Jɔn 14:12 - JAM DE NHIALIC 2011

¹² Wek yɔ̈ɔ̈k ëyic an: Raan gam ɛn, ke ka luɔɔi abï keek aa looi ayadäŋ, acakaa luɔi wär ee kakë abï keek aa looi, luɔi la yɛn tëde Wääda.

Jɔn 14:12 ပူးပေါင်းရင်းမြစ်များ

Math 21:21

Go Yecu bɛ̈ɛ̈r, yöök keek an, “Wek yɔ̈ɔ̈k ëyic, na cathkï ë gäm, ku cäkï piɔ̈ɔ̈th wiël ë kaamic, ke we cïï kënë bï looi tei, kë cï luöi ŋaap, ku na yɔ̈ɔ̈kkï kuurdïïtë aya an, ‘Tɔ rɔt nyiɛɛiyë, deenyë yï wïïr,’ ka duëërë looi.

Mak 11:13

Na wën, ke jɔ tim de ŋaap tïŋ tëmec, ade nɔm yïth go bɛ̈n, nɔn de kë bï yiɛ̈n yök ë yenɔm: na wën, ke bɔ̈, go ciën kë cï yök, ee yïth kapäc, pɛɛi ee ŋaap ŋuɔl aa ŋoot wei.

Mak 16:17

Ku kagöökkë abïk kɔc aa kuany cök kɔc cï gam: an, në rinkï abïk jɔɔk rac aa cieec, abïk aa guɛl ë thook mɛɛn thook cï piac yök,

Jɔn 14:28

Acäk piŋ nɔn cän e lɛ̈k week an, ‘Yɛn jël, ku yɛn bï lɔ bɛ̈n tëde week.’ Tëë we nhiaar ɛn, adï cäk piɔ̈ɔ̈th miɛt, nɔn cän e lueel an, ‘Yɛn lɔ tëde Wäär.’ Wäär awär ɛn e dït.

Jɔn 16:7

Ku ee yic en lɛ̈k week ayadäŋ an, jäl jäl ɛn ade naamde tëde week: na cä jël, ke Raan ee kɔc riit piɔ̈ɔ̈th acïï bï bɛ̈n tëde week, ku të jäl ɛn, abä tuöc week.

Jɔn 4:37

Ago jam wäänë go aa yic an, ‘Ŋɛk ee com, ku tëm ŋɛk.’

Jɔn 5:20

Wääda anhiaar Wënde, go ya nyuöth käŋ kedhie kak ee looi: ku bï nyuöth luɔi dïït wär ee kakë, ke we bï gäi.

Jɔn 7:33

Go Yecu lɛ̈k keek, an, “Ë döŋ ke ye tëthiinakäŋ ke ya rɛ̈ɛ̈r wo week, ku bä jɔ lɔ tëde raan ë toc ɛn.

Jɔn 7:39

Aa luel ee kënë në këde Wëidït, Wëi bïï kɔc gam en lɔ̈ɔ̈k nööm, Wëidït aake ŋoot ke ke kënë guɔ gam, luɔi ŋootë Yecu ke kënë guɔ gäm dhuëëŋ.

Luɔi 10:46

Acïk ke piŋ ke ke jam ë thook lei, ke ke lec Nhialic. Go Petero bɛ̈ɛ̈r, an:

Luɔi 16:18

Go kënë looi ë akööl juëc. Na wën, ke Paulo diu piɔ̈u, ku puk rɔt, yöök jɔŋë an, “Në rin ke Yecu Kërtho yïn yɔ̈ɔ̈k an, bä bei ë yeguöp.” Go bɛ̈n bei ë thaar manë guöp.

Luɔi 19:12

Aɣɔ̈l lupɔɔ ke abiɔ̈ɔ̈r ayï lupɔɔ ee cieŋ, acï ke bɛ̈ɛ̈i bei ë yeguöp, leerëke tëde kɔc tök gup, go juäi jäl ë kegup, ku bɔ̈ jɔɔk rac bei ë kegup ayadäŋ.

Luɔi 2:33

Ku ënɔɔnë, nɔn cï e tɔ dït ë ciin cuëny de Nhialic, ago Wëidït ɣer nööm ku cï Wun kɔn lueel an, bï ke gäm en, yen a luuŋ en ee kënë piny, ke wɔikï ku piɛŋkï ënɔɔnë.

Luɔi 2:41

Go kɔc cï wëlke gam ë piɔ̈nmit ago ke baptith, aake cït aguum kadiäk de kɔc.

Luɔi 4:16

Ku luelkï an, “Buk ŋö looi në kɔckë?” Acï kɔc rɛ̈ɛ̈r ë Jeruthalem ëbɛ̈n ŋic ëgɔk nɔn cï gök dït looi në keek, ku acuku ke duëër jɔ̈ɔ̈ny.

Luɔi 4:33

Ku tuuc ayek jamden lueel në riɛldït, jam ee kek cäätɔɔ ke jön cï Bɛ̈nydït Yecu rɔt jɔt: ku tɔ̈u dhuëëŋ dït tëde keek kedhie.

Luɔi 4:4

Ku ade kɔc juëc cï gam kɔc wën cï jam piŋ, go kuën ë röör cï gam go ciët aguum kadhïc.

Luɔi 5:15

Acakaa kɔc tök acï ke bɛ̈ɛ̈i bei, leerë ke ë kuɛɛr yiic, ku tɛ̈ɛ̈uwë keek në ageen nïïm ku thöc nïïm an, bï yiɛ̈n dɛ të le atïptïïp de Petero ë kɔc gup kɔc kɔ̈k ë keyiic, të tëëk en.

Luɔi 6:7

Go jam ë Nhialic piny kiët nɔm: go kuën ë kɔc piööcë go e nyin ŋuak aläl ë Jeruthalem, ayï rem dïït ë bäny ke ka ke Nhialic acïk gäm döt.

Luɔi 8:7

Jɔɔk rac acïk bɛ̈n bei ë kɔc juëc gup, kɔc cïk dɔm, ke ke cöt ë röl dït, ku dem kɔc juëc cï duany, ayï ŋöl.

Luɔi 9:34

Go Petero yɔ̈ɔ̈k an, “Ayina, Yecu Kërtho atɔ yïn dem: jɔt rɔt, loi agendu.” Go rɔt jɔt ënɔnthiinë.

Luɔi 9:40

Go Petero ke tɔ lɔ biic kedhie, go emiɔl tuk ku lɛ̈ŋ, na wën, ke wɛ̈l enɔm raan cï thou, ku yöök an, “Tabitha, jɔt rɔt!” Go enyin liep: na wën, aacï Petero tïŋ, ke jɔt rɔt rëër.

Romai 15:19

ku në göök ril ayï kake gäi cï looi, në riɛl ë Wëidït ɣer ke Nhialic, ku yɛn a tök, aa gal ë Jeruthalem ku bɛ̈i nu ë yekëc, ale guööt piny de Yilirikum, yɛn ë wëlpiɛth ke Kërtho thöl ë guiëër.