Jɔn 14:17 - JAM DE NHIALIC 2011

¹⁷ yen aye Wëi yic: Raan cï duëërë dɔm ë kɔc ke piny nɔm, luɔi kën kek e tïŋ, ku cïkï ŋic aya: ku ŋiɛckï week, ee rëër ke week, ku abï nu ë weyiic.

Jɔn 14:17 ပူးပေါင်းရင်းမြစ်များ

Kɛ̈ŋ 14:10

Miɛt ë piɔ̈u ku nɔn yen jiɛth ë piɔ̈u de raan acie rɔm.

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 59:21

Ku luɔi mät wo week: wek cä gäm riɛldï ku wëëtdï, ke bï ya këdun aɣet athɛɛr, ku gɔl ënɔɔnë ɣeet wadäŋ, wek bï ya riëëu, ku wɛ̈ɛ̈tkï mïthkun ku kuatdun bïk ɛn aa riëëu aköölnyïïn bï ëbɛ̈n.”

Edhekiɛl 36:27

Yɛn bï wëikï tääu në weyiic, ku akaar bä tïŋ ke we kuany lööŋkï cök ku dötkï ka cä ke lɛ̈k week kedhie.

Math 10:20

Ku acie week ee jam, ee wëi ke Wuöördun kek ee jam ë wegup.

Jɔn 14:16

Ku yɛn bï Wääda lip, ka bï we gäm Raan däŋ Raan ee kɔc riit piɔ̈ɔ̈th, bï aa rëër ke week athɛɛr,

Jɔn 14:23

Go Yecu bɛ̈ɛ̈r, yöök an, “Të nhiɛɛrë raan ɛn, ka bï wëlkï muk: go Wäär nhiaar, agoku bɛ̈n të nu yen, rëërku në yen ëtök.

Jɔn 15:26

Ku Raan ë kɔc riit piɔ̈ɔ̈th, Raan bä tuöc week në Wäär lɔ̈ɔ̈m, yen aye Wëi yic, Wëi ë bɔ̈ bei ë Wäär lɔ̈ɔ̈m, të cï en bɛ̈n, ka bï aa cäätɔdï.

Jɔn 16:13

Ku të cï Raanë bɛ̈n, yen aye Wëi yic, yen abï we wat të nu yic ëbɛ̈n: ku acïï bï jam në këde yenhde, na de kë ye piŋ, yen abï aa lueel: ku abï we nyuöth käŋ, ka bï tïc wadäŋ.

Jɔn 6:40

Këde piɔ̈n ë Wäär kï, an, bï raan ëbɛ̈n raan tïŋ Wënde, ku gɛm, ka bï bɛ pïïr athɛɛr, ku abä jat nhial ëkööl rial wadäŋ.”

1 Kor 14:15

Jɔ aa ŋö? Yɛn bï lɔ̈ŋ wokë wëikï, ku bä lɔ̈ŋ wokë ŋïnydekäŋ aya: yɛn bï kët wokë wëikï, ku bä kët wokë ŋïnydekäŋ aya.

1 Kor 2:14

Ku raan ë yepiɔ̈u tuöm ka ke piny acïï ka ke Wëi ke Nhialic ee dɔm, aye keek tɔ ye kaɣäär yiic, ku acïï keek duëër ŋic, luɔi ye ke yök yiic në Wëi.

1 Kor 3:16

Kuöckï wegup, nɔn aa wek luaŋdïït ë Nhialic, ku nɔn rëërë Wëidït ke Nhialic ë weyiic?

1 Kor 6:19

Ku kuöckï guöpdun nɔn ee yen luaŋdïït ë Wëidït ɣer nu ë weyiic, Wëi cäk yök tëde Nhialic, ku wek cie cath ë naamdun?

2 Kor 13:5

Thɛmkï röt nɔn rɛ̈ɛ̈r wek ë gämic ëgɔk, caathkï röt. Kuöckï wegup nɔn nu Yecu Kërtho ë weyiic, të cä wek ee kɔc cï rɛɛc tei?

2 Kor 6:16

Ayï luaŋ ë Nhialic bï jam mat kekë yiëth adï? Ku week, wek aye luaŋ ë Nhialic pïïr, acït man cï Nhialic e lueel an, “Yɛn bï rëër ë keyiic, ku cath ë keyiic, ku yɛn bï aa Nhialicden, ku kek abï aa kɔckï.”

Galatai 4:6

Ku luɔi aa wek wɛ̈ɛ̈tke, ke Nhialic jɔ Wëi ke Wënde tuɔɔc ë wepiɔ̈ɔ̈th, ke ke cöt an, “Abba, Wäär.”

Epethiei 2:22

Ku week aya, we cï yiëk thïn ëtök bäk aa ɣön bï Nhialic cieŋ në Wëidïtke.

Epethiei 3:17

ke Kërtho bï rëër ë wepiɔ̈ɔ̈th në gäm gäm wek, ago meikun ku këërkëërdun ɣet piny ë nhiëëric,

Kolothai 1:27

Acï miɛt ë Nhialic piɔ̈u luɔi bï en keek tɔ ŋic dït de dhuëëŋ de këcïmoonyë ë Juööriic, yen aye täu tɔ̈uwë Kërtho ë weyiic, ku ye aŋäth de dhuëëŋ.

2Tim 1:14

Këpiɛth cï kuɛ̈i yïnë ye cök ë tiit yïn en në Wëidït ɣer, Wëi rëër ë woyiic.

1 Jɔn 2:27

Ku na week, töny cäk yök tëde yen atɔ̈u ë weyiic, ku acïn raan däŋ kaarkï raan duëër we wɛ̈ɛ̈t, ku acït man ee töny manë we wɛ̈ɛ̈t në këriëëc ëbɛ̈n, ku ye yic, ku cie lueth, ke we bï tɔ̈u ë yeyic, cït man ë wëët en week.

1 Jɔn 3:24

Ku raan ë lööŋke döt, ka ye rëër ë yeyic, ku yen ë yeyic. Ku Wëidït cï gäm wook, yen aŋic wok en nɔn rëër en ë woyiic.

1 Jɔn 4:4

Wek ee kɔc ke Nhialic, wek mïththiaakäŋ, ku acäk ke tiaam: luɔi dïïtë Raan nu ë weyiic awär raan nu ë piny nɔm.

1 Jɔn 4:6

Wok ee kɔc ke Nhialic: raan ŋic Nhialic ka ye këda piŋ, ku raan cie këde Nhialic ka cïï këda ee piŋ. Ŋïny ŋic wok wëi ke yic, ku wëi ke lueth kï.

1 Jɔn 5:7

Ku Wëidït kek aye cäätɔ, luɔi ee kek yith kek Wëi. Ku cäätɔɔ nu paannhial ayek diäk, Wääda, ku Jam, ku Wëidït: ku diëŋkë ayek tök.

Nyuuth 2:17

Raan de yïc, ke piŋ ke lëkë Wëidït ɣööt ke Nhialic. Raan ee tiam, abä päl cäm ë mana cï thiaan, ku abä miɔɔc në kɔi ɣer, kɔɔi cïï rin ë piɛc cak gɔ̈ɔ̈r ë yekɔ̈u, rin cïn raan ŋic keek, ee raan cï gäm en etök.