Jɔn 14:28 - JAM DE NHIALIC 2011

²⁸ Acäk piŋ nɔn cän e lɛ̈k week an, ‘Yɛn jël, ku yɛn bï lɔ bɛ̈n tëde week.’ Tëë we nhiaar ɛn, adï cäk piɔ̈ɔ̈th miɛt, nɔn cän e lueel an, ‘Yɛn lɔ tëde Wäär.’ Wäär awär ɛn e dït.

Jɔn 14:28 ပူးပေါင်းရင်းမြစ်များ

Diɛt 68:18

Yïn cï lɔ nhial në kuur bäär nɔm ya, ku jɔt kɔc juëc cï peec ku gam miɔ̈c tëde keek, ayï kɔc reec Yïn. Bɛ̈nydït Nhialic abï rɛ̈ɛ̈r ëtɛ̈ɛ̈n.

Diɛt 68:9

Yïn ee deŋ tɔ tueny youyou, ku tɔ pinyduön ë cï yal dëk,

Yith 42:1

Aye Bɛ̈nydït lueel an, “Awundï kï, raan cä gäm riɛl raan cä lɔc, raan miɛt ɛn piɔ̈u wo yen, acä thiɔ̈ɔ̈ŋ në wëikï, ku abï löŋ ŋiëc guiëër juöör ëbɛ̈n.

Yith 53:11

Na cï pïïr de guöm thök, abï piɔ̈u bɛ miɛt, abï ŋic nɔn kën Yen gum në ɣɔ̈ric. Awundiën cï rɔt gam, miɛt ɛn piɔ̈u we yen, abï këtuc de kɔc juëc ɣääc ku në biäkde abä keek päl karɛcken.

Math 12:18

“Tiëŋkï awundï, raan cä lɔc, Mɛnhdiën nhiaar, yɛn mit piɔ̈u wokë yen, Wëikï abä ke tääu ë yeguöp, ku abï löŋ yic guiëër juöör.

Jɔn 10:38

Ku të luɔɔi ɛn en, ciɛk an, rɛɛckï ya gam, ke we gam luɔi, ke bäk ŋic, ku gamkï, nɔn nu Wäär ë yayic, ku nuö ë yeyic.”

Jɔn 13:16

Wek yɔ̈ɔ̈k ë yic an, lïm acïï bɛ̈nyde ee wöör ë dït, ayï raan cï tooc, acïï raan ë toc en wär.

Jɔn 14:12

Wek yɔ̈ɔ̈k ëyic an: Raan gam ɛn, ke ka luɔɔi abï keek aa looi ayadäŋ, acakaa luɔi wär ee kakë abï keek aa looi, luɔi la yɛn tëde Wääda.

Jɔn 14:18

“We cä bï nyääŋ piny ke we ye abɛɛr: yɛn bï lɔ bɛ̈n tëde week.

Jɔn 16:7

Ku ee yic en lɛ̈k week ayadäŋ an, jäl jäl ɛn ade naamde tëde week: na cä jël, ke Raan ee kɔc riit piɔ̈ɔ̈th acïï bï bɛ̈n tëde week, ku të jäl ɛn, abä tuöc week.

Jɔn 20:17

Go Yecu yɔ̈ɔ̈k an, “Du ya jak guöp, yɛn ŋoot ke yɛn kën lɔ nhial tëde wäär. Jɔ lɔ tëde wɛ̈ɛ̈tamäthkuɔ, lɛ̈kë keek, an, Yɛn lɔ nhial tëde Wäär, ku ye Wuöördun, ku la tëde Nhialicdï, ku ye Nhialicdun.”

Jɔn 20:21

Go Yecu ke bɛ yɔ̈ɔ̈k an, “Ë mät tɔ̈u ke week, cït man cï Wäär a tooc, yen atuɔɔc ɛn week aya.”

Jɔn 5:18

Yen akɔɔr Judai luɔi nɛ̈k kek en, acie luɔi cï en kööl ë Thabath rɛɛc theek etök, ee luɔi cï en Nhialic tɔ ye Wun aya, ago rɔt thɔ̈ɔ̈ŋ kekë Nhialic.

Jɔn 7:33

Go Yecu lɛ̈k keek, an, “Ë döŋ ke ye tëthiinakäŋ ke ya rɛ̈ɛ̈r wo week, ku bä jɔ lɔ tëde raan ë toc ɛn.

1 Kor 11:3

Ku yɛn de piɔ̈u luɔi bä wek e ŋic, nɔn ee yen Kërtho yen ee nɔm de moc ëbɛ̈n, ku nɔm de tik yen aye moc, ku nɔm de Kërtho yen aye Nhialic.

1 Pet 1:8

Ee raan nhiaar, na cakaa yen ë kɛ̈nkï tïŋ: ku ye raan cäk gam, na cakaa yen ë cäkï woi guöp ënɔɔnë, aguɔkï piɔ̈ɔ̈th miɛt në miɛt cïï themë thok, ku de yic dhuëëŋ dït,

Nyuuth 1:11

röl luel en an, “Yɛn ee Tueŋ ku ya Ciëën: Gäär kë cï tïŋ ë awerekic, ku tɔ yïnë ɣööt ke Nhialic nu Athia kadhorou: Epetho, ku Thumurna, ku Pergamo, ku Thuatira, ku Thardith, ku Piladelpia, ku Laodikia.”