Jɔn 11:55 - JAM DE NHIALIC 2011

⁵⁵ Ku Dhuëëŋ ë Judai cɔl Winythok acï guɔ thiɔ̈k: go kɔc juëc jäl rɛɛr lek Jeruthalem, të ŋootë Winythok wei, lek kegup tɔ piɛth.

Jɔn 11:55 ပူးပေါင်းရင်းမြစ်များ

Cäk 35:2

Ago Jakop lɛ̈k kɔc ke baaide, ku kɔc rɛ̈ɛ̈r në yen kedhie an, “Cuatkï yiëth lɛɛn cath në week wei. Ku wakkï wegup, abäk gup lipëlip. Ku waarkï lupɔɔkuön ciɛŋkï, në lupɔɔ kɔ̈k cäk waak.

Jop 1:5

Ku të cïï akööl ke dhuëëŋken thäär thök, ke Jop abï ke tuöc kanäk bï awɛ̈ɛ̈cken waak wei, ee rɔt jɔt adurduur ku gɛm miɔ̈c ye nyop ëbɛ̈n thöŋ ke kuën ë mïthke kedhie, në luɔi ye Jop e lueel ë yepiɔ̈u an, cï mïthke dhil wäc, cïk Nhialic lat ë kepiɔ̈ɔ̈th. Aye Jop cool ke looi aya.

Diɛt 26:6

Bɛ̈nydït yɛn ë yacin waak bän luɔi ciɛ̈n ɛn guöp awäc nyuɔɔth, ku la lam ë yïïŋdu lɔ̈ɔ̈m.

Bɛ̈n 19:10

Go Bɛ̈nydït lɛ̈k en an, “Lɔ tëde kɔc, lɔ tɔ ke nöm ee köölë ku miäk ke ke wak kegup, ku wakkï lupɔɔken.

Kuɛ̈n 9:10

“lɛ̈kë kɔc ke Yithriɛl an të de yen raan cï guöp rac në weyiic, ku nɔn ee yen mïthkun në luɔi cï yen guöp de raan cï thou jak, ku nɔn yen raan cï keny, ke ŋoot ke loi dhuëëŋ de winythok në akööl cï mäc en.

Kuɛ̈n 9:6

Ku ade kɔc ë cïï gup piɛth, në luɔi ë cïï kek guöp de raan cï thou jak, në baŋ cïï kek Winythok bï looi ee köölë, agokï lɔ tëde Mothe kekë Aron, lek keek luɔp an,

Math 26:1

Na wën, aacï Yecu wëlke thöl kedhie, ke yöök kɔckɛn ë piööcë an,

Math 26:2

“Aŋiɛckï nɔn bï Dhuëëŋ looi të cï nïn thök kaarou, Dhuëëŋ cɔl Winythok, ku Wën ë Raan abï nyiɛɛn, go piäät ë tim cï rïïu nɔm kɔ̈u.”

Mak 14:1

Na wën, aŋoot nïn kaarou wei ke bï aa Dhuëëŋ de Winythok, ku bï aa Dhuëëŋ de Kuïn Cïnic Luɔu, ke bänydït ke ka ke Nhialic ku kɔc ë löŋ gɔ̈ɔ̈r ë ke kɔɔr luɔi bï kek ë dɔm ë cuëër, lek nɔ̈k:

Luk 22:1

Ku Dhuëëŋ de Kuïn Cïnic Luɔu acï thiɔ̈k, Dhuëëŋ cɔl Winythok.

Jɔn 12:1

Na wën, aŋoot Winythok wei ë akööl kadhetem, ke Yecu jɔ bɛ̈n Bethani, paan ë nu Ladharo thïn, raan wään cï thou, raan wään cïï Yecu jɔt ë kɔc cï thou yiic.

Jɔn 13:1

Na wën, aŋoot Dhuëëŋ ë Winythok wei, ke ŋic Yecu nɔn cï köölde bɛ̈n, kööl bï en jäl piny le tëde Wun, ku nhiëër nhiɛɛr en kɔckɛn nu ë piny nɔm, yen aa nhiɛɛr en keek athöökë käŋ.

Jɔn 18:28

Na wën, ke ke jɔ Yecu thɛl ë Kayapath nɔm leerkï alooc de gɔny yic: ku piny ë ruu, ku kegup akënkï lɔ ë alooc de gɔny yic, ke ke cïï bï tɔ rac gup, ë luɔi duëër kek Winythok cam.

Jɔn 2:13

Dhuëëŋ ë Judai ë guɔ thiɔ̈k, Dhuëëŋ cɔl Winythok, go Yecu lɔ Jeruthalem.

Jɔn 2:6

Ade töny dït cï cäp ëtɛ̈ɛ̈n kadhetem, töny ke pïïu, töny ë cuëc ë kuur, kak ee kɔc ke piny, cït man ë ciɛɛŋ de Judai, töny tök aduëër yic dɛk jeluun kathiërrou ayï thiërdiäk.

Jɔn 5:1

Na wën, acï kakë thök, ke Judai ë ke jɔ Dhuëëŋ looi, ago Yecu jäl le Jeruthalem.

Jɔn 6:4

Ku Winythok, Dhuëëŋ ë Judai, ë guɔ thiɔ̈k.

Luɔi 21:24

mätë rɔt keek, wak yïguöp abä guöp piath we keek, ku gämë keek wëu bï kek kenïïm muut: yen abï kɔc e ŋic kedhie nɔn ee yen lueth yen jam cïk piŋ në këdu, ku bïk ŋic nɔn rëër yïn ë rëër piɛth, ku nɔn döt yïn löŋ ë muk.

Luɔi 21:26

Go Paulo rɔt mat ee röörkë, na ɣɔn amiäk, acï yeguöp waak abï guöp a wic ke keek ëtök, ke jɔ lɔ Luaŋdïtic le kɔc lɛ̈k thök cï akööl ë wɛ̈k ë gup thök, ku tɔ̈u ëtɛ̈ɛ̈n, aɣet të bï këdäŋ gäm Nhialic në biäkden kedhie.

Luɔi 24:18

Ago Judai kɔ̈k bɔ̈ Athia agokï bɛ̈n, ku yökkï yɛn ë Luaŋdïtic, ke ya piɛth guöp, ku cïn kut ë kɔc cath ë yɛn, ku cïn awuɔɔu nu.

1 Kor 11:28

Ë raan kɔn rɔt thiëëc, ku bï jɔ cam ee kuïnë, ku dëk ee bïnyë.

Jakop 4:8

Yak röt cuöt Nhialic, ke bï rɔt aa cuöt week. Wakkï wecin abïk piath, we kɔc ee kërac looi, ku takï wepiɔ̈ɔ̈th agɔk, wek kɔc ee piɔ̈ɔ̈th rou.

1 Tham 16:5

Go bɛ̈ɛ̈r an, “Ɣɛɛ, ee këpiɛth. Yɛn aa bɔ̈ bä Bɛ̈nydït bɛ̈n miɔɔc. Ka week, waakkï, ku bäk lokku ëtök.” Ku yöök Jethe an, wɛɛk kekë wɛ̈ɛ̈tke ëtök, ke ke bï lɔ në yen ayadäŋ.