Jɔn 12:36 - JAM DE NHIALIC 2011

³⁶ Të ŋuɔɔt wek ë we de ɣɛɛrëpiny, jakï ɣɛɛrëpiny gam, ke we bï aa mïth ke ɣɛɛrëpiny.” Kakë aake lueel Yecu, ku jiël, go thiaan ë keek.

Jɔn 12:36 ပူးပေါင်းရင်းမြစ်များ

Yith 60:1

Jɔt rɔt, Jeruthalem ku jɔ piny riaau abä ciët ruɛl de akɔ̈l, dhuëëŋ de Bɛ̈nydït alɔ riauriau në yï kɔ̈u!

Math 21:17

Go ke nyääŋ piny, ku jël pänydït le Bethani, le niin ëtɛ̈ɛ̈n.

Math 5:14

Wek ee ɣɛɛrëpiny ë tiɔp nɔm. Pänydït cï yïk ë kuurdït nɔm acïï duëërë lëu në thiën.

Luk 16:8

Go bɛ̈nyde raan rac nu ë dhiënde nɔm leec në luɔi cï en pɛl: wɛ̈ɛ̈t ke piny de ënɔɔnë ayek wɛ̈ɛ̈t ke ɣɛɛrëpiny wöör në pɛl ë remdenic.”

Jɔn 1:7

Aa bɔ̈ ke ye cäätɔ, bï kɔc bɛ̈n lɛ̈k ɣɛɛrëpiny, bï kɔc kedhie ya gam në liemde.

Jɔn 11:54

Yen aacïï Yecu ee bɛ cath ë kɔc nïïm ë Judai yiic, ajël en ëtɛ̈ɛ̈n, le rɛ̈ɛ̈r të lɔ jɔ̈ɔ̈ric, le pänydïït cɔl Eparaim, le ku rëër ëtɛ̈ɛ̈n kekë kɔckɛn ë piööcë.

Jɔn 12:37

Ku acakaa nɔn cï en göök juëc looi ë kenïïm, gokï ŋoot ë ke cïï gam:

Jɔn 12:46

Yɛn aa bɔ̈ ë piny nɔm, ke ya ye ɣɛɛrëpiny, ke raan gam ɛn, ke cïï bï rëër tëcol.

Jɔn 3:21

Ku raan ee yic looi ee bɛ̈n tëɣer, ke luɔide bï aa tïc, nɔn cï e looi në Nhialic.

Jɔn 8:12

Go Yecu kɔc yɔ̈ɔ̈k, an, “Yɛn ee ɣɛɛr ë piny nɔm: raan kuany a cök acïï bï cath tëcol, ku bï dɛ ɣɛɛrëpiny de pïïr.”

Jɔn 8:59

Gokï kur kuany piny lek biɔ̈ɔ̈k: go Yecu thiaan, na wën, ke jël ë Luaŋdïtic le biic, aa tëk ë keyiic cil, bɛɛric aya.

Epethiei 5:8

Wek aaye cuɔlëpiny ɣɔn, ku ënɔɔnë, wek ee ɣɛɛrëpiny ë Bɛ̈nydïtic: rɛ̈ɛ̈rkï ë rëër ë mïth ke ɣɛɛrëpiny,

1 Theth 5:5

luɔi aa wek wɛ̈ɛ̈t ke ɣɛɛrëpiny wedhie, ku yak wɛ̈ɛ̈t ke aköl: wo cie kɔc ke wɛ̈ɛ̈rwakɔ̈u, ayï cuɔlëpiny.

1 Theth 5:8

Ku wook, wok kɔc ke aköl, yok nïïm piath, abuk wëu pät yiic ee yɔu gël aa cieŋ, wëu ke gäm ku nhiëër, ku në baŋ de akup de aŋäth ku kunydewëi.