Jɔn 12:26 - JAM DE NHIALIC 2011

²⁶ Të de yen raan ë kakï looi, në ye ya biɔɔth cök, ago bɛ̈n të nuö yɛn, yen abï raan ee kakï looi nu thïn ayadäŋ: të de yen raan ee kakï looi, yen abï Wäär ŋic.

Jɔn 12:26 ပူးပေါင်းရင်းမြစ်များ

Diɛt 17:15

Ku yïn bä tïŋ në luɔi ë piathëpiɔ̈u cä looi, na la lɔ pääc, yɛn bï piɔ̈u miɛt në dhuëëŋdu.

Diɛt 91:15

Të cɔɔl kek Ɛn, Yɛn bï cɔ̈tden piŋ, tëde yen nuan cï ke yök, yɛn bï tɔ̈u wo keek. Ku abä keek luäk bei, ku dhuɛ̈ɛ̈ŋ keek gup.

Kɛ̈ŋ 27:18

Raan ee bɛ̈nyde ŋiëc luööi aa riöpde yök, ku raan ee dom de ŋaap puuric abï mïthke cam.

Kuɛ̈n 14:24

Ku në biäk nu Kalep, awundï ke wuöc ke keek, ku ŋoot ke riëëu Ɛn, abä bɛ̈ɛ̈i piny wään cï lɔ caath, ku piny abï lɔ̈ɔ̈k aa piny de mïthke.

Kuɛ̈n 32:11

‘Yɛn cï kuëŋ nɔn cïn en raan ee run thiërrou le tueŋ në kɔc ɣɔn luäk bei pinyde Rip, bï ɣet piny ɣɔn cä thɔ̈n Abraɣam, kekë Yithaak, ku Jakop në luɔi cï kek Ɛn ee riëëu taitai.

Math 16:24

Na wën, ke Yecu yöök kɔckɛn ë piööcë an, “Na de raan de piɔ̈u luɔi bï en a kuany cök, ke nyäŋ rɔt, ku jɔt timdɛn cï rïïu nɔm, ku biɔɔth a cök.

Math 25:21

Go bɛ̈nyde yɔ̈ɔ̈k an, ‘Apiɛth, yïn ee lïm piɛth ŋic käŋ döt, yïn ë kalik döt apiɛth, yïn bä tääu ë kajuëc yiic, yïn bï piɔ̈u miɛt wekë bɛ̈nydu ëtök.’

Mak 8:34

Go kut ë kɔc cɔɔl kekë kɔckɛn ë piööcë, ku yöök keek an, “Na de raan kɔɔr luɔi bï en a biɔɔth cök, ë ye rɔt nyɔ̈ŋ, ku jɔt timdɛn cï rïïu nɔm, ku jɔ a kuany cök.

Luk 12:37

Thieithieei lïïmkë, lïïm bïï bɛ̈ny yök ke ke tit käŋ, kööl bï en bɛ̈n! Wek yɔ̈ɔ̈k ëyic an, abï ë yic duut, ku jɔ ke tɔ nyuc tën ee cäm, ago bɛ̈ny ke yiɛ̈n këcam.

Luk 6:46

Ku eeŋö caal wek ɛn an, “Bɛ̈nydït, Bɛ̈nydït, ku cäkï ka luɛɛl ee looi?

Luk 9:23

Go keek yɔ̈ɔ̈k kedhie an, “Na de raan de piɔ̈u luɔi bï en a kuany cök, ë ye rɔt nyɔ̈ŋ, ku ye timdɛn cï rïïu nɔm jɔt ë aköölnyïïn, ku kuɛny a cök.

Jɔn 10:27

Thökkï ayek röldï piŋ, ku aŋiɛc keek, ku yek a kuany cök:

Jɔn 13:16

Wek yɔ̈ɔ̈k ë yic an, lïm acïï bɛ̈nyde ee wöör ë dït, ayï raan cï tooc, acïï raan ë toc en wär.

Jɔn 14:15

Të nhiaar wek ɛn, ke we döt lööŋ thɔ̈n week.

Jɔn 14:3

Ku të la yɛn, la tëdun guik, ke yɛn bï a nɔm bɛ lɔ puk, bä we bɛ̈n loor, ago të nuö yɛn, ke we bï nu ëtɛ̈ɛ̈n aya.

Jɔn 15:20

Takkï wenïïm në jam cä lɛ̈k week an: ‘Lïm acï bɛ̈nyde wär ë dït.’ Të cï kek a yɔŋ, ka bïk we yɔŋ ayadäŋ, ku të cï kek jamdï döt, ka bïk jamdun döt ayadäŋ.

Jɔn 17:24

“Yïn Wäär, kɔc cï gäm ɛn, yɛn de piɔ̈u luɔi bï kek aa tɔ̈u në yɛn ëtök të nuö yɛn thïn, ke ke bï dhuëëŋdï tïŋ, dhuëëŋ cï gäm ɛn, nɔn cï yïn a nhiaar ɣɔn ŋootë piny ke kënë cak.

Jɔn 21:22

Go Yecu lueel an, “Të dɛ yɛn piɔ̈u luɔi bï en tɔ̈u aɣet të bä yɛn lɔ bɛ̈n, ke eeŋödu thïn? Yïn, kuany a cök!”

Romai 1:1

Yɛn Paulo, lïm de Yecu Kërtho, raan cï cɔɔl, an, bï aa tuc, raan cï tɔ̈ɔ̈u pei në këde wëlpiɛth ke Nhialic.

Romai 14:18

Ku raan ë Kërtho luööi apiɛth ë kake yiic, ka piɛth ë Nhialic piɔ̈u, ku aye kɔc tɔ ye raan piɛth ayadäŋ.

2 Kor 4:5

Ku wo cie guïïr ë këda, ee këde Kërtho Yecu Bɛ̈nydït en ë yok guiir, ku wook, wok ee lïïmkun në biäk de Yecu.

2 Kor 5:8

Wo ee wopiɔ̈ɔ̈th riit, dï, ku yok lueel an, aduëër ŋuän tëde wook të tɔ̈u wok roor të liiuwë guöpda, ku tɔ̈uku baai në Bɛ̈nydït ëtök.

Galatai 1:10

Kaar luɔi bï kɔc piɔ̈ɔ̈th miɛt në yɛn ënɔɔnë, ku ye Nhialic? Kaar luɔi bän kɔc kɔ̈c nyïïn? Tëë ya ŋoot ke ya ye kɔc kɔ̈c nyïïn, adï cä ye lïm de Kërtho.

Pilipoi 1:23

Yɛn ë miɛn ë kaamden kaarou, yɛn cïï ŋɔ̈ɔ̈ŋ de jäl dɔm, jäl jäl ɛn aguɔ tɔ̈u wokë Kërtho ëtök, yen aŋuän arëëtdït.

Kolothai 3:24

Në ŋïny ŋiɛc wek cöökë an, ee tëde Bɛ̈nydït, yen bä wek käŋ lɔ̈ɔ̈k lak ka bï aa ariöpdun, ee Bɛ̈nydït Kërtho yen aluööikï.

Kolothai 4:12

Wek thiëëc Epapara, raandun, ku ye raan ee Yecu Kërtho luööi, ee cool ë nɛ̈k rɔt piny ë lɔ̈ŋdeyic në biäkdun, ke we bï aa kɔ̈ɔ̈c aril, ke we bï piɔ̈ɔ̈th aa dikëdik ku kuɛthkï në këde piɔ̈n ë Nhialic ëbɛ̈n.

2 Pet 1:1

Yɛn Thimon Petero, lïm de Yecu Kërtho ku ya tunyde, wek gäär awerek wek kɔc cï gäm de naamde yök, gäm kït ke gämda në piathëpiɔ̈u ë Nhialic kekë Konydan Yecu Kërtho:

1 Jɔn 5:3

Nhiëër ë Nhialic kï, dön ee wok lööŋke döt: ku lööŋke acïkï ril.

Juda 1:1

Yɛn Juda, lïm ë Yecu Kërtho, ku ya mänhë ë Jakop. Awerek en gäär kɔc cï cɔɔl, kɔc nhiɛɛr Nhialic Wääda, ku cïke muk ë Yecu Kërtho yic:

Nyuuth 14:4

Kɔckë ee kɔc kën kegup tɔ rac në diäär: ayek kɔc kën kɔn lɔ ë diäär: Kɔckë ee kɔc ë Nyɔŋamääl kuany cök, të de en të le yen thïn. Kɔckë aake wëërë bei ë kɔc yiic, bïk aa kɔc cïï piny kɔn luɔk ë ke në këde Nhialic ku në këde Nyɔŋmääl.

1 Tham 2:30

Yɛn, Bɛ̈nydït Nhialic de Yithriɛl, Yɛn cï gutguut looi ɣɔn thɛɛr wokë kɔc paandu ku dhiëndun, nɔn bän yïn looi ke yï ye bɛ̈ny de kake Nhialic anandu. Ku ënɔɔnë acä lueel, nɔn cän yen bï bɛ looi ë kööl däŋ! Ku kë bä looi, Yɛn bï kɔc ee Yɛn riëëu guöp riëëu, ku Yɛn bï kɔc ee Yɛn biɔɔn guöp luöi këtuc.