Jɔn 12:42 - JAM DE NHIALIC 2011

⁴² Ku aa de kɔc juëc ë bäny yiic tei, bäny ceŋ piny, kɔc cï këde gam, ku në biäk de Parithai aake kën gam ë kethook, ke ke cïï bï cieec ɣön ë Nhialic:

Jɔn 12:42 ပူးပေါင်းရင်းမြစ်များ

Kɛ̈ŋ 29:25

Riɔ̈ɔ̈c acït wïn ë dɛ̈p, ee raan tɔ diɛɛr në kë bï lueel në biäkde, ku aŋäth ë Bɛ̈nydïtic yen ee kuɔɔny.

Yith 51:7

“Piɛŋkï kë luɛɛl, wek kɔc ŋic piathëpiɔ̈u, kɔc tɔ̈u ë wëëtdï në kepiɔ̈ɔ̈th. Duökï ee riɔ̈ɔ̈c të lɛ̈ɛ̈t ë kɔc week ku karɛc luɛɛl ë wegup,

Yith 57:11

Aye Bɛ̈nydït lueel an, “Kek yiëthkë yek yïŋa, ka ayek week tɔ riɔ̈c, ka wek ee ya lɛ̈k lueth ku määrkï nïïm në Yɛn taitai? Cäk riëëu aa wek a riëëu pɔ̈l, në luɔi cän mim në kaamdït yic?

Yith 66:5

Piɛŋkï kë lueel ë Bɛ̈nydït, wek kɔc ee riɔ̈ɔ̈c në yen ku yak riëëu: “Në biäk ya wek piɔ̈ɔ̈th adöt në yɛn, kɔc kɔ̈k në kɔckun yiic amankï week, ku acïn këden yic thïn në week. Ayek we dɔl gup, ku luelkï an, ‘Tɔ Bɛ̈nydït nyooth dïtde ku kony week, agoku week tïŋ ke we mit piɔ̈ɔ̈th.’ Ku keek gupken abïk gup yäär.

Jeremia 38:19

Go ë melik bɛ̈ɛ̈r an, “Yɛn riɔ̈c në kɔc ke Judai, kɔc cï röt gäm kɔc ke Babilonia. Yɛn bïï gäm keek ku kurkï yɛn.”

Math 10:32

Yen tëde ka, raan ëbɛ̈n raan bï a gam ë kɔc nïïm, yen abä gam ayadäŋ ë wäär nɔm wäär nu paannhial.

Luk 12:8

“Wek yɔ̈ɔ̈k aya an, Raan ëbɛ̈n raan ee ya gam ë kɔc nïïm, yen abïï Wën ë Raan gam aya ë tuuc ke Nhialic nïïm.

Luk 23:13

Na wën, ke Pilato cɔl bänydït ke ka ke Nhialic, ku cɔɔl bäny ceŋ piny ayï kɔc kedhie an, bïk guëër,

Luk 6:22

“Thieithieei week, të mɛɛnë kɔc week, ku të tɔ kek wek ë kɔc mɛɛn, ku të lɛ̈ɛ̈t kek week, ku të reec kek rinkun tɔkï ke nhiany, në baŋ de Wën ë Raan!

Jɔn 11:45

Go kɔc juëc ke Judai, kɔc wën bɔ̈ në Meri, të cï kek kë looi tïŋ, agokï gam.

Jɔn 12:11

luɔi jëlë kɔc ke Judai juëc në biäk de yen, bïk Yecu lɔ gam.

Jɔn 16:2

We bïï kɔc cieec ë ɣööt ke Nhialic yiic, yeka kööl abɔ̈, kööl bï raan näk week e lueel ë yepiɔ̈u an, looi ka ke Nhialic.

Jɔn 19:38

Na wën, aacï kakë wan, ke Jothep de Arimathia, raanpiööcë Yecu, ku aaye thiaan në riɔ̈ɔ̈c wään cï en aa riɔ̈ɔ̈c ë Judai, ke jɔ Pilato lɔ̈ŋ an, bï guöp de Yecu jɔt: go Pilato gam. Go bɛ̈n, bï ku jɔt guöp de Yecu.

Jɔn 3:2

Ë bɛ̈n tëde Yecu wakɔ̈u, bï ku lueel an, “Rabi, yïn ŋicku nɔn ee yïn raan ee wëët raan ë bɔ̈ tëde Nhialic: acïn raan duëër göök loiyë looi, të cïï Nhialic cath ke yen.”

Jɔn 7:13

Ku acïn raan ee jam ë këde yen ë kɔc yiic, në riɔ̈ɔ̈c wën cï kek riɔ̈ɔ̈c ë Judai.

Jɔn 7:31

Ku kɔc juëc në kutic acïk e gam, ku luelkï an, “Kërtho, të cï yen bɛ̈n, bï göök looi göök wär ka looi ee raanë?”

Jɔn 9:22

Kakë aake lueel wun kekë man, në riɔ̈ɔ̈c riɔ̈ɔ̈c kek ë Judai: Judai aake cï kethook mat an, të de yen raan gam en an, ee Kërtho, ka bï ciɛɛc biic ɣön ë Nhialic.

Jɔn 9:34

Gokï bɛ̈ɛ̈r yöökkï an, “Yïn aa dhiëth ë këracic liŋliŋ, ku bä wook wɛ̈ɛ̈t?” Agokï ciɛɛc biic.

Luɔi 5:41

Gokï jäl ë löŋ nɔm, ke ke mit piɔ̈ɔ̈th nɔn cï ke tɔ ye kɔc röŋ në guöm de ayäär në baŋ de Rinke.

Romai 10:10

Gäm ee raan gam ë yepiɔ̈u yen aye yen piathëpiɔ̈u yök, ku luɛɛl ee raan gämde lueel ë yethok yen aye yen kunydewëi yök.

1 Jɔn 4:15

Të de en raan luel gämde, an, Yecu yen aye Wën ë Nhialic, ke Nhialic arɛ̈ɛ̈r ë yeyic, ku rëër ë Nhialicic.

1 Jɔn 4:2

Ŋïny ŋiɛc wek Wëidït ke Nhialic kï: an, wëi ëbɛ̈n wëi ee gam nɔn cï Yecu Kërtho bɛ̈n ke ye raan guöp, ka ye kë bɔ̈ tëde Nhialic.