Jɔn 12:25 - JAM DE NHIALIC 2011

²⁵ Raan nhiaar wëike, abï wëike mɔ̈ɔ̈r, ku raan man wëike ë pinyë nɔm, abï wëike muk aɣet pïïr athɛɛr.

Jɔn 12:25 ပူးပေါင်းရင်းမြစ်များ

Wɛ̈ɛ̈t 2:17

Ka yɛn man pïïr, në biäk de luɔɔi ee looi ë piny nɔm acï ya jieeth piɔ̈u. Yen ëbɛ̈n ee ɣɔ̈ric, ee cum de yom cök.

Math 10:39

Raan yök wëike abï wëike mɔ̈ɔ̈r, ku raan mär wëike në biäkdï abï wëike yök.

Math 16:25

Raan ëbɛ̈n raan kɔɔr luɔi bï en wëike kony, ka bï ke mɔ̈ɔ̈r, ku raan ëbɛ̈n raan mär wëike në biäkdï, ka bï ke yök.

Math 19:29

Ku raan ëbɛ̈n raan cï ɣööt nyääŋ piny, ku nyiëëŋ mïthëkɔcken piny, ayï nyïïrëkɔcken, ayï wun, ayï man, ayï tiiŋde, ayï mïthke, ayï duumke, në biäk de rinkï, ka bï käŋ yök ka cï ŋuak nyïïn raanbɔt, ku abï pïïr athɛɛr lɔ̈ɔ̈k lak.

Mak 8:35

Raan ëbɛ̈n raan kɔɔr luɔi bï en wëike kony, ka bï wëike mɔ̈ɔ̈r, ku raan ëbɛ̈n raan bï wëike mɔ̈ɔ̈r në biäkdï, ku në biäk de wëlpiɛth, ka bï wëike kony.

Luk 14:26

“Na bɔ̈ raan tëde yɛn, ku cïï wun man, ku cïï man man, ku cïï tiiŋde man, ku mïthke, ku mïthëkɔcken, ku nyïïrëkɔcken, yeka, acakaa wëiken guöp ayadäŋ, ka cïï duëër aa raandiën ë piööcë.

Luk 17:33

Raan kɔɔr luɔi bï en wëike kony, ka bï ke mɔ̈ɔ̈r, ku raan mär wëike, ka bï ke kony.

Luɔi 20:24

Ku acïn kë ya tɔ dït ee kakë yiic, acakaa pïïrdï acä duëër theek, luɔi bän luɔidï thöl ë miɛtëpiɔ̈u, ku thɔ̈l luɔi cïï Bɛ̈nydït Yecu tääu ë yacin an, bä aa cäätɔ, bï wëlpiɛth aa guiir, wëlpiɛth ke dhuëëŋ de Nhialic piɔ̈u.

Luɔi 21:13

Go Paulo bɛ̈ɛ̈r an, “Eeŋö luɔikï wäkya, abäk a tɔ cuän piɔ̈u në dhiëndun? Acie mäny mɛcë ya ë Jeruthalem en gam etök, ayï thuɔɔu acä gam aya, në baŋ de rin ke Bɛ̈nydït Yecu.”

Ɣeberuu 11:35

Ee kueer ë gäm de yic aŋäth yen aa tɔ diëër kɔ̈k tɔ pukë nïïm kɔc nhiaarkï, ɣɔn cï kɔn thou ku be ë ke tɔ pïïr. Kɔc kɔ̈k ë keek aake jiëi nɔmlääu agokï thou, kɔ̈k aake luc në ɣööt ke dömiic, në luɔi bï kek këpiɛth yök në kööl ë jön ë rɔt bï kɔc bɛ pïïr në pïïr piɛth cïï kɔ̈u bï tɛɛm.

Nyuuth 12:11

Gokï tiaam në riɛm de Nyɔŋamääl, ku në jamdɛn cïk lueel ke ke ye cäätɔɔ, ku kënkï wëiken tak a thou kek.