Jɔn 12:13 - JAM DE NHIALIC 2011

¹³ Ke ke jɔ kër ke akööt nööm, ku lek biic lek loor, ke ke cöt an, “Ɣothana! Thieithieei në raan bɔ̈ në rin ke Bɛ̈nydït, yen Melik de Yithriɛl!”

Jɔn 12:13 ပူးပေါင်းရင်းမြစ်များ

Yith 44:6

Kë lueel ë Bɛ̈nydït melik de Yithriɛl, ku ye konyde, Bɛ̈nydït de rɛm kï: “Yɛn ee tueŋ, ku Ya ciëën, ku Yɛn ee Nhialic a tök, acïn yanh däŋ ee Yɛn a tök.

Ɣodh 3:5

Ku ëtɛ̈ɛ̈n, mïth ke Yithriɛl abïk kenïïm puk, ku kɔɔrkï Bɛ̈nydït Nhialicden, ku kɔɔrkï meliŋ cït Debid. Wadäŋ në akööl ciëën, abïk aa bɛ̈n në Bɛ̈nydït lɔ̈ɔ̈m në riëëu, bïï ë keek bɛ̈n thieei.

Lebai 23:40

Në kööl tueŋ wek bï mïth ke tiim piath nööm, ku nämkï yïth ke akööt ku yïth ke tiim dït, ku jakï piɔ̈ɔ̈th miɛt ë Bɛ̈nydït Nhialicdun nɔm në nin kadhorou.

Dhep 3:15

Bɛ̈nydït acï luɔi lui En yïn këtuc pɔ̈l, acï kɔckuön ke ater nyaai ëbɛ̈n, Bɛ̈nydït, Meliŋ de Yithriɛl atɔ̈u ke week, ka cïn kë bï we bɛ riääc ënɔɔnë.

Math 23:39

Wek yɔ̈ɔ̈k an, “We cïï a bï bɛ tïŋ, aɣët të bä wek e lueel an, ‘Thieithieei ë raan bɔ̈ ë rin ke Bɛ̈nydït.”’

Math 27:42

“Ë kɔc kɔ̈k luök, ku cïï rɔt lëu në luäk. Na ye melik de Yithriɛl, në bɔ̈ piny ënɔɔnë ë tim cï rïïu nɔm kɔ̈u, ka buk gam!

Jɔn 1:49

Go Nathanyel bɛ̈ɛ̈r, lueel an, “Rabi, yïn ee Wën ë Nhialic! Ku yïn ee Melik de Yithriɛl!”

Jɔn 12:14

Na wën, acï Yecu mul koor yök, ke lɔ ë yekɔ̈u, acït man cï e gɔ̈ɔ̈r, an,

Jɔn 12:15

“Du riɔ̈c, nyan de Dhiɔn: Melikdu ka bɔ̈yë, ke cath ë mɛnh ë muul kɔ̈u.”

Jɔn 19:15

Agokï cööt an, “Nyaaiyë! Nyaaiyë! Piäätë!” Go Pilato ke thiëëc an, “Bä Melikdun piäät?” Go bänydït ke ka ke Nhialic bɛ̈ɛ̈r an, “Wo cïn melik däŋ, ee Kaithar etök!”

Nyuuth 15:3

Ku kitkï din ë Mothe lïm ë Nhialic, ku din ë Nyɔŋamääl, luelkï, an: “Yïn Bɛ̈nydït Nhialic Awärjäŋ, luɔidu adït ee kɔc tɔ gäi! Yïn Melik de Juöör kuɛɛrku apiɛthkï ku yek yith!

Nyuuth 19:16

Ku acath ke rin cï gɔ̈ɔ̈r ë lupɔde kɔ̈u ku gäär ë yeɣäm an, “MELIK NU Ë MELIIK NÏÏM, KU BƐ̈NYDÏÏT NU Ë BÄNYDÏT NÏÏM.”

Nyuuth 7:9

Na wën, aacï kakë thök, ke ya jɔt anyin, ku ja kut dïït ë kɔc tïŋ, ku cïn raan duëër e lëu ë kuɛ̈n, kɔc ë bɔ̈ bei ë juööriic ëbɛ̈n, ku dhiëën yiic ëbɛ̈n, ku thäi yiic ëbɛ̈n, ku liëp yiic ëbɛ̈n, ke ke kääc ë thöönydït nɔm ku Nyɔŋamääl nɔm, ke ke ceŋ lupɔɔ ɣer, ku mukkï yïth ke akööt ë kecin.