Jɔn 14:26 - JAM DE NHIALIC 2011

²⁶ Ku Raan ee kɔc muk piɔ̈ɔ̈th, yen aye Wëidït ɣer, Wëi bïï Wäär tooc në rinkï, yen abï we wɛ̈ɛ̈t ë këriëëc ëbɛ̈n, ago we tɔ tak wenïïm ë ka cä lɛ̈k week kedhie.

Jɔn 14:26 ပူးပေါင်းရင်းမြစ်များ

Diɛt 51:11

Du ya nyiɛɛi në Yïlɔ̈ɔ̈m, du Wëidïtkuön ɣer jɔt tëde yɛn.

Yith 54:13

“Yɛn guöpdï Yɛn bï kɔcku wɛ̈ɛ̈t, ku gäm keek kuɛth ku mät.

Yith 63:10

ku acïk bɛ̈n rɛɛc ku tɔkï wëidït ɣerke göth. Ago Bɛ̈nydït ja aa raan de aterden ku thɛ̈ɛ̈r ke keek.

Math 1:18

Dhiënh ë dhiëëthë Yecu Kërtho kï: Thiëŋ de Meri man acï kɔn lueel kekë Jothep, na wën, aŋootkï ke ke kën guɔ rëër ëtök, ke yök ade yic meth në këde Wëidït ɣer.

Math 1:20

Ku të ŋoot en ke ciët ee kakë ë yepiɔ̈u, dï, ke tunynhial ë Bɛ̈nydït tul tëde yen ke ee nyuöth, lueel an, “Jothep, wën ë Debid, du riɔ̈c ë luɔi bï yïn Meri nööm bï aa tiiŋdu, kë cï yök ë yeyäc ee Wëidït ɣer kek aa dhiëth en.

Math 28:19

Yen la wek, lak juöör aa wɛ̈ɛ̈t kedhie, abïk a kɔcpiööcë, ku luöikï keek baptith në rin ke Wäärda, ku Wënde, ku Wëidït ɣer,

Math 3:11

Yɛn dï, wek a baptith ë pïïu tei në këde puŋëpiɔ̈u, ku raan bɔ̈ ë yacök ee raan ril ë yɛn, yɛn cïï röŋ luɔi bän wɛɛr ke yencök muk, yen abï we baptith në Wëidït ɣer ku në mac,

Mak 12:36

Debid guöp acï lueel në Wëidït ɣer an, ‘Bɛ̈nydït acï Bɛ̈nydiëndït yɔ̈ɔ̈k an, Nyuc ë baŋ cuënydï, aɣet të bän kɔc dɛ wek ater tɔ ye kɔm ee yïn yïcök dhɔ̈ɔ̈r.’

Mak 13:11

Ku të ye kek week thel, leerkï week ë löŋ nɔm, ke we duökï diɛɛr ë kë bäk lueel: ku jam ëbɛ̈n jam bï gäm week ë thaarë yen abäk lueel: acie wek bï jam, ee Wëidït ɣer kek bï jam.

Luk 1:15

Abï dït ë Bɛ̈nydït nyin, ku acïï bï aa dek ë mɔ̈n tuc ayï mɔ̈u ëbɛ̈n, ku abïï Wëidït ɣer thiɔ̈ɔ̈ŋ piɔ̈u ë kööl dhiëëthëye.

Luk 1:35

Go tunynhial bɛ̈ɛ̈r, yöök an, “Wëidït ɣer abïk yï lɔ̈ny, ku riɛl ë Nhialic Awärjäŋ abï yï kuöm piny: ago këɣeer bä dhiëëth ago cɔl Wën ë Nhialic.

Luk 1:41

Na wën, aacï Elithabeth thiëc de Meri piŋ, ke meth jɔt rɔt ë yeyäc, go Elithabeth thiäŋ ke Wëidït ɣer:

Luk 1:67

Go Dhekaria wun go thiäŋ ke Wëidït ɣer, ku jɔ wël guiir an:

Luk 11:13

Ku të ŋiɛc wek mïthkun miɔɔc në kapiɛth, wek kɔc rac, na Wuöörduön nu paannhial cïï kɔc lip en bï dhil miɔɔc në Wëidït ɣer!”

Luk 2:25

Ku ade raan nu Jeruthalem, cɔl Thimion, raanë apiɛthpiɔ̈u, ee Nhialic riëëu, ku ye muŋ bï Yithriɛl muk piɔ̈u tiit, ku tɔ̈u Wëidït ɣer në yen.

Luk 24:49

Ku tiëŋkï, wek tuöc kë cïï wäär lueel an, bï gam: ku week, jakï rëër ë pänydït Jeruthalem, aɣet të bï we piɔ̈th në riɛldïït bɔ̈ nhial.”

Luk 3:22

go Wëidït ɣer lööny ë yeguöp, ke cït guöp guuk, ku bɔ̈ röl paannhial, röl lueel en an, “Yïn ee Wëndiën nhiaar, yɛn mit piɔ̈u wokë yïn arëët.”

Jɔn 1:33

Ku aa kuöc guöp: ku raan ë toc ɛn bä kɔc bɛ̈n baptith në pïïu, yen aa lëk e yɛn an, ‘Raan bä tïŋ abï Wëidït piny bïk ku rëërkï ë yenɔm, yen aye raan bï kɔc aa baptith ë Wëidït ɣer.’

Jɔn 12:16

Kakë akënë kɔckɛn ë piööcë ke yök yiic wään tueŋ: na wën, acï Yecu dhuëëŋde guɔ yök, yen aa jɔ kek kenïïm tak, nɔn cï kakë gɔ̈ɔ̈r në këde, ku nɔn cï kɔc kakë luöi yen.

Jɔn 14:16

Ku yɛn bï Wääda lip, ka bï we gäm Raan däŋ Raan ee kɔc riit piɔ̈ɔ̈th, bï aa rëër ke week athɛɛr,

Jɔn 14:25

Kakë acä ke lɛ̈k week, të ŋuɔɔt ɛn ke ya rɛ̈ɛ̈r wo week.

Jɔn 15:26

Ku Raan ë kɔc riit piɔ̈ɔ̈th, Raan bä tuöc week në Wäär lɔ̈ɔ̈m, yen aye Wëi yic, Wëi ë bɔ̈ bei ë Wäär lɔ̈ɔ̈m, të cï en bɛ̈n, ka bï aa cäätɔdï.

Jɔn 16:7

Ku ee yic en lɛ̈k week ayadäŋ an, jäl jäl ɛn ade naamde tëde week: na cä jël, ke Raan ee kɔc riit piɔ̈ɔ̈th acïï bï bɛ̈n tëde week, ku të jäl ɛn, abä tuöc week.

Jɔn 2:22

Na ɣɔn acï rɔt guɔ jɔt ë kɔc cï thou yiic, go kɔckɛn ë piööcë agokï tak nɔn cï en kënë lɛ̈k keek, gokï këcïgɔ̈ɔ̈r gam, ayï jam wään cïï Yecu lueel.

Jɔn 20:22

Na wën, aacï kënë lueel, ke jɔ wëi ë kegup, ku yöök keek an, “Nämkï Wëidït ɣer.

Jɔn 6:45

Ë gɔ̈ɔ̈r ë tït an, ‘Kɔc abïï ke wɛ̈ɛ̈t ë Nhialic kedhie.’ Ago raan ëbɛ̈n raan cï käŋ piŋ tëde Wääda, ku cï wëët, go bɛ̈n tëde yɛn.

Jɔn 7:39

Aa luel ee kënë në këde Wëidït, Wëi bïï kɔc gam en lɔ̈ɔ̈k nööm, Wëidït aake ŋoot ke ke kënë guɔ gam, luɔi ŋootë Yecu ke kënë guɔ gäm dhuëëŋ.

Luɔi 1:2

aɣet kööl cï e jat nhial, të cï en tuuc cï lɔc kɔn yiɛ̈n thön në Wëidït ɣer:

Luɔi 1:4

Na wën, aa cïk guëër, ke ke yöök an, “Duökï jël ë Jeruthalem, tiɛtkï kë cïï wäär lueel an, bï gäm week, kë cäk piŋ tëde yɛn.

Luɔi 1:8

Ku we bï riɛl yök, të cï Wëidït ɣer bɛ̈n ë wegup, ku we bï aa cäätɔɔkï ë Jeruthalem, ku Juda ëbɛ̈n, ku Thamaria, ku aɣet të guutë piny thar.”

Luɔi 11:16

Guɔ a nɔm tak ë wël ke Bɛ̈nydït, wël wään cï lueel an, ‘Jɔn ee kɔc baptith në pïïu, ku week, we bï baptith në Wëidït ɣer.’

Luɔi 13:2

Na wën, të looi kek ka ke bɛ̈nydït, ku reeckï cäm, ke ke yöökë Wëidït ɣer an, “Pɔ̈ckï yɛn Baranaba kekë Thaulo në këde luɔi cän ke caal thïn.”

Luɔi 13:4

Ku keek, të cï keek tooc ë Wëidït ɣer, ke ke jël lek Theleukia, ku jëlkï ëtɛ̈ɛ̈n, ke ke cath në abël lek Thaiperuth.

Luɔi 15:28

Apiɛth tëde Wëidït ɣer ayï wook an, acïn däŋ buk tääu ë weyiëth, ee kakë tei kek bäk dhil looi,

Luɔi 15:8

Ku Nhialic, Raan ŋic kɔc piɔ̈ɔ̈th, acï aa cäätɔden, në miɔ̈c cï en keek miɔɔc në Wëidït ɣer, acït man cï en wo miɔɔc.

Luɔi 16:6

Go Paulo ku kɔc cath ë yen gokï lɔ tëëk Purugia ku piny ë Galatia, ku pën Wëidït ɣer keek në guiëër bï kek jam guiir në Athia.

Luɔi 2:33

Ku ënɔɔnë, nɔn cï e tɔ dït ë ciin cuëny de Nhialic, ago Wëidït ɣer nööm ku cï Wun kɔn lueel an, bï ke gäm en, yen a luuŋ en ee kënë piny, ke wɔikï ku piɛŋkï ënɔɔnë.

Luɔi 2:4

Agokï thiäŋ në Wëidït ɣer kedhie, ku jɔkï jam në thok lei, acït man cï Wëidït ɣer e gäm keek bï kek jam.

Luɔi 20:28

Yen tiëŋ wek röt, ku tiɛtkï luny de thök ëbɛ̈n, luny cïï Wëidït ɣer tääu ë wecin an bäk tiit, bäk ɣön ë Nhialic aa cääm, ɣön cï ɣɔɔc ë riɛmde guöp.

Luɔi 20:35

We cä nyuöth këriëëc ëbɛ̈n, luɔi bä wek aa luui aya, aguɔkï kɔc kuanynyïïn dhil aa muk, ku yak wenïïm tak në wël ke Bɛ̈nydït Yecu, wään lueel en en an, ‘Raan yïn raan däŋ käŋ, yen aye thieei awär raan ë yïnë käŋ.”’

Luɔi 28:25

Na wën, akën jamden rɔ̈m, ke ke jɔ jäl, të cï Paulo jam tök lueel, an, “Ee yic yen kë cïï Wëidït ɣer lɛ̈k wärkuɔ në tiët Yithaya,

Luɔi 5:3

Go Petero lueel an, “Anania, eeŋö cï Catan yï thiɔ̈ɔ̈ŋ piɔ̈u aya, bä Wëidït ɣer bɛ̈n tɔ̈ɔ̈r lueth, ku cï biäk tök both në wëu ke dom?

Luɔi 7:51

Week kɔc ril nïïm, kɔc kënë cueel piɔ̈ɔ̈th, ku kën ëke cueel yïth, wek ee cool ë luel ater në Wëidït ɣer ëcaŋɣɔn: cït man ë kuarkun, ayï week aya.

Luɔi 7:55

Go Thepano, wën cï en thiäŋ ke Wëidït ɣer, go tënhial toomic ë daai, ku tïŋ dhuëëŋ de Nhialic, ku tïŋ Yecu ke kääc ë baŋ cuëny de Nhialic.

Romai 14:17

Ciɛɛŋ de Nhialic acie cäm ku acie dëk, ee piathëpiɔ̈u, ku mät, ku piɔ̈nmit ë Wëidït ɣer yiic.

Romai 15:13

Ku ënɔɔnë, Nhialic de aŋäth ë week thiɔ̈ɔ̈ŋ piɔ̈ɔ̈th në miɛtëpiɔ̈u ëbɛ̈n kekë mät në gäm gäm wek, ke aŋäth ŋäth wek abï lɔ ke dït, në riɛl ë Wëidït ɣer.

Romai 15:16

Ke yɛn bï aa raan ë Yecu Kërtho luööi ë Juöör yiic, raan ë wëlpiɛth ke Nhialic luöi keek, ke gäm cï Juöör gäm Nhialic ke bï aa läm mit ë Nhialic piɔ̈u, läm cï tɔ piɛth në Wëidït ɣer.

Romai 5:5

ku aŋäth acïï raan ë tɔ yäär, luɔi cï nhiëër ë Nhialic luööŋ ë wopiɔ̈ɔ̈th në Wëidït ɣer cï gäm wook.

1 Kor 12:3

En ata yɛn we ŋic cöökë, yen acïn raan jam ke cath ke Wëndït ɣer ke Nhialic raan bï e lueel an, “Yecu ade guöp aciɛɛn!” Ku acïn raan duëër e lueel an, “Yecu ee Bɛ̈nydït,” të cïï en cath ke Wëidït.

1 Kor 6:19

Ku kuöckï guöpdun nɔn ee yen luaŋdïït ë Wëidït ɣer nu ë weyiic, Wëi cäk yök tëde Nhialic, ku wek cie cath ë naamdun?

2 Kor 13:14

Dhuëëŋ de Bɛ̈nydan Yecu Kërtho piɔ̈u, ku nhiëër ë Nhialic, ku määth de Wëidït ɣer, ë ye tɔ̈u kekë week wedhie. Amiin.

2 Kor 6:6

Në ɣɛɛrëpiɔ̈u, në ŋïnydekäŋ, në guömdekäŋ, në piathëpiɔ̈u, në Wëidït ɣer, në nhiëër cïnic ruëëny,

Epethiei 1:13

Ku ye raan cäk gam ayadäŋ week, të cä wek jam de yic piŋ, yen jam piɛth de kuny cï we kony wëi: ku week, të cä wek guɔ gam, ke we cï gäär piɔ̈ɔ̈th Wëidït ɣer, Wëi cï kɔn lueel an, bï gäm wook.

Epethiei 1:17

ke Wun Bɛ̈nydan Yecu Kërtho, yen aye Wun de nɔm lɛc, ke bï we miɔɔc në wëi ke pɛlënɔm ku nyuuth bï we nyuöth käŋ, luɔi bä wek e ŋic apiɛth.

Epethiei 4:30

Duökï Wëidït ɣer ke Nhialic tɔ dhiau piɔ̈ɔ̈th, Wëi cï we gɔ̈ɔ̈r piɔ̈ɔ̈th ë keek aɣet kööl ë wɛ̈ɛ̈r wëërë kɔc bei ëliŋliŋ.

1 Theth 4:8

Yen ka, raan reec pïŋ, acie raan en reec en këde piŋ, ee Nhialic, Raan cï we miɔɔc në Wëidïtkɛn ɣer.

2Tim 1:14

Këpiɛth cï kuɛ̈i yïnë ye cök ë tiit yïn en në Wëidït ɣer, Wëi rëër ë woyiic.

Tito 3:5

ke jɔ wo kony wëi, ku acie në luɔi de këpiɛth cuk looi wogup, ee kok de yenpiɔ̈u en aa kony en wook, në wɛ̈k de dhiënh cï wo bɛ dhiëëth, ku në cäŋ cï Wëidït ɣer wo bɛ cak.

Ɣeberuu 10:15

Kënë acïï Wëidït ɣer jam thïn ayadäŋ në Awerek de Nhialic yic lëk wook an,

Ɣeberuu 2:4

Ku kë cïk lueel acïï Nhialic nyɔk ë nyuöth nyooth Yen en ayadäŋ në göök ke gäi, ku në tëŋ tek En miɔ̈c de Wëidït ɣer cït kë kɔɔr ë piɔ̈nde.

Ɣeberuu 3:7

Acït man cïï Wëidït ɣer ye lueel an, “Ëköölë, të piɛŋ wek rölde,

Ɣeberuu 9:8

Ku në kakë yiic kedhie, acïï Wëidït ɣer nyuöth wook në këde kueer lɔ Tëɣeric aläl nu paannhial an, aa kënë guɔ liëp thok wook, në biäk ŋoot ë paany ye Nhialic lam në kueer ë löŋ thɛɛr ke kääc.

1 Pet 1:12

Ku acï nyuöth keek, nɔn cïï en ee biäkden ee biäkdun yen aaye kek kakë looi, ka cï guiëër week ënɔɔnë në kɔc wään guïïr week wëlpiɛth në riɛl ë Wëidït ɣer Wëi ë tooc paannhial, ku tuucnhial ayek kakë kɔɔr luɔi woi kek keyiic.

2 Pet 1:21

Acïn jam ë guiir tiët jam ë bɔ̈ në këde piɔ̈n ë raan ëtaiwei: kɔc ɣerpiɔ̈ɔ̈th kɔc ke Nhialic aake ye jam guiir të ye Wëidït ɣer ke kuaath.

1 Jɔn 2:20

Ku we de töny cï we tɔc, töny ë bɔ̈ tëde Raan Ɣeric, ku we ŋic käŋ kedhie.

1 Jɔn 2:27

Ku na week, töny cäk yök tëde yen atɔ̈u ë weyiic, ku acïn raan däŋ kaarkï raan duëër we wɛ̈ɛ̈t, ku acït man ee töny manë we wɛ̈ɛ̈t në këriëëc ëbɛ̈n, ku ye yic, ku cie lueth, ke we bï tɔ̈u ë yeyic, cït man ë wëët en week.

1 Jɔn 5:7

Ku Wëidït kek aye cäätɔ, luɔi ee kek yith kek Wëi. Ku cäätɔɔ nu paannhial ayek diäk, Wääda, ku Jam, ku Wëidït: ku diëŋkë ayek tök.

Juda 1:20

Ku week, we kɔc nhiaar, yak röt yïk ë gämduön cä we gam, gäm ɣeric ë wic, ku yak lɔ̈ŋ në Wëidït ɣer,

Nyuuth 2:11

Raan de yïc, ke piŋ kë lëkë Wëidït ɣööt ke Nhialic. Raan ee tiam acïï thon ee yic rou bï nɔ̈k.