɣeberuu 7:25

Ku ënɔɔnë alëu Yen luɔi bï Yen kɔc ee bɛ̈n tëde Nhialic në kueerde aa cool ë kony En keek, ku Yen arɛ̈ɛ̈r ke pïïr ë Nhialic lɔ̈ɔ̈m aɣet athɛɛr.

Ɣeberuu 9:8

Ku në kakë yiic kedhie, acïï Wëidït ɣer nyuöth wook në këde kueer lɔ Tëɣeric aläl nu paannhial an, aa kënë guɔ liëp thok wook, në biäk ŋoot ë paany ye Nhialic lam në kueer ë löŋ thɛɛr ke kääc.

1 Pet 1:21

wek kɔc cï Nhialic gam në yen, Nhialic wään jɔt en nhial ë kɔc cï thou yiic, ku jɔ gäm dhuëëŋ, ke gämdun ku aŋäthdun ke ke bï aa tɔ̈u ë Nhialic.

1 Pet 2:4

Ee kuur pïïr, kuur cïï kɔc rɛɛc ë liŋliŋ ë yic, ku ye kuur ë lɔc Nhialic, aye kuur de naamde, ku na bäkï të nu yen.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,

1 Jɔn 1:8

Të luel wok en, an, cïn kërɛɛc cath ke wook, ke wok ee röt math, ku acïn yic cath ke wook.

1 Jɔn 2:23

Raan ëbɛ̈n raan jai ë Wënde, ka Wääda acïï cath ke yen aya: ku raan gam Wënde, ka cath ke Wääda aya.

1 Jɔn 5:20

Ku aŋicku nɔn cï wën ë Nhialic bɛ̈n, bï ku gɛ̈m wook ŋïnydekäŋ, buk raan yic ŋic, ku wok tɔ̈u ë raan yicic, yen aye Wëndɛn Yecu Kërtho. Nhialic yic kï, ku pïïr athɛɛr ka.

1 Jɔn 5:6

Kënë ee raan ë bɔ̈ në pïïu kekë riɛm, yen aye Yecu Kërtho, aa cïï bɔ̈ në pïïu kapäc, ee pïïu ku riɛm.

2 Jɔn 1:9

Raan ëbɛ̈n raan ë löŋ wööc, ku reec rëër ë wëët de Kërthoyic, ka cïn nɔm Nhialic: ku raan ee rëër ë wëët de Kërthoyic, yen ade nɔm Wääda ku Wënde aya.

Nyuuth 1:5

ku në kë bɔ̈ tëde Yecu Kërtho, ee cäätɔ adöt, ku ye raan cï dhiëëth ke ye kɛ̈ɛ̈i ë kɔc cï thou yiic, ku ye Bɛ̈nydïït nu ë Meliik ke piny nɔm nïïm. Raan ë wo nhiaar, ago wo waak në karɛckuɔ në riɛm de yenguöp,

Nyuuth 19:11

Na wën, ke ya tïŋ paannhial aɣɔ̈ɔ̈r, na wën, ke jöŋgör akuur tul, ku raan rɛ̈ɛ̈r ë yekɔ̈u, acɔl Adöt ku cɔl Yic, ku ee piathëpiɔ̈u yen aye löŋ guiir ku yen aye tɔŋ lɛɛr.

Nyuuth 20:15

Ku na de raan cï yök akënë gɔ̈ɔ̈r ë awerek de pïïric, ke cuɛtë baar ë macic.

Nyuuth 22:1

Na wën, ke tunynhial nyuth ɛn kiir ë pïïu ke pïïr, kiir ee pïïuke lɔ kïr cït man ë kuruthalo, ke bɔ̈ bei ë thöönydïtic thöönydïït ë Nhialic kekë Nyɔŋamääl, tëëk ë kueerdeyic cil.

Nyuuth 22:17

Wëidït ku Nyɔŋamääl aluelkï, an, “Bä!” Ku raan pïŋ, ë lueel, an, “Bä!” Ku raan cï yal, ë bɔ̈, ayï raan de piɔ̈u keek, ë nöm pïïu ke pïïr youyou.

Nyuuth 3:14

Ku gäär tunynhial de ɣööt ke Nhialic nu Laodikia alë: Kakë aluel Amiin keek, en aye cäätɔ adöt ku ye yic, gɔl ë cäŋ ë ciɛkë Nhialic käŋ:

Nyuuth 3:7

Ku gäär tunynhial de ɣön ë Nhialic nu Piladelpia alë: Kakë aluel raan ɣeric keek, raan yic, raan cath ke mukthäär ë Debid, raan ee ɣöt tueer, ku cïn raan bï e thiöök, ku ye ɣöt thiöök, ku cïn raan bï e tueer: