Jɔn 14:27 - JAM DE NHIALIC 2011

²⁷ “Mät en anyäŋ week, mändï en agäm week: miɔ̈c miaac ɛn week, acïï cït man ë miɔ̈c ee kɔc ke piny nɔm we miɔɔc. Duökï wepiɔ̈ɔ̈th tɔ jeth, ku duökï wepiɔ̈ɔ̈th tɔ riɔ̈c.

Jɔn 14:27 ပူးပေါင်းရင်းမြစ်များ

2 Lëk 20:30

go melik Jeɣocapat bääny muk në mätic, ku jɔ ë Nhialic gäm rëër lɔ diu në ɣään kedhie.

Jop 34:29

Na cïï Nhialic lueel bïï ciën kë looi taitai, acïn raan duëër En yiëk yeth gääk. Të wel En enyin wei në raan nɔn ee jur aduëër ciën riɛl.

Diɛt 11:1

Yɛn ŋäth kuɔɔny tëde Bɛ̈nydït. Ee dhɔ̈ɔ̈n cït ŋö kë yïn e lɛ̈k ɛn an, “Pär ke yï lɔ ë kur nïïm cït man ë dit,

Diɛt 112:7

Acie riɔ̈ɔ̈c në piŋ de thoŋ rac, në biäk ril ë gämde, ku aŋäth Bɛ̈nydït.

Diɛt 27:1

Bɛ̈nydït ee ɣɛɛrdï ku ee konydï, acïn raan duɛ̈ɛ̈r ɛn bɛ riɔ̈ɔ̈c. Bɛ̈nydït yen aye yɛn gël ë kërac ëbɛ̈n, yɛn cïï bï kɔn riɔ̈ɔ̈c.

Diɛt 28:3

Du ɛn lui këtuc wo kɔc rac, kɔc ee karɛc looi, ayek këpiɛth lueel ë kethook, ku thiëŋkï piɔ̈ɔ̈th në män.

Diɛt 29:11

Bɛ̈nydït ee kɔcke gäm riɛl, Bɛ̈nydït ee kɔcke thieei në mät.

Diɛt 56:11

Ee Nhialic Yen bä ŋɔ̈ɔ̈th, yɛn cïï bï riɔ̈ɔ̈c. Eeŋö duëër ë raan luöi yɛn?

Diɛt 56:3

Të cän riɔ̈ɔ̈c, Bɛ̈nydït Awärjäŋ, ee yïn ya ŋɔ̈ɔ̈th.

Diɛt 72:2

Ago kɔcku muk në piathëpiɔ̈u ku muk kɔc yɔŋ keek në yic.

Diɛt 72:7

Tɔ piathëpiɔ̈u dït në akööl ke pïïrde yiic ku tɔ kuɛth tɔ̈u në pɛ̈i yiic ëbɛ̈n.

Diɛt 85:10

Nhiëër agɔk ku piɔ̈n adöt abïk mat, ku piathëpiɔ̈u kekë mät abïk kethook ciim,

Diɛt 91:5

Acïn kërɛɛc bï yïn riɔ̈ɔ̈c wakɔ̈u ayï wiɛth ke dhaŋ ee päär ëthiäu aköl,

Kɛ̈ŋ 3:25

Du riɔ̈c në riääk duëër rɔt tɛ̈ɛ̈m ëthiäu, riääk cït riääk ee kɔc ë karɛc looi yök cït man amaŋ.

Yith 12:2

Nhialic ee konydï, abä ŋɔ̈ɔ̈th ku cä riɔ̈c. Bɛ̈nydït Nhialic ee ya gäm gök de riɛl, Yen ee konydï

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Yith 41:14

Aye Bɛ̈nydït lueel an, “Cakaa nɔn koor yïn ku kɔ̈c wäkya, Yithriɛl, duökï riɔ̈ɔ̈c, wek bä ke kony, Yɛn Nhialic Ɣeric de Yithriɛl, Ee Yɛn ee kɔc kony.

Yith 54:13

“Yɛn guöpdï Yɛn bï kɔcku wɛ̈ɛ̈t, ku gäm keek kuɛth ku mät.

Yith 55:12

“Yïn bï Babilon nyääŋ piny ke yï mit piɔ̈u, yïn bï lɛɛr biic në pänydïtic në mät. Kur dït ku kur kor abïk wou ke ke ket diɛt, ku tiim abïk dɔl në miɛtëpiɔ̈u.

Yith 57:19

Yɛn cï mät gäm raan ëbɛ̈n, kɔc thiɔ̈k ku kɔc mec. Yɛn bï kɔckï tɔ waar.

Yith 9:6

Wok cï dhiëth meth! Wok cï gäm mɛwä! Ku yen abï aa bɛ̈nyda. Abï aa cɔɔl an, “Këdïït ë gäi, Mony riit kɔc piɔ̈ɔ̈th,” “Nhialic Awärjäŋ” “Wäärdan Athɛɛr” “Bɛ̈ny de Mät.”

Jeremia 1:8

Du riɔ̈c në keek, Yɛn bï tɔ̈u wo yïn ke yï gɛ̈l. Acä lueel Yɛn Bɛ̈nydït!”

Dhiëëu 3:17

Yɛn cï nɔm määr në pialëguöp ku mät ku miɛtëpiɔ̈u.

Edhekiɛl 2:6

“Ku yïn an, mɛnh ë raan, yïn cïï bï riɔ̈ɔ̈c në keek, ku nɔn riɔ̈c në kë bïk lueel. Keek abïk yïn läät ku abïk yïn biɔn guöp, yïn bï ciët raan rɛ̈ɛ̈r ë manciëëi yiic. Ku ŋuɔɔtë ke yï cïï riɔ̈c në keek, kek kɔc ril nïïmkë ku nɔn yen kë bïk lueel.

Danyel 4:1

Go melik Nebukadnedhar thoŋë tuöc kɔc ke wuöt ëbɛ̈n ku juöör, ku thook ëbɛ̈n nu ë piny nɔm: “Wek cä thiëëc!

Danyel 6:25

Na wën ke melik Dariouth ë gɛ̈ɛ̈r awerek juöör ëbɛ̈n ku kɔc ëbɛ̈n ku thook ëbɛ̈n ë piny nɔm an, “Wek cä thiëëc!

Dhek 6:13

Ee yen abï Luaŋdït bɛ yïk, ke bï dhuëëŋ guöp cï melik, ku abï nyuc në thööny nɔm ke ye bɛ̈ny de kɔcke. Ku bɛ̈ny de kake Nhialic abï ya tɔ̈u në yelɔ̈ɔ̈m. Ku abïk dɛ rëër lɔ dïu në kaamden kaarou.’

Kuɛ̈n 6:26

Bɛ̈nydït abï yï dhuëëŋ guöp, ku tɔ yïn mät.

Math 10:26

Yen duö wek ee riɔ̈ɔ̈c ë keek, acïn kë cï kum, ke cïï bï liep nɔm, ku acïn kë cï moony, ke cïï bï ŋic.

Luk 1:79

Bï aa many ë kɔc riaau kɔc rɛ̈ɛ̈r tëcol ku rëërkï atïptïïp ë thuɔɔuwic, Ago wo dak cök ë kueer ë mätic.”

Luk 10:5

Ku ɣön bä wek lɔ thïn ke jakï kɔn lueel an, ‘Ë mät tɔ̈u ke ɣönë.’

Luk 12:4

“Ku wek yɔ̈ɔ̈k, wek määthkï an, duökï ee riɔ̈ɔ̈c ë kɔc näk kɔc gup abïk thou, ku acïn däŋ bïk bɛ lëu.

Luk 2:14

“Ë dhuëëŋ tɔ̈u kekë Nhialic tënhial ya, ku tɔ̈u rëër piɛth ë piny nɔm, ku miɛtëpiɔ̈u ë kɔc yiic!”

Jɔn 14:1

Go Yecu lɛ̈k keek an, “Duökï wepiɔ̈ɔ̈th tɔ jeth, we ye Nhialic gam, gamkï yɛn ayadäŋ.

Jɔn 16:33

Kakë acä ke lɛ̈k week, ke we bï dɛ mät ë yayic. Në piny nɔm ke we bï dɛ këtuc ee we dhal: riɛtkï wepiɔ̈ɔ̈th tei! Yɛn ë piny nɔm tiaam.”

Jɔn 20:19

Na ɣɔn thëën, ë köölmanë guöp, yen aye kööl tueŋ ë akööl kadhorou yiic, të cï ɣöt gäär, ɣön cï kɔcpiööcë guëër thïn, në riɔ̈ɔ̈c riɔ̈ɔ̈c kek ë Judai, ke Yecu bɔ̈ ku kɛ̈ɛ̈c ë ciɛɛlic, yöök keek, an, “Ë mät tɔ̈u ke week.”

Jɔn 20:21

Go Yecu ke bɛ yɔ̈ɔ̈k an, “Ë mät tɔ̈u ke week, cït man cï Wäär a tooc, yen atuɔɔc ɛn week aya.”

Jɔn 20:26

Na wën, aacï nïn aa bɛ̈t, ke kɔckɛn ë piööcë ke ke be guëër ɣöt, ku nu Thoma kekë keek. Na wën, ke Yecu bɔ̈, ku ɣöt acï gäär, bïï ku kɛ̈ɛ̈c ë ciɛɛlic, lueel an, “Ë mät tɔ̈u ke week.”

Luɔi 10:36

Jam cïï Nhialic tuöc kɔc ke Yithriɛl, ke guiir mät në Yecu Kërtho, yen aye Bɛ̈nydït nu ë kɔc nïïm kedhie.

Luɔi 18:9

Ku yöök Bɛ̈nydït Paulo wakɔ̈u ke ee nyuöth an, “Du riɔ̈c, ye wël guiir, du mim,

Romai 1:7

Wek kɔc nu Roma wedhie, kɔc nhiɛɛr Nhialic, ku cï we cɔɔl, bäk aa kɔc ɣerpiɔ̈ɔ̈th. Ë dhuëëŋdepiɔ̈u tɔ̈u ë weyiic kekë mät, ë ke bɔ̈ tëde Nhialic Wääda kekë Bɛ̈nydït Yecu Kërtho.

Romai 15:13

Ku ënɔɔnë, Nhialic de aŋäth ë week thiɔ̈ɔ̈ŋ piɔ̈ɔ̈th në miɛtëpiɔ̈u ëbɛ̈n kekë mät në gäm gäm wek, ke aŋäth ŋäth wek abï lɔ ke dït, në riɛl ë Wëidït ɣer.

Romai 5:1

Ku ënɔɔnë, nɔn cï wo tɔ piɛthpiɔ̈ɔ̈th në gäm, wok cï mat ë Nhialic në Bɛ̈nydan Yecu Kërtho.

Romai 5:10

Të cï wo määt në Nhialic në thon cï Wënde thou, ke wo ŋoot ë wo ye kɔc de ater, na ënɔɔnë, nɔn cï wo guɔ määt, ke kuny bï ë wo kony në pïïr pïïr en, yen apiɔl awär ee kënë arëët.

Romai 8:6

Täŋ ee raan ka ke guöp tak yen aye thuɔɔu, ku täŋ ee raan ka ke Wëi tak yen aye pïïr ku ye mät.

1 Kor 1:3

Ë dhuëëŋdepiɔ̈u tɔ̈u ë weyiic ayï mät, ë ke bɔ̈ tëde Nhialic Wääda kekë Bɛ̈nydït Yecu Kërtho.

Galatai 1:3

Ë dhuëëŋdepiɔ̈u kekë mät ë ke tɔ̈u në week, në ke bɔ̈ tëde Nhialic Wääda, ku Bɛ̈nydan Yecu Kërtho.

Galatai 5:22

Ku ka cï luɔk ë Wëidït, kek aye nhiëër, miɛtëpiɔ̈u, mät, guöm de kajuëc, ŋiëc rëër ëmääth, dhuëëŋ, dön ë käŋ,

Galatai 6:16

Ku kɔc kedhie, kɔc ee mat ë cöökë, ë mät ë ye tɔ̈u ke keek ayï kokdepiɔ̈u, ku ë ke tɔ̈u në Yithriɛl de Nhialic!

Pilipoi 4:7

Ku män Nhialic, män ee kɔc dhal ë ŋïc kedhie, abï week gël piɔ̈ɔ̈th ku gël ka yak tak ë Kërtho Yecuyic.

Kolothai 1:2

Awerek en gɛ̈ɛ̈rku kɔc ɣerpiɔ̈ɔ̈th ku mïthëkɔckuɔn adööt ë Kërthoyic kɔc nu Kolothai: Ë dhuëëŋdepiɔ̈u ë tɔ̈u ke week ayï mät, në ke bɔ̈ tëde Nhialic Wääda kekë Bɛ̈nydït Yecu Kërtho.

Kolothai 1:20

ago käŋ tɔ luukë kedhie në yen, në luɛl cï en mät lueel në riɛm de timdɛn cï rïïu nɔm, nɔn ee kek ka nu ë piny nɔm, ku nɔn ee kek ka nu paannhial, ee Wënde yen aa luuk ke.

Kolothai 3:15

Yak män ë Kërtho tɔ rɛ̈ɛ̈r ë löŋ nɔm ë wepiɔ̈ɔ̈th, yen ee cɔ̈t ë cɔɔlë week në guöp tökic, ku yak dap lueel an, thieithieei.

2 Theth 1:2

Ë dhuëëŋdepiɔ̈u tɔ̈u kekë week ayï mät, në ke bɔ̈ tëde Nhialic Wääda ku Bɛ̈nydan Yecu Kërtho.

2 Theth 3:16

Ku ënɔɔnë, Bɛ̈nydïït de mät, yenguöp, ë ye week gäm mät anandun në käŋ yiic kedhie. Ë Bɛ̈nydït ë ye tɔ̈u ke week wedhie.

2Tim 1:7

Nhialic akën wo gäm piɔ̈n ë riɔ̈ɔ̈c, ee piɔ̈n ë riɛldït, ku nhiëër, ku pɛlënɔm, en aa gëm wook.

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

Ɣeberuu 7:2

Abraɣam acï töŋ thiëër ë käŋ kedhie bɛ̈n gäm en, ka wään puk nïïm tɔŋ. Ke lueel ë rin ke Melkidhedek “Ee meliŋ de piathëpiɔ̈u” ku në luɔi yen meliŋ de Thalem, kë lueel rinke Thalem ee mät.

Nyuuth 1:4

Yɛn Jɔn, awerek en gäär ɣööt ke Nhialic kadhorou nu Athia: Ë dhuëëŋdepiɔ̈u ë ye tɔ̈u ke week, ku mät, në ke bɔ̈ tëde Raan nu, ku aa nu, ku abï bɛ̈n, ku në kë bɔ̈ tëde Wëi kadhorou Wëi nu ë thöönyde nɔm,

Nyuuth 2:10

Du riɔ̈c ëtaitai në ka bä guum. Tïŋ, jɔŋdït rac akɔɔr luɔi bï en kɔc kɔ̈k ë weyiic cuat ë aloocic, luɔi bï we them, ku we bï këtuc dhal week yök ë nïn kathiëër. Ee gämdu döt a thou yïn, ke yïn bä miɔɔc nɔm ë göl ë pïïr.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”